Varhoma 2:15 - Testamente Leyimpsha Xichangana

¹⁵ Vakombisa lesvaku lesvi Nawu wuleletaka svona, svitsaliwile timbilwini ta vona; ripfalu ra vona ritiyisa svosvo, hambi yili miyanakanyu ya vona, loko yiphikizana, yivaveka nandzu kumbe yiyima na vona;

BIBELE Mahungu Lamanene

¹⁵ Va kombisa leswaku leswi Nawu wu lerisaka swona, swi tsariwile etimbilwini ta vona; ripfalo ra vona ri tiyisa sweswo, hambi yi ri miehleketo ya vona, loko yi kanetana, yi va veka nandzu kumbe yi yima na vona;

Xitsonga (Bibele)

¹⁵ Va kombisa leswaku ntirho wa nawu wu tsariwile etimbilwini ta vona, ripfalo ra vona i mbhoni ya vona: ni miehleketo ya vona ya va tshinya, kumbe yi va yimela;

Varhoma 2:15 Referans Kwoze

2 Vakorinto 5:11

Hikolaho, hikholwisaka vanhu hi kuvakhongotela hikuva hasvitiva lesvaku, kuva ni xichavu ka Hosi, svivula yini; kambe Xikwembu xitiva svinene lesvi hinga xisvona, kutani natshemba lesvaku na n'wina mihitiva hi mukhuva wolowo mapfalwini ya n'wina.

Tito 1:15

Svilo hinkwasvu svitengile ka lava vatengeke; kambe aku na lexitengeke ka lavanyameke, ni ka lava vangapfumeliki, hikuva miyehleketo ya vona ni mapfalu ya vona svinyamisiwile.

2 Vakorinto 1:12

Kutidzunisa ka hina hi loku: Ripfalu ra hina rihibzela lesvaku hihanyile xikarhi ka vanhu hi kululama ni kutenga loku kuhumaka ka Xikwembu, ngopfungopfu loko hitirhisana na n'wina. Hihanyile kungali hi vutlhari bza misava leyi, kambe hi timpsalu ta Xikwembu.

1 Timotiya 4:2

ni hikolaho ka kukanganyisiwa hi vahembi lava vafeke mapfalu.

Varhoma 9:1

Nivula ntiyiso, ni wa Kriste, anihembi; ni ripfalu ra mina, hi kupfuniwa hi Moya Lowokwetsima, ritiyisa svona:

Timhaka 24:16

Hikolaho niringeta hi matimba, masiku hinkwawu, kukumeka na nili lweyi atshunxekeke moyeni wa mina, mahlweni ka Xikwembu ni le mahlweni ka vanhu.

Timhaka 23:1

Pawulo ahonokela huvu, aku: “N'wina valekwerhu, nihanyile na nili lweyi atshunxekeke svinene ripfalweni ra mina ni le mahlweni ka Xikwembu, kufikela siku ra namuntlha.”

Yohane 8:9

Loko vatwile svosvo, vasuka hi mun'we mun'we, kusungula hi lavakulu kuyafika ka lava vatsongo; kutani Yesu asala ali yexe, lweyi wansati alikolaho xikarhi.

Varhoma 2:14

Loko vamatiko lavangaliki na Nawu, vayendla mayelanu ni kutumbuluka ka vona lesvi Nawu wuleletaka svona, vativekela nawu hi voxe, hambi loko vangali na Nawu.

Varhoma 2:27

Kutani loko munhu lweyi angayimbangiki afamba hi Nawu, atakuthethisa wena lweyi utlulaka Nawu, hambi loko uli ni lesvitsaliweke sva Nawu, kumbe hambi uyimbile.