Varhoma 14:2 - Testamente Leyimpsha Xichangana

² Munhu lweyi anga ni kupfumela ali aja hinkwasvu; kambe lweyi anga ni kupfumela kutsongo aja matsavu ntsena.

BIBELE Mahungu Lamanene

² Un'wana la nga ni matimba eku pfumeleni, ú dya xin'wana ni xin'wana; un'wana la tsaneke eku pfumeleni ú dya matsavu ntsena.

Xitsonga (Bibele)

² Hikuva un'wana u ri a nga dya swilo hinkwaswo, kasi un'wana la tsaneke u dya matsavu ntsena:

Varhoma 14:2 Referans Kwoze

1 Timotiya 4:4

Hikuva hinkwasvu lesvi svitumbuluxiweke hi Xikwembu i svinene, kutani aku na lexi xifanelaka kunyenyiwa, loko xiyamukeliwa hi kukhensa,

Varhoma 14:14

Nasvitiva ni kukholwa svinene, hikolaho ka Hosi Yesu, lesvaku axi kona xilo ni xin'we lexi, hi xoxe, xibiheke; kambe xilo xibihile ntsena ka yena lweyi apimisaka lesvaku xibihile.

Vaheveru 13:9

Mingakanganyisiweni hi tijondzo ta tinxakaxaka letingatwisisekiki. Svilulamile loko mbilu yitiyisiwa hi timpsalu ta Xikwembu, kungali hi milawu hi tlhelo ra svakuja, lesvingapfuniki nchumu ka lava vasvilandzelelaka.

Vagalatiya 2:12

Hikuva loko kungasifika van'wana lavarhumiweke hi Yakobe, aaja ni vamatiko; kambe loko varhumiwa lava vafika, asuka, ayatshama tlhelweni, hi kuchava kuvoniwa hi ntlawa wa lavayimbeke.

Vaheveru 9:10

kambe svotirha ka svakuja, ni sva kunwa, ni mikhuva leyotala ya kutibasisa, ni milawu ya sva miri leyivekiweke, kukondza kufika nkarhi wa kupfuxeta hinkwasvu.

Tito 1:15

Svilo hinkwasvu svitengile ka lava vatengeke; kambe aku na lexitengeke ka lavanyameke, ni ka lava vangapfumeliki, hikuva miyehleketo ya vona ni mapfalu ya vona svinyamisiwile.

1 Vakorinto 10:25

Nyama leyixaviweke lomu yixavisiwaka kona, janani yona hi ripfalu leritshunxekeke, mingavutisi lomu yihumaka kona,

Varhoma 14:1

Lweyi anga ni kupfumela kutsongo, muyamukeleni, kambe mingakanetaneni na yena loko mihambana kuyehleketeni.

Varhoma 14:20

Ungahahluli ntirho wa Xikwembu hikolaho ka svakuja. Svilo hinkwasvu svibasile; kambe i kuhoxa loko munhu, hi kuja ka yena, akhunguvanyisa van'wana.

Varhoma 15:1

Hina lava hinga ni matimba, hifanele kurhwala kuhluleka ka lava vanga ni gome, kungali kutitsakisa hina vinyi.

1 Vakorinto 8:9

Kambe tivoneleni lesvaku vutshunxeki bza n'wina lebzi, bzingahundzuki xikhunguvanyiso ka lava vanga ni gome.

1 Vakorinto 9:22

Ka lavanga ni gome, nitiyendlile lweyi anga ni gome, lesvaku nitakota kukoka lava vanga ni gome. Kutani-ke, nitiyendlile hinkwasvu ka hinkwavu, lesvaku hi tindlela hinkwatu nitakota kuponisa van'wana.