Varhoma 13:13 - Testamente Leyimpsha Xichangana

¹³ Ahifambeni kuvonakeleni, kufana ni vanhu lavafambaka ninhlekanhi, kungali hi minkhuvu ni kupopsa, kungali hi lesvobiha ni vunghwavana, kungali hi kuholova ni vukwele;

BIBELE Mahungu Lamanene

¹³ A hi fambeni hi mukhuva lowu fanelaka, kukotisa vanhu lava fambaka ni nhlekanhi, ku nga ri hi makampfu ni ku pyopyiwa, ku nga ri hi swa manyala ni vuoswi, ku nga ri hi timholovo ni mavondzo;

Xitsonga (Bibele)

¹³ A hi fambeni hi mukhuva lowu fanelaka, kukota vanhu lava fambaka ninhlekanhi, ku nga ri hi mahlomi ni ku pyopyiwa, ni vuoswi, ni vumbhisa, ni timholovo, ni mona;

Varhoma 13:13 Referans Kwoze

Vagalatiya 5:21

ni mavondzo ni vudakwa ni magolo ni svofana ni svosvo. Namitsundzuxa, hilaha nitshamaka nimitsundzuxa hakona, lesvaku lavayendlaka svofana ni lesvo, vangakala vangavi na kuyaveliwa kufumeni ka Xikwembu.

Vaefesa 5:18

Minganweneni vhinyu rimidakwa, hikuva rivanga timholova, kambe matshan'wini ya svosvo mitala hi Moya.

1 Vatesalonika 4:12

Hi mukhuva lowu, mitaxiximiwa hi va le handle, mingahatikiseli munhu ni mun'we.

1 Yohane 2:6

Lweyi ange atshama ka xona, nasvona afanela kufamba tani hi lesvi Yesu afambiseke xisvona.

Vaefesa 5:15

Loko svilitano, kambisisani svinene mahanyela ya n'wina; mingahanyeni tani hi vanhu lavangatwisisiki nchumu, kambe hanyani kufana ni lavatlhariheke.

1 Vatesalonika 2:12

hi mikhutazile, hi mitiyisile ni kumisusumeta lesvaku mihanya hi ndlela leyitsakisaka Xikwembu lexi ximivitanelaka kuyaveliwa kufuma ka xona ni kutwala ka xona.

Luka 21:34

“Tivoneleni lesvaku timbilu ta n'wina tingatikeliwi hi makolo ni vudakwa, ni kuvilela hi sva vutomi lebzi, nasvona tivoneleni lesvaku siku lero ringafiki hi xitshuketa;

1 Vatesalonika 5:17

Mingatshikeni kukhongela.

Vafilipiya 1:27

Ntsena, mahanyela ya n'wina mafanela kufambelana ni Evhangeli ya Kriste, lesvaku hambi ni ta nitatamivona, hambi ni ngati, nitatwa lesvaku mahayimile na mitiyile moyeni wun'we, milwa svin'we hi mbilu yin'we, milwela kupfumela loku kutisiwaka hi Evhangeli.

Yuda 1:23

Ponisani van'wana hi kuvawutla ndzilweni; van'wana mivatsetselela na mili ni kutivonela: Mifanela kunyenya hambi ali sviyambalu sva vona svinene, lesvinyamisiweke hi sva misava leyi.

2 Yohane 1:4

Nitsakile ngopfu loko nikuma lesvaku vana van'wana va wena vafamba ntiyisweni, tani hi lesvi hiyamukeleke milawu ya Tatana hakona.

Yakobo 4:5

Kumbe, xana miyehleketa lesvaku Tsalwa rivula sva hava, loko riku: “Xikwembu xivavisekela ngopfu moya lowu xiwuyendleke lesvaku wuyaka ka n'wina” xana?

Vakolosa 3:5

Loko svilitano, dlayani lesvi svinga sva misava ka n'wina, hi lesvaku vuwosvi, ni sva nsila, ni kuhisekela sva tingana, ni kunavela lokobiha, ni makwanga, kunga kugandzela svikwembu sva hava.

Vakolosa 1:10

hi ndlela leyi, mitahanya vutomi lebzi bzifanelaka Hosi, miyitsakisa timhakeni hinkwatu, miveka mihandzu hi kutirha mintirho leyinene ya tinxakaxaka, miya mikula hi tlhelo ra kutiva Xikwembu.

Vafilipiya 2:3

Mingayendleni nchumu hi moya wa kutirhandza, kumbe hi kutidzunisa hi sva hava, kambe mun'wana ni mun'wana aatitsongahate ka van'wana, angayanakanyi lesvaku wavatlula hi vunene.

Vaefesa 5:8

Hikuva khale n'wina hi n'wexe amili munyameni, kambe svosvi, lesvi mingahundzuka vanhu va Hosi, mi le kuvonakaleni. Hanyani kufana ni vanhu va kuvonakala,

Vaefesa 4:17

Hikolaho, nivula lesvi ni kusvitiyisa hi vito ra Hosi, nili: Mingahahanyeni kufana ni lesvi vamatiko vahanyisaka xisvona, hi kuyanakanya ka vona lokungapfuniki nchumu.

Vaefesa 4:1

Hikolaho-ke, mina ninga mubohiwa ntirhweni wa Hosi, na mikhongotela kuhanya hi ndlela leyifambelanaka ni kuvitaniwa ka n'wina.

Vagalatiya 5:19

Mintirho ya ntumbuluku wa nyama yi le rivaleni: I kuwosva ni mikhuva ya chaka ni manyala,

Timhaka 2:15

Vanhu lava avadakwanga, hilaha mipimisaka hakona, hikuva wahali mixo.

Luka 16:19

“Akuli ni mufuwi lweyi aayambala xiyambalu xophatima xa xivunguvungu ni xa ntsembzana, atshama kutsakeni atiphina hi masiku hinkwawu.

Luka 1:6

Havambirhi avalulamile mahlweni ka Xikwembu, avafamba minaweni hinkwayu ya Hosi ni ka svileriso sva yona, valihava xo soliwa ha xona.

1 Vakorinto 3:3

hikuva mahali va nyama ntsena. Hikuva, loko mavondzo ni kuholova svili kona xikarhi ka n'wina, xana amifani ni vanhu ntsena ke? Xana amihanyi kufana na vona ke?