Varhoma 16:26 - Testamente Leyimpsha Xichangana

²⁶ kambe svosvi xihumeseliweke rivaleni hi Matsalwa ya vaprofeta, hi kulandza kulerisa ka Xikwembu lexingaheliki, xona xihundla lexi xingativisiwa vamatiko hinkwavu, lesvaku vanhu vapfumela, vatlhela vayingisa.

BIBELE Mahungu Lamanene

²⁶ kambe sweswi xi humeseriweke erivaleni hi Matsalwa ya vaprofeta, hi ku landza ku lerisa ka Xikwembu lexi nga heriki, xona xihundla lexi xi nga tivisiwa vamatiko hinkwavo, leswaku vanhu va pfumela, va tlhela va yingisa,

Xitsonga (Bibele)

²⁶ kambe sweswi xi humelerisiwile hi matsalwa ya vaprofeta, hi ku lerisa ka Xikwembu lexi nga heriki, xi kombisiwile eka matiko hinkwawo, ma ta tshinela eku yingiseni ka ku pfumela,

Varhoma 16:26 Referans Kwoze

1 Timotiya 1:17

Ka Hosi ya minkama hinkwayu, leyingaliki ni kufa, leyingavoniwiki, xona Xikwembu xili xoxe, akuve kuchaviseka ni kudzuneka, hilaha kungaheliki! Amen.

Vagalatiya 3:8

Matsalwa mahlayile khale lesvaku Xikwembu axilava kuyendla vamatiko vava lavalulameke hi kupfumela; hi kolaho, Abrahamu ativisiwile Evhangeli loko svahali kule, hi marito lamange: “Tinxaka hinkwatu ta misava titakatekisiwa hikolaho ka wena.”

Varhoma 15:18

hikuva ningakala ningatiyi nhlana wa kuvula nchumu, handle ka lesvi Kriste angasviyendla ha mina, kutisa vamatiko kuyingiseni, hi marito ni mintirho,

Varhoma 1:5

Ha yena, hinyikiwile nkateko wa kuva vapostola vitweni ra yena, lesvaku vanhu va matiko hinkwawu vapfumela, vatlhela vayingisa;

2 Timotiya 1:10

Kutani svosvi timpsalu leti tatikomba rivaleni, hi kuta ka muponisi wa hina Kriste Yesu, yena lweyi aheliseke rifu, ahumesela rivaleni vutomi lebzingawonhekiki, hi matimba ya Evhangeli.

Vakolosa 1:26

xinga xihundla lexi axitumbelile malembe ni malembe, ka tinxaka hinkwatu, kambe svosvi xipfuleteliweke ka vahlawuliwa va Xikwembu.

Vaefesa 1:9

Xikwembu xiyendlile lesvi kusukela khale axilava kusviyendla ha Kriste: Xihitivisile kurhandza ka xona loku akufihliwile,

Varhoma 15:4

Hinkwasvu lesvi svitsaliweke hi lava va khale, svitsaliwile lesvaku hijondza ha svona, ni lesvaku hiva ni kulangutela, hikolaho ka kutiyisela ni kuchaveleliwa loku hikukumaka Matsalweni.

Varhoma 1:2

Evhangeli leyi, hi yona leyi Xikwembu xiyitshembiseke khale, hi vaprofeta va xona, Matsalweni layohlawuleka;

1 Yohane 5:20

Nasvona, hasvitiva lesvaku N'wana wa Xikwembu se atile, ni lesvaku ahinyikile kutwisisa lesvaku hitativa yena lweyi anga wa ntiyiso; kutani hi le ka lweyi anga ntiyiso, yena N'wana wa xona Yesu Kriste. Lweyi hi yena Xikwembu hi ntiyiso, ni vutomi lebzingaheliki.

Vaefesa 2:20

Na n'wina miyakiwa henhla ka masungulu lamavekiweke hi vapostola ni vaprofeta, ribze lerikulu ra masungulu na ali yena Yesu Kriste hi xiviri.

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.

Varhoma 3:21

Kambe svosvi ndlela leyi Xikwembu xiyendlaka ha yona lesvaku vanhu vava lavalulameke, yipfuleteliwile, na yingali yotshemba sva Nawu; vumboni bza wona bzi kona matsalweni ya Nawu ni Vaprofeta:

Varhoma 1:20

Hikuva kusukela loko misava yitumbuluka, lesvingavonakiki sva Xikwembu, manga matimba ya xona lawa mangaheliki ni vukwembu bza xona, svavoneka svinene loko kutsundzukiwa mintirho ya xona; hi kolaho, vapfumala xotilandzula ha xona.

Timhaka 10:43

Hi yena lweyi vaprofeta hinkwavu vahlayeke vumboni henhla ka yena loko vaku: ‘Mun'wana ni mun'wana lweyi apfumelaka ka yena, atakuma kurivaleliwa ka svijoho hi vito ra yena.’”

Timhaka 6:7

Rito ra Xikwembu riya mahlweni; na yona nhlayo ya vajondzisiwa yiya yitala ngopfu Yerusalema, nasvona vaprista lavotala vatinyiketa kupfumeleni.

Marka 16:15

Kutani aku ka vona: “Fambani misaveni hinkwayu, miyahuwelela Evhangeli ka svivumbiwa hinkwasvu.

Nhlavutelo 19:10

Kutani nikhinsama nikorhama milengeni ya yona kutayigandzela, kambe yiku ka mina: “Ungatshuki uyendla svosvo, mina ni nandza ntsena, kukota wena ni vamakwenu lavahlayisaka vumboni lebzihumesiweke hi Yesu Gandzela Xikwembu!” Vumboni lebzi bzihumesiweke hi Yesu, hi bzona mongo wa vuprofeta.

Nhlavutelo 1:17

Loko nimuvona, niwela milengeni ya yena, nifana ni munhu lweyi afeke. Kambe yena atlhanteka voko ra xinene henhla ka mina, aku: Ungachavi! Ni lweyi wosungula ni lweyi wogamesa,

Vaheveru 13:8

Yesu Kriste wahali yena tolo ni namuntlha ni hilaha kungaheliki.

1 Timotiya 3:16

Hakunene, hingatiyisa lesvaku xihundla xa vukhongeli bza hina i xikulu: “Ahumelelile tani hi munhu, ahlayiwile lweyi alulameke moyeni, avoniwile hi tintsumi; apaluxiwile matikweni, apfumeliwile laha misaveni, atekeliwa henhla kukwetsimeni.”