Varhoma 2:6 - Testamente Leyimpsha Xichangana

⁶ Hikuva xona xitlhelisela mun'wana ni mun'wana hi kuya hi mintirho ya yena:

BIBELE Mahungu Lamanene

⁶ Hikuva xona xi rihisela un'wana ni un'wana hi ku ya hi mintirho ya yena:

Xitsonga (Bibele)

⁶ loko xi rihisela un'wana ni un'wana hi mitirho ya yena.

Varhoma 2:6 Referans Kwoze

2 Vakorinto 5:10

Hikuva hinkwerhu hitafanela kuyima mahlweni ka Xitshamu xa kuyavanyisa xa Kriste, lesvaku mun'wana ni mun'wana atayamukela hakelo ya lesvi asviyendleke loko ahali mirini, hambi lesvosaseka kumbe lesvobiha.

Matewu 16:27

Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena.

Nhlavutelo 22:12

Yesu ali: “Vonani, nata svosvisvosvi, nita ni hakelo ya mina, kutahakela mun'wana ni mun'wana hi kuya hi lesvi asviyendleke.

Nhlavutelo 20:12

Nasvona, nivona vafi, lavakulu ni lavatsongo, na vayimile mahlweni ka Xitshamu xa Vuhosi, kutani tibuku tipfuliwa. Kupfuliwa ni buku yin'wanyana, yinga buku ya vutomi. Vafi vayavanyisiwa mayelanu ni lesvi svingatsaliwa tibukwini, hi kuya hi lesvi vasviyendleke.

1 Vakorinto 3:8

Lweyi abzalaka ni lweyi acheletelaka varingana, hambilesvi mun'wana ni mun'wana angatayamukela hakelo ya yena hi mpimo wa ntirho wa yena.

Nhlavutelo 2:23

Nitadlaya vana va yena, kutani tikereke hinkwatu titativa lesvaku hi mina lweyi akambisisaka miyanakanyu ni timbilu. Kutani nitayavanyisa mun'wana ni mun'wana hi kuya hi mintirho ya n'wina.

1 Vakorinto 4:5

Hikolaho mingayavanyiseleni nchumu makumu, na nkama wungasifika. Rindzelani Hosi yikondza yivuya; hi yona leyingatahumesela rivaleni svilo sva munyama lesvifihliweke, ni kupaluxa makungu ya timbilu ta vanhu; kutani hi kona mun'wana ni mun'wana angatakuma kudzunisiwa ka yena loku kuhumaka ka Xikwembu.

Varhoma 14:22

Lesvi usvikholwaka wena mbilwini ya wena, ayive mhaka ya wena ni Xikwembu xa wena. Kukatekile munhu lweyi angatitwiki kuhoxa ka svilo lesvi avonaka lesvaku svibasile.

2 Vakorinto 11:15

Loko svilitano, asvihlamalisi loko malandza ya yena na wona matiyendla onge i malandza ya lesvolulama; kambe kuheteleleni, vatakuma lesviyelanaka ni mintirho ya vona.

2 Timotiya 4:14

Alexandre mufuli wa sva koporo aniwonhelile ngopfu; Hosi yitamutlhelisela hi lesvi aniyendleke svona.