Varhoma 14:19 - Testamente Leyimpsha Xichangana

¹⁹ Loko svilitano ke, ahilaveni lesvihipfunaka kuhanya hi kurhula, ni kuyakisana.

BIBELE Mahungu Lamanene

¹⁹ Loko swi ri tano ke, a hi laveni leswi hi pfunaka ku hanya hi ku rhula, ni ku akisana.

Xitsonga (Bibele)

¹⁹ A hi laveni hikwalaho timhaka leti humesaka ku rhula, ni leti hi nga akisanaka kun'we ha tona.

Varhoma 14:19 Referans Kwoze

Vaefesa 4:29

Akuvulavuleni ka n'wina mingatshukeni mitirhisa marito ya tingana, kambe tirhisani ntsena marito lamapfunaka, lawa mayakisaka ni kuhlamula lesvilavekaka, kutani kuvulavula ka n'wina kutatisa kukateka ka lava vamiyingisaka.

Varhoma 12:18

Yendlani hinkwasvu lesvi misvikotaka, hi tlhelo ra n'wina, kuhanyisana ni vanhu hinkwavu hi kurhula.

Varhoma 15:2

Mun'wana ni mun'wana wa hina aatsakise munhukulobze, amunavelela lesvinene lesvimuyakaka.

Vaheveru 12:14

Ringetani hi matimba kuhanya hi kurhula ni vanhu hinkwavu, miringeta ni kukwetsima, hikuva handle ka kukwetsima aku na munhu ni mun'we lweyi angatavona Hosi.

2 Vakorinto 13:11

Svosvi-ke, vamakwerhu, nili: Salani! Vanani lavahetisekeke; yamukelani kuchaveleliwa; miva ni kuyanakanya kun'we; mihanya hi kurhula; kutani Xikwembu xa rirhandzu ni xa kurhula xitava na n'wina.

Marka 9:50

“Munyu i xilo lexinandzihaka; kambe loko munyu wupshama, mitawupfuxeta ha yini ke? Vanani munyu ha n'wexe, mihanya hi kurhula ni van'wana.”

Matewu 5:9

Kukatekile lavatisaka kurhula, hikuva vatavuliwa vana va Xikwembu.

1 Petro 3:11

aatshike lesvohomboloka ayendla sva kululama; aalave kurhula atiyisela ndleleni yakona.

1 Vakorinto 14:26

Vamakwerhu, loko svili lesvo kungayendliwa yini? Loko mihlengeletana, mun'we angava ni Tipisalma, mun'wana angava ni jondzo, kumbe mhaka leyi akombisiweke yona hi Xikwembu, kumbe nyiko yovulavula hi ririmi leringativiwiki, kumbe nyiko yohlamusela lesvivulavuliweke; kambe hinkwasvu asvive lesviyakisaka nhlengeletanu.

1 Vakorinto 10:33

Tekelelani mina, hikuva nitsakisa vanhu hinkwavu hi tindlela hinkwatu, na ningatilaveli lesvipfunaka mina ntsena, kambe nilava lesvipfunaka lavanyingi, lesvaku vataponisiwa.

2 Timotiya 2:22

Chava kuhluliwa hi kunavela loku kutelaka lavampsha, ulandza kululama, ni kupfumela, ni rirhandzu, ni kurhula, svin'we ni lavakhongelaka Hosi hi timbilu letitengeke.

1 Timotiya 1:4

vangaheti nkama wa vona hi minkaringana, ni kulongoloxela tinxaka tokala tingaheli, lesvivangaka kukanetana, matshan'wini ya kuseketela makungu ya Xikwembu lawa matirhaka hi kupfumela.

2 Vakorinto 12:19

Nkarhi hinkwawu lowu, mipimisa lesvaku hi ringeta kutisasekisa mahlweni ka n'wina. Ahi svona! Hivulavula mahlweni ka Xikwembu, na hili va ka Kriste. Hinkwasvu lesvi, varhandziwa, i sva kumiyaka.

1 Vakorinto 7:15

hambi svilitano, loko lweyi angaliki mupfumeli alava kuhambana ni lweyi anga mupfumeli, aahambane na yena: Mukriste waxinuna kumbe waxisati, angabohekanga loko timhaka tifamba hi ndlela leyo. Kambe loko mili n'wina, Xikwembu ximivitanile kuhanya hi kurhula.

1 Vakorinto 8:1

Hi mhaka ya svakuja lesvihumeseliwaka svikwembu sva hava, hitala kuvula lesvaku hi ni vutivi hinkwerhu. Kambe vutivi bzotano bzinyika munhu kutikulisa, kasi rirhandzu rayaka.

1 Vakorinto 10:23

Mili: “Hinkwasvu svapfumeleleka.” Svatwala, kambe ahi hinkwasvu lesvipfunaka. Mili: “Hinkwasvu svapfumeleleka.” Kambe ahi hinkwasvu lesviyakisaka.

1 Vakorinto 14:3

Kasi lweyi aprofetaka, abzela vanhu marito lawa mayakisaka, ni lawa matiyisaka, ni lawa machavelelaka.

1 Vakorinto 14:4

Lweyi avulavulaka hi ririmi leringatwisisiwiki watiyaka yena n'winyi; kasi lweyi aprofetaka ayakisa nhlengeletanu.

1 Vakorinto 14:5

Nasvilava lesvaku hinkwenu mivulavula hi tindzimi letingatwisisiwiki, kambe ngopfungopfu nilava lesvaku miprofeta. Lweyi aprofetaka, atlula lweyi avulavulaka hi tindzimi (handle ka loko kuli ni kuhlamusela, lesvaku nhlengeletanu yitakuma lesvi sviyiyakisaka).

Vaefesa 4:12

Ntirho wa vona i kupfuna vahlawuliwa va Xikwembu lesvaku vatakota kutirhela van'wana, vayaka miri wa Kriste.