Varhoma 12:6 - Testamente Leyimpsha Xichangana

⁶ Hikolaho, lesvi hinga ni tinyiko letihambaneke, hi kuya hi lesvi Xikwembu xihinyikeke svona, hikokolaho loko hili ni nyiko ya kuprofeta, ahiyitirhiseni hi mpimo wa kupfumela ka hina;

BIBELE Mahungu Lamanene

⁶ Hikokwalaho, leswi hi nga ni tinyiko leti hambaneke, hi ku ya hi leswi Xikwembu xi hi nyikeke swona, a hi ti tirhiseni; loko hi ri ni nyiko ya ku profeta, a hi yi tirhiseni hi mpimo wa ku pfumela ka hina;

Xitsonga (Bibele)

⁶ Kambe leswi hi nga ni tinyiko leti hambaneke, hilaha hi nyikiweke tintswalo hakona, a hi tirheni ha tona loko hi ri ni ku profeta, a hi profeteni hi mpimo wa ku pfumela;

Varhoma 12:6 Referans Kwoze

1 Vakorinto 7:7

Anitanavela lesvaku hinkwavu vanhu vangafana na mina! Kambe mun'wana ni mun'wana a ni nyiko leyi yinga ya yena, leyihumaka ka Xikwembu, mun'wana hi ndlela leyi, mun'wana hi ndlela liya.

Varhoma 12:3

Hikuva, hikolaho ka timpsalu leti ninganyikiwa tona, nibzela mani na mani wa n'wina, niku: Mingatshukeni mitikulisa hi vutlhari bza n'wina; kambe mifanele kutitsongahata, miya hi mpimo wa kupfumela loku Xikwembu xiyaveleke mun'wana ni mun'wana wa n'wina.

Varhoma 1:11

hikuva ninavela ngopfu kumivona lesvaku nihlengela na n'wina ka nyiko yin'wana ya Moya, mitatiyisiwa hi yona;

1 Vakorinto 13:2

Ni loko kumbe nili ni nyiko ya kuprofeta, nili ni kutwisisa svihundla hinkwasvu ni vutivi hinkwabzu, ni loko nili ni kupfumela hinkwaku, nikondza nikunula tintshava, kambe ningali na rirhandzu, ani nchumu.

Vaefesa 4:11

Nasvona, hi yena “lweyi anyikeke vanhu tinyiko”, van'we kuva vapostola, van'wana kuva vaprofeta, van'wana kuva vavuli va Evhangeli, van'wana kuva vafundhisi ni vajondzisi.

1 Vakorinto 14:1

Tikarhateleni kuva ni rirhandzu, kambe nasvona michivirikela tinyiko ta Moya, ngopfungopfu nyiko ya kuprofeta.

2 Vakorinto 8:12

Hikuva loko munhu anavela kunyika hi mbilu, svapfumeleleka mayelanu ni lesvi anganasvona, kugali lesvi asvipfumalaka.

1 Vatesalonika 5:20

Mingasandzeni vuprofeta,

1 Vakorinto 14:29

Loko vali vaprofeta akuvulavule vambirhi kumbe vanharhu, kutani van'wana avakambisise marito ya vaprofeta lava.

Timhaka 15:32

Lesvi Yuda na Silasi avali vaprofeta, vakhongotelile vamakwavu hi marito layotala, vavatiyisa.

Timhaka 2:17

“‘Xikwembu xili: Hi masiku ya makumu, nitachela Moya wa mina henhla ka vanhu hinkwavu.’” Vana va n'wina vaxinuna ni vaxisati vatavhumba, vana va n'wina va majaha vatavona svivono, svikoxa sva n'wina svitalorha milorho.

Vafilipiya 3:15

Hina hinkwerhu lava hihetisekeke moyeni, hifanele kuva ni miyanakanyu leyotano; kambe loko, ka svin'wana, miyanakanya hi ndlela yin'wana, Xikwembu xitasvihlavutela ka n'wina.

Vaefesa 3:5

Minkameni leyihundzeke, vanhu avabzeliwanga xihundla xoxo hi ndlela leyi Moya wungaxihlavutela ha yona svosvi, ka vapostola va Xikwembu lavohlawuleka ni ka vaprofeta.

Timhaka 13:1

Akerekeni ya le Antiyoka, akuli ni vaprofeta ni vajondzisi van'wana, vanga Barnaba, na Simiyoni lweyi avaku i Nigere na Lukiyo wa Kirena, na Manaheme lweyi angakula svin'we na hosi Heroda, na Sawulo.

Luka 11:49

Hikolaho vutlhari bza Xikwembu bzivulile, bziku: ‘Nitava rhumela vaprofeta ni vapostola; vatadlaya van'we xikarhi ka vona, vaxanisa van'wana.’

Matewu 23:34

“Xilesvo, masvivo, nahamirhumela vaprofeta, tintlhari, ni Vatsali; mitadlaya van'we va vona, van'wana mitava vamba svihambanwini; mitaba van'wana va vona masinagogeni ya n'wina, mivahlongolisa vasuka doropeni rin'we, vaya ka rin'wanyana;

1 Vakorinto 14:24

Kambe loko mun'wana ni mun'wana aprofeta, kutani kutanghena munhu lweyi angaliki mupfumeli, marito ya hinkwavu matamukholwisa lesvaku i mujohi, kutani hinkwavu vamuyavanyisa;

Timhaka 21:9

Aali ni vana vavanhwanyana va mune lava avaprofeta.

1 Vakorinto 3:5

Apolosi i mani? Na Pawulo i mani? I malandza ntsena lawa mipfumeleke hi mhaka ya wona; mun'wana ni mun'wana wa hina aatirha lesvi Hosi yimunyikeke kusvitirha.

1 Vakorinto 12:18

Kambe hilaha svinga hakona, Xikwembu xivekile svirho mirini, xin'wana ni xin'wana hilaha xirhandzeke hakona.

2 Petro 1:20

Henhla ka hinkwasvu, mifanela kutwisisa lesvaku kuhava marito ya vaprofeta Matsalweni lawa munhu angamahlamuselaka hi kutisungulela.

Matewu 25:22

“Kutani lweyi aanyikiwile titalanta timbirhi, aku: ‘Hosi, uninyikile titalanta timbirhi; vona, nitibindzulisile nikuma tin'wanyana timbirhi.’”