Varhoma 16:12 - Testamente Leyimpsha Xichangana

¹² Nirunguleleni Trifena na Trifoza, vamamana lavatirhelaka Hosi. Nirunguleleni Persida, mamana lweyi arhandziwaka, lweyi atirheleke Hosi hi lesvinyingi.

BIBELE Mahungu Lamanene

¹² Ndzi runguleleni Trifena na Trifosa, vamanana lava tirhelaka Hosi. Ndzi runguleleni Persida, manana la rhandziwaka, la tirheleke Hosi hi leswo tala.

Xitsonga (Bibele)

¹² Ndzi runguleleni Trifena na Trifosa, vavasati lava tirhelaka Hosi. Ndzi runguleleni Persida, wansati la rhandziwaka; na yena, u tirhile ngopfu entirhweni wa Hosi.

Varhoma 16:12 Referans Kwoze

1 Vakorinto 16:16

Namikhongotela svinene kutiveka hansi ka vanhu lava, ni ka mun'wana ni mun'wana lweyi atinyiketeke kutirha ntirho wolowo, atikarhatela wona.

1 Vakorinto 15:58

Hikolaho, vamakwerhu lavarhandzekaka, tiyani svinene mingatsekatsekeni; tiyiselani svinene, mitirhela Hosi masiku hinkwawu, na mili karhi misvitiva lesvaku mintirho ya n'wina Hosini ayingaweli hansi.

1 Timotiya 4:10

Hitirha svinene ni kutikarhatela svona, hikuva hivekile kutshemba ka hina ka Xikwembu lexihanyaka, lexinga muponisi wa vanhu hinkwavu, ngopfungopfu wa lavapfumelaka.

1 Vatesalonika 1:3

Mahlweni ka Xikwembu Tatana wa hina, hitsundzuka hilaha kupfumela ka n'wina kutikombeke hakona hi sviyendlo, ni lesvaku michivirika kulanguteleni ka Hosi ya hina Yesu Kriste, hi rirhandzu ni kutikarhata.

Vakolosa 4:12

Epafrasi, lweyi anga mun'we wa n'wina, mutirhi wa Yesu Kriste, wamirungula; wa mitsundzuka svinene masiku hinkwawu mikhongelweni ya yena, akombela lesvaku miva lavahetisekeke ni lavatiyeke, kuyendleni ka hinkwasvu lesvi Xikwembu xisvirhandzaka.

Vakolosa 1:29

Hi svona lesvi nitikarhatelaka svona, na nili karhi nilwa hi ntamu wa yena, lowu awupfuxaka hi matimba ndzeni ka mina.

1 Vakorinto 15:10

Kambe ni lesvi ningaxisvona hi timpsalu ta Xikwembu, kutani timpsalu takona, leti Xikwembu xinikombeke tona, atiwelanga hansi. Ntiyiso wakona hi lesvaku nitirhile ngopfu kuvatlula hinkwavu; hambi svilitano, akutirhanga mina, kambe kutirhile timpsalu ta Xikwembu leti tinga ka mina.

Matewu 9:38

Hikolaho, kombelani ka N'winyi wa ntshovelo, lesvaku arhuma vatirhi kutshoveleni ka yena.”

Matewu 5:47

Ni loko mixeweta vamakwenu ntsena, mitlula van'wana ha yini-ke? Na vona vamatiko avayendlisi svosvo xana?

Varhoma 16:11

Nirunguleleni Herodiyoni, Muyuda wa ka hina. Nirunguleleni lavanga vakriste njangwini wa Narsizo.

Varhoma 16:13

Nirunguleleni Rufo, mukriste lweyi ativekaka svinene, mirungula ni mamana wa yena, lweyi anga mamana ni le ka mina.