Varhoma 15:8 - Testamente Leyimpsha Xichangana

⁸ Hikuva namibzela lesvaku Kriste ave mutirhi ka Vayuda, kukombisa kutshembeka ka Xikwembu, ni kuyendla lesvaku svitshembiso lesvinganyikiwa vakokwana svihetiseka,

BIBELE Mahungu Lamanene

⁸ Hikuva ndza mi byela leswaku Kriste ú ve nandza eka Vayuda, ku kombisa ku tshembeka ka Xikwembu, ni ku endla leswaku switshembiso leswi nga nyikiwa vakokwana swi hetiseka,

Xitsonga (Bibele)

⁸ Hikuva ndzi ri: Kriste a a ri nandza wa lavo yimba, ku tiyisa ntiyiso wa Xikwembu, ni ku tiyisa ku tshembisa loku nga tshembiseriwa vatatana,

Varhoma 15:8 Referans Kwoze

Matewu 15:24

Yesu ahlamula aku: “Anirhumiwanga ka van'wana, loko kungali ka Vaisrayele, lavalahlekeke kufana ni tinyempfu.”

Yohane 1:11

Atile ka lesvi asviri sva yena, kambe va yena avamuyamukelanga.

2 Vakorinto 1:20

Hikuva, ka yena Xikwembu xitiyisa kutshembisa ka xona, xiku: “Ina!” Hikolaho hivulaka hiku: “Amen!” hi mhaka ya yena, kudzuniseni ka Xikwembu.

Yohane 10:16

Nasvona ni ni tinyempfu tin'wana leti tingaliki ta xib'ala lexi; na tona nifanela kutivuyisa; titayingisa rito ra mina, kutani titayendla ntlhambi wun'we, tiva ni mubzisi mun'we.

Varhoma 15:16

kuva mutirhi wa Yesu Kriste xikarhi ka vamatiko. Mina, kufana ni Muprista, nivula Mahungu Lamanene ya Xikwembu lesvaku vamatiko vava mhamba leyiyamukelekaka ka xona, leyihlawulekisiweke hi Moya Lowokwetsima.

Varhoma 3:3

Xana hitahlaya yini, loko van'wana va vona vangatshembekanga ke? Xana kutshembeka ka Xikwembu kungahelisiwa hi mhaka ya kukala vangatshembekanga ke?

Vaefesa 2:12

Minkameni yoleyo, amihambene na Kriste, amingahlayiwi nchumu xikarhi ka Vaisrayele, amingali na kuyaveliwa ka mintwananu ya xitshembiso. Amihanya misaveni leyi na mingali na kulangutela, nasvona mingali na Xikwembu.

Varhoma 11:30

Na n'wina vamatiko, amingayingisi Xikwembu khale, kambe svosvi, hikolaho ka Vaisrayele lavangayingisangiki, mitsetseleliwile.

Varhoma 11:22

Hikolaho, lavisisa vunene bza Xikwembu, ni nhonga ya xona; nhonga henhla ka lavaweke, ni vunene henhla ka wena, loko utiyisela vuneneni bza xona; kambe loko ungatiyiseli, na wena utatsemiwa.

Varhoma 4:16

Kupfumela i mhaka leyilavekaka, lesvaku hinkwasvu sviva lesvitirhiwaka hi timpsalu ta Xikwembu, ni kuyendlela lesvaku xitshembiso xiva lexitiyeke ka vatukulu hinkwavu va Abrahamu, kungali ntsena ka lava vanamarhelaka Nawu, kambe ni ka lava vanamarhelaka kupfumela loku aali nakona; hi yena lweyi anga tatana wa hina hinkwerhu,

Varhoma 3:26

asvili lesvaku xikomba kululama ka xona minkameni ya svosvi, xiva Xikwembu lexilulameke, xikan'we ni kuva Xikwembu lexiyendlaka munhu kuva lweyi alulameke loko apfumela ka Yesu.

Timhaka 13:46

Kambe Pawulo na Barnaba vahlamula na vangachavi nchumu, vaku: “Asvifanela lesvaku Rito ra Xikwembu ribzeliwa n'wina kusunguleni; kambe lesvi miricukumetaka, ni lesvi mititsemelaka hi n'wexe, miku amifaneliwi hi vutomi lebzingaheliki, masvivo hina hihundzukela ka vamatiko.”

1 Vakorinto 15:50

Lesvi nihlayaka svona, vamakwerhu, hi lesvi: Nyama ni ngati svingakala svingaji ndzhaka ya Mfumu wa Xikwembu, nasvona lesvihantlaka kuwonheka svingakala svingaji ndzhaka ya lesvi svingawonhekiki.

1 Vakorinto 10:29

loko niku “ripfalu”, anihlayi ra n'wina, kambe nihlaya ra lweyi akutsundzuxeke. Mitaku: “Hikolaho ka yini kutshunxeka ka mina kuyavanyisiwa hi ripfalu ra mun'wana xana?

Matewu 20:28

tani hi lesvi N'wana-wa-Munhu angatelangiki kutirheliwa, kambe kutirhela van'wana ni kunyiketa vutomi bza yena kuponisa lavotala.”

1 Vakorinto 10:19

Xana hi marito lawa, nilava kuvula yini ke? Xana nili svakuja lesvihumeseliweke svikwembu sva hava svi ni nchumu wun'wana ka svona ke? Hambi svili svikwembu svakona, xana svi ni nchumu wun'wana ka svona ke?

1 Vakorinto 1:12

Nivula lesvi hikuva mun'we wa n'wina ali: “Mina, ni wa ka Pawulo”, mun'wana aku: “Mina ni wa ka Apolosi”, mun'wana aku: “Mina ni wa ka Kefasi”, kasi mun'wana aku: “Mina ni wa ka Kriste.”