Varhoma 14:13 - Testamente Leyimpsha Xichangana

¹³ Loko svilitano, ahitshikeni kuyavanyisana. Matshan'wini ya svona, tiboheni lesvaku mingaveki ndleleni ya makwenu xomuphariyeta kumbe kumuwisa.

BIBELE Mahungu Lamanene

¹³ Loko swi ri tano, a hi tshikeni ku avanyisana. Ematshan'wini ya swona, tiboheni leswaku mi nga veki endleleni ya makwenu xo n'wi khunguvanyisa kumbe ku n'wi wisa.

Xitsonga (Bibele)

¹³ Loko swi ri tano, a hi tshikeni ku avanyisana, kambe avanyisani leswaku mi nga vekeri vamakwenu xikhunguvanyiso ni ribye leri wisaka.

Varhoma 14:13 Referans Kwoze

2 Vakorinto 6:3

Ahiveki xikhunguvanyiso ni xin'we ndleleni ya munhu ni mun'we, lesvaku ntirho wa hina wutakala wungasandziwi.

Yakobo 4:11

Vamakwerhu, Mingahlevaneni. Lweyi ahlevaka makwavu, kumbe kuyavanyisa makwavu, ahleva ni kuyavanyisa Nawu. Kutani loko munhu ayavanyisa Nawu, angawulandzi, i muyavanyisi.

Luka 12:57

“Hikolaho ka yini mingayanakanyi lesvilulameke hi n'wexe xana ke?

Matewu 7:1

Mingayavanyiseni, lesvaku na n'wina mingatayavanyisiwa;

Varhoma 16:17

Namikhongelela vamakwerhu, nili: Mitivonela ka lavapfuxaka kuhambana, ni kukwatisana, lava vamihambukisaka tijondzweni leti mitikumeke; hambanani na vona;

Varhoma 14:10

Xana wena uyavanyisela yini makwenu ke? Nasvona umosolela yini? Kasi hinkwerhu hitahumelela mahlweni ka xiluvelo xa Xikwembu lesvaku hithethisiwa.

Luka 17:2

Svingava svinene loko ribze ra kusila ringaboheleliwa nhan'wini ya yena ahoxiwa lwandle, handle ka kuva akhunguvanyisa mun'we wa lavatsongo.

Nhlavutelo 2:14

Kambe, ku ni svilo svingali svingani lesvi univilelisaka hi svona: Hi lesvaku ku ni van'wana lava unga na vona kolaho, lavakhomeleleke jondzweni ya Balamu, lweyi akuceteleke Balaka kurhiya mintlhamu mahlweni ka Vaisrayele, lesvaku vaja svakuja sva timhamba lesvihumeseliweke svikwembu sva hava, vayendla ni vuwosvi.

Yakobo 2:4

Hakunene, loko miyendlisa svosvo, miya hi nghohe, mikomba kuhambana xikarhi ka n'wina kutani mihundzuka vayavanyisi lavanga ni miyehleketo leyobiha.

1 Vakorinto 11:13

Tsemani hi n'wexe: Xana svafanela lesvaku wansati akhongela Xikwembu na angafunengelanga nchumu nhlokweni ke?

1 Vakorinto 10:32

Mingakunguvayisi Vayuda, hambi Vagirika, hambi kereke ya Xikwembu.

Varhoma 14:4

Xana u mani wena uthethisaka mutirhi wa munhu mun'wana? Hambi ayima kumbe kuwa, svosvo svitiviwa hi n'winyi wa yena; kambe atayima, hikuva Hosi yasvikota kumupfuxa ayima.

Matewu 18:7

Yini khombo misava hikolaho ka svikhunguvanyiso; loko kuli kukhunguvanyisa, kunene kufanele kuva kona, kambe a ni khombo munhu lweyi kukhunguvanyeka kuhumelelaka hikolaho ka yena.

Matewu 16:23

Hi loko yena ahundzukula, aku ka Petrosi: “Suka ka mina Sathana! U xikhunguvanyiso ka mina, hikuva awuyehleketi sva Xikwembu, uyehleketa sva vanhu ntsena.”

1 Yohane 2:10

Lweyi arhandzaka makwavu a le kuvonakaleni, ka yena aku na kukhunguvanyeka.

1 Timotiya 5:14

Mina anitatsakela lesvaku vavasati va vafelakazi lavampsha vatekiwa, vakuma vana, vahlayisa minjangu ya vona, vanganyiki nala nkama wa kuhleva.

Vafilipiya 1:10

na mitakota kuhlawula lesvinga svinene kutlula svin'wana; hi ndlela yoleyo, mitava lavatengeke, mingahali na nandzu kufikela sikwini ra Kriste;

2 Vakorinto 5:14

Rirhandzu ra Kriste rahifambisa, hikuva hifikile laha hitivaka svinene lesvaku munhu mun'we afele hinkwavu; loko svilitano, hinkwavu vafile.

Varhoma 11:9

Davhida na yena ate: “Minkhuvu ya vona ayivahundzukele mintlhamu ni vurimba, yiva maphariyeta ni xikhatiso!

Varhoma 14:3

Lweyi ajaka hinkwasvu angatshuki asola lweyi angajiki; ni lweyi angajiki hinkwasvu angatshuki athethisa lweyi ajaka, hikuva i Xikwembu lexi ximuyamukeleke.