Varhoma 15:15 - Testamente Leyimpsha Xichangana

¹⁵ Hambi svilitano, nitinyikile matimba kumitsalela hi timhaka tin'wana, kutamitsundzuxa ha tona; niyendlile svosvo hikolaho ka timpsalu leti Xikwembu xininyikeke tona,

BIBELE Mahungu Lamanene

¹⁵ Hambiswiritano, ndzi tinyikile matimba ku mi tsalela hi timhaka tin'wana, ku ta mi tsundzuxa ha tona; ndzi endlile sweswo hikwalaho ka tintswalo leti Xikwembu xi ndzi nyikeke tona,

Xitsonga (Bibele)

¹⁵ Kambe kunene ndzi tiyile matimba ku mi tsalela, ku pfuxa timhaka leti etimbilwini ta n'wina hi tintswalo leti ndzi ti nyikiweke hi Xikwembu,

Varhoma 15:15 Referans Kwoze

Varhoma 12:3

Hikuva, hikolaho ka timpsalu leti ninganyikiwa tona, nibzela mani na mani wa n'wina, niku: Mingatshukeni mitikulisa hi vutlhari bza n'wina; kambe mifanele kutitsongahata, miya hi mpimo wa kupfumela loku Xikwembu xiyaveleke mun'wana ni mun'wana wa n'wina.

1 Vakorinto 15:10

Kambe ni lesvi ningaxisvona hi timpsalu ta Xikwembu, kutani timpsalu takona, leti Xikwembu xinikombeke tona, atiwelanga hansi. Ntiyiso wakona hi lesvaku nitirhile ngopfu kuvatlula hinkwavu; hambi svilitano, akutirhanga mina, kambe kutirhile timpsalu ta Xikwembu leti tinga ka mina.

Varhoma 12:6

Hikolaho, lesvi hinga ni tinyiko letihambaneke, hi kuya hi lesvi Xikwembu xihinyikeke svona, hikokolaho loko hili ni nyiko ya kuprofeta, ahiyitirhiseni hi mpimo wa kupfumela ka hina;

Varhoma 1:5

Ha yena, hinyikiwile nkateko wa kuva vapostola vitweni ra yena, lesvaku vanhu va matiko hinkwawu vapfumela, vatlhela vayingisa;

1 Yohane 5:13

Nimitsalela svilo lesvi hinkwasvu, n'wina lava mipfumelaka ka N'wana wa Xikwembu, akuva mitativa lesvaku mi ni vutomi lebzingaheliki.

2 Petro 3:15

Kutani, twisisani lesvaku loko Hosi ya hina yilehisa mbilu, yiyendlela kuhiponisa. Makwerhu Pawulo murhandziwa wa hina, na yena amitsalele hi yona ndlela leyi, hi kulandza vutlhari lebzi anyikiweke bzona.

1 Petro 5:12

Nimitsalela hi kukomisa, hi xiyandla xa Silvhano, makwerhu lweyi hi kuvona ka mina anga lweyi atshembekeke; namikhongotela, ni kutiyisa lesvaku timpsalu ta ntiyiso ta Xikwembu hi tona leti! Tiyani ka tona.

Vaheveru 13:22

N'wina vamakwerhu, na mikhongotela svinene, yamukelani marito ya mina, hambilesvi nimitsalelaka apapela rokoma.

Tito 3:1

Tsundzuxa lava uvajondzisaka kutitsongahata ka vafumi ni ka tihosi, ni kutiyingisa, vatshama vatilungiselile kutirha mintirho hinkwayu leyinene;

2 Timotiya 2:14

Tsundzuxa vakriste timhaka leti, uvabzela svinene mahlweni ka Xikwembu lesvaku vangaphikizani hi marito, yinga mhaka leyingapfuniki nchumu, loko kungali ntsena kulovisa lavasviyingisaka.

2 Timotiya 1:6

Hikolaho nakutsundzuxa kupfuxeta nyiko ya Xikwembu, leyinga ka wena, leyi uyikumeke siku leri nikutlhantekeke mavoko.

1 Timotiya 4:6

Loko uyandlala timhaka leti mahlweni ka vamakwerhu, utava nandza lwenene wa Kriste Yesu, utava lweyi awundliweke maritweni ya vupfumeli ni ya tijondzo letinene leti ufambeke ha tona.

Vagalatiya 2:9

Hikolaho, Yakobe, na Petrosi, na Yohani, lavalangutiwaka vali vona vafambisi va kereke, vawuvonile nkateko lowu Xikwembu xininyikeke wona, kutani vahikhome hi xiyandla, mina na Barnaba, kufunga kutirhisana ka vona na hina: Hina hitaya ka vamatiko, vona vaya ka lavayimbeke.

1 Vakorinto 3:10

Hi timpsalu leti Xikwembu xiniyaveleke tona, mina nivekile masungulu kukota muyaki lowotlhariha; svosvo mun'wana ayaka henhla ka wona. Mun'wana ni mun'wana aayake henhla ka wona hi kuxiyaxiya.