Varhoma 14:15 - Testamente Leyimpsha Xichangana

¹⁵ Loko makwenu atwa kuvaviseka hi mhaka ya lesvi wena usvijaka, awahafambi hi rirhandzu. Ungatshuki ulovisa lweyi angafeliwa hi Kriste hi mhaka ya lesvi wena usvijaka.

BIBELE Mahungu Lamanene

¹⁵ Loko makwenu a twa ku vaviseka hi mhaka ya leswi wena u swi dyaka, a wa ha fambi hi rirhandzu. U nga tshuki u lovisa la nga feriwa hi Kriste hi mhaka ya leswi wena u swi dyaka.

Xitsonga (Bibele)

¹⁵ Kambe loko u khomisa makwenu tingana hi swakudya, kwalaho a ku fambi hi rirhandzu. U nga tshuki u lovisa hi swakudya swa wena loyi Kriste a n'wi feleke.

Varhoma 14:15 Referans Kwoze

Vagalatiya 5:13

Loko ali n'wina vamakwerhu, mivitaniwile lesvaku miva lavatshunxekeke; kambe mingateki kutshunxeka ka n'wina, mikuhundzula mpfumelelo wo yendla lesvi ntumbuluku wa n'wina wa laha misaveni wusvinavelaka; matshan'wini ya svosvo, tirhelanani hi rirhandzu.

Vaefesa 5:2

Hanyani hi moya wa rirhandzu, tani hi Kriste lweyi ahirhandzeke ni kutinyiketa hikolaho ka hina ahumesela Xikwembu nyiko ni mhamba ya risima, leyi yixitsakisaka.

1 Vakorinto 8:1

Hi mhaka ya svakuja lesvihumeseliwaka svikwembu sva hava, hitala kuvula lesvaku hi ni vutivi hinkwerhu. Kambe vutivi bzotano bzinyika munhu kutikulisa, kasi rirhandzu rayaka.

Varhoma 15:2

Mun'wana ni mun'wana wa hina aatsakise munhukulobze, amunavelela lesvinene lesvimuyakaka.

Varhoma 14:20

Ungahahluli ntirho wa Xikwembu hikolaho ka svakuja. Svilo hinkwasvu svibasile; kambe i kuhoxa loko munhu, hi kuja ka yena, akhunguvanyisa van'wana.

1 Yohane 2:2

Hi yena mhamba hikolaho ka svijoho sva hina, svingali sva hina ntsena, kambe na svona sva misava hinkwayu.

1 Vakorinto 13:1

Hambi ningavulavula tindzimi ta vanhu ni ta tintsumi, kambe ningali na rirhandzu, nifana ni nsimbi leyipfumaka, kumbe sviphambati sva nsimbi loko svibananisiwa.

Varhoma 13:10

Lweyi anga ni rirhandzu, angayendleli munhukulobze svobiha. Hikolaho, rirhandzu rihetisisa Nawu.

2 Petro 2:1

Khale, vaprofeta va mavunhwa na vona vavekona xikarhi ka vanhu, kufana ni lesvi kungatava ni vajondzisi va mavunhwa xikarhi ka n'wina, lavangatanghenisa hi le xihundleni tijondzo tohambuka letiwonhaka; vatalandzula hambi ali Hosi leyivakutsuleke, vativangela kulahleka lokungatahantla kuvawela.