Varhoma 13:1 - Testamente Leyimpsha Xichangana

¹ Munhu mun'wana ni mun'wana aativeke hansi ka vuhosi, hikuva aku na vuhosi lebzingahumiki ka Xikwembu; kutani vuhosi lebzinga kona, bzivekiwile hi Xikwembu.

BIBELE Mahungu Lamanene

¹ Munhu un'wana ni un'wana a a tiveke ehansi ka tihosi, hikuva a ku na vuhosi lebyi nga humiki eka Xikwembu; kutani tihosi leti nga kona, ti vekiwile hi Xikwembu.

Xitsonga (Bibele)

¹ Munhu un'wana ni un'wana a a yingise vuhosi; hikuva a ku na vuhosi lebyi nga humiki eka Xikwembu; kutani tihosi leti nga kona, ti vekiwile hi Xikwembu.

Varhoma 13:1 Referans Kwoze

Tito 3:1

Tsundzuxa lava uvajondzisaka kutitsongahata ka vafumi ni ka tihosi, ni kutiyingisa, vatshama vatilungiselile kutirha mintirho hinkwayu leyinene;

Yohane 19:11

Yesu ahlamula, aku: “Awungatava ni matimba henhla ka mina nikutsongo, loko awungamanyikiwanga hi le henhla. Hikolaho, lweyi anga ni nyiketa ka wena, aninandzu lowukulu ngopfu.”

Yuda 1:8

Na vona vanhu lava, vahanyisa xisvosvo: Vanyamisa miri wa vona hi milorho ya vona. Ava na mhaka ni vuhosi bza Xikwembu, vasandza ni matimba ya svivumbiwa sva le tilweni.

Vaefesa 5:21

Titsongahateni, van'we ka van'wana, hikolaho ka xichavu lexi minga na xona ka Kriste.

Nhlavutelo 19:16

Ka jansi ra yena ni le nyongeni ya yena, kutsaliwile vito leringe: “Mufumi wa vafumi ni Hosi ya tihosi.”

Nhlavutelo 1:5

ni le ka Yesu Kriste, mboni leyotshembeka, mativula ya lavafeke ni mufumi wa tihosi ta misava. Ka lweyi ahirhandzaka, lweyi ahitshunxeke svijohweni sva hina hi ngati ya yena,

Nhlavutelo 17:14

Titalwa ni Xinyempfana, kambe Xinyempfana xitatihlula, hikuva i Hosi ya tihosi, ni Mufumi wa vafumi; ni malandza ya xona lawa mavitaniweke, lawa mahlawuliweke ni lawa matshembekaka, xitamanyika kuhlula.”

Matewu 6:13

ungahitshiki hiwela amiringweni, kambe hiponise ka lesvobiha, [hikuva kufuma, ni matimba, ni kutwala, i sva wena hi masiku ni masiku. Amen.]

Timhaka 2:41

Hi loko lavayamukeleke marito ya yena, vakhuvuliwa; kutani sikwini lero, kuyamukeliwa vanhu lavalavaka kuva makhulu manharhu (3 000).

Varhoma 12:21

Ungatshuki uhluliwa hi lesvobiha, kambe hlula lesvobiha hi lesvinene.

Varhoma 13:2

Hikolaho lweyi ayeyisaka vuhosi, ayeyisa kulerisa ka Xikwembu; kutani lavayeyisaka, vativangela kuyavanyisiwa.

1 Timotiya 2:2

sviyendleliwa ni tihosi ni hinkwavu lavanga svitshan'wini sva le henhla, lesvaku hikota kuhanya vutomi bza kurhula ni kutsaka, lebzinga bza vukhongeli ni lebzi bzixiximekaka hi matlhelo hinkwawu.