Varhoma 12:2 - Testamente Leyimpsha Xichangana

² Mingalandzeni hanyela ra nguva leyi, kambe mipfumela kuhundzuka miva vampsha kupimiseni ka n'wina, mitakota kutwisisa lesvi kurhandza lokunene ka Xikwembu, lokukhensekaka ni kuhetiseka, kunga svona.

BIBELE Mahungu Lamanene

² Mi nga landzi hanyelo ra nguva leyi, kambe mi pfumela ku hundzuka mi va vantshwa emiehleketweni ya n'wina, mi ta kota ku twisisa leswi ku rhandza lokunene ka Xikwembu, loku nkhensekaka ni ku hetiseka, ku nga swona.

Xitsonga (Bibele)

² Mi nga tshuki mi tifanisa ni misava leyi, kambe mi hundzuka hi vuntshwa bya miehleketo ya n'wina, mi ta twisisa hakona leswaku ku rhandza ka Xikwembu, hi lokunene, ka tsakisa, ku hetisekile.

Varhoma 12:2 Referans Kwoze

1 Petro 1:14

Kufana ni vana lavanga ni kuyingisa, mingalandzeni kunavela ka n'wina lokobiha loku amili nakona na mingasitiva nchumu.

2 Vakorinto 5:17

Loko munhu ali ka Kriste, i xivumbiwa leximpsha.

Vakolosa 3:10

hikuva miyambalile munhu wa mahanyela lamampsha lweyi apfuxetiwaka minkama hinkwayu, lesvaku mikota kutiva hi kuhetiseka Xikwembu lexi ximitumbuluxeke hi xifaniso xa xona.

Vaefesa 5:17

Hikolaho, mingaveneni sviphukuphuku, kambe ringetani kutwisisa lesvi Hosi yirhandzaka svona.

1 Petro 4:2

Kutani nkameni wa n'wina lowusaleke wa kuhanya laha misaveni, mingahafambisiweni hi kunavela kutitsakisa, kukota vanhu van'wana, kambe mifambisiwa hi lesvi Xikwembu xirhandzaka svona.

Varhoma 12:1

Loko svilitano vamakwerhu, na mikhongotela hikolaho ka timpsalu ta Xikwembu, lesvaku minyiketa miri wa n'wina hinkwawu, wuva mhamba leyihanyaka, leyihlawulekeke, leyitsakisaka Xikwembu; hi wona magandzelela ya n'wina ya ntiyiso.

Yohane 15:19

Loko amili vanhu va misava, misava ayitarhandza sva yona. Kambe lesvi n'wina mingaliki va misava, ni lesvi nimihlawuleke ka yona, vanhu va misava vamivenga.

Varhoma 13:14

kambe miyambala Hosi Yesu Kriste, kutani mingatsetseleleni sva nyama ya n'wina, hi kuyikolwisa kunaveleni ka yona.

Tito 3:5

xihiponisile. Kungali hi mhaka ya mintirho leyolulama leyi hina hi hoxe hiyiyendleke, kambe xihiponisile hi timpsalu ta xona, hi kuhlampsiwa loku kuyendlaka lesvaku Moya Lowokwetsima wuhinyika kupsaliwa ra vumbirhi, ni vutomi lebzimpsha.

Yakobo 4:4

N'wina vanhu va vuwosvi, xana amisvitivi lesvaku kurhandza sva misava svivula kulwa na Xikwembu xana? Hikolaho, lweyi atinyiketaka kurhandzeni ka sva misava, atiyendla nala wa Xikwembu.

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

Yohane 17:14

Nivanyikile rito ra wena, kutani vanhu va misava vavavengile, hikuva ahi va misava, tani hi lesvi na mina ningaliki wa misava.

2 Petro 1:4

Hi ndlela leyi hinyikiwile svitshembiso sva Hosi lesvikulu ngopfu, sva risima, lesvaku ha svona mitakota kupona kuwonhekeni lokunga kona misaveni hikolaho ka kunavela lokobiha, mihundzuka lavayaveliweke vutomi lebzi bzihumaka ka Xikwembu.

Yakobo 1:27

Vukhongeli lebzitengeke, lebzingasolekiki mahlweni ka Xikwembu Tatana, hi lebzi: Kuyendzela lavafeliweke hi vapsele, ni kuyendzela vafelakazi maxangwini ya vona, ni kutikhoma ka vuherheki bza misava leyi.

1 Yohane 3:13

Vamakwerhu, mingahlamaleni loko misava yimivenga.

1 Vatesalonika 4:3

nasvona kurhandza ka Xikwembu hi loku: Hi lesvaku miyendliwa lavabaseke, hi kuhambana ni vuwosvi hinkwabzu.

1 Yohane 5:19

Hasvitiva lesvaku hi va Xikwembu, ni lesvaku misava hinkwayu yi le ka lweyi wobiha.

Vaefesa 1:18

na mahlo ya timbilu ta n'wina mavoningiwile, mitativa lesvaku kulangutela loku ximivitanelaka kona hi loku koyini, ni lesvaku kutala ka ndzhaka ya xona leyosaseka ngopfu leyitshembisiwaka vahlawuliwa va xona, hi leyoyini,

2 Petro 2:20

Hikuva, loko vanhu vapona chakeni ra misava hi kutiva Hosi ya hina ni Muponisi Yesu Kriste, kutani vatlhela vaphasiwa ni kuhluliwa hi svona, xiyimu xa vona xohetelela xibihile kutlula lexosungula.

Vaefesa 2:2

Minkameni yoleyo, amihanya ka svona, loko mahalandza svihena lesvobiha sva misava leyi. Amili hansi ka hosana leyifumaka mimoya ya le henhla mpfhukeni, wunga moya lowutirhaka ni svosvi xikarhi ka vanhu lavangayingisiki Xikwembu.

Vagalatiya 1:4

yena lweyi atinyiketeke hikolaho ka svijoho sva hina, lesvaku atahiponisa ka nguva leyobiha ya masiku lawa. Ayendle svosvo hi kuyingisa kurhandza ka Xikwembu Tatana wa hina;

1 Vakorinto 3:19

Hikuva vutlhari bza misava leyi i vuhunguki mahlweni ka Xikwembu. Kutsaliwile lesvi: “Xikwembu xiphasa tintlhari ka maqhinga ya tona.”

Varhoma 7:22

Moyeni wa mina nitsakela Nawu wa Xikwembu;

Yohane 7:7

Misava yingakala yingamivengi, kambe mina yanivenga, hikuva nivula vumboni bza lesvaku mintirho ya yona yibihile.

Nhlavutelo 13:8

Kutani vayaki hinkwavu va laha misaveni vataxigandzela; vanga lava mavito ya vona mangatsaliwangiki ka Buku ya Xinyempfana lexi xingadlawa kusukela kutumbulukeni ka matilo ni misava.

1 Petro 2:3

hikuva minampsile vunene bza Hosi.

Varhoma 7:12

Hikolaho-ke, nawu hi woxe wuhlawulekile, na xona xileriso xihlawulekile, xilulamile, hi lexinene.

Vakolosa 4:12

Epafrasi, lweyi anga mun'we wa n'wina, mutirhi wa Yesu Kriste, wamirungula; wa mitsundzuka svinene masiku hinkwawu mikhongelweni ya yena, akombela lesvaku miva lavahetisekeke ni lavatiyeke, kuyendleni ka hinkwasvu lesvi Xikwembu xisvirhandzaka.

1 Petro 1:18

Masvitiva lesvaku miponisiwile ka tindlela letingapfuniki nchumu, leti mitikumeke ka vatatana va n'wina; miponisiwile kungali hi svilo lesviwonhekaka kufana ni silivhere kumbe golidi,

Yohane 14:30

Aningahavulavuli svotala na n'wina, hikuva mufumi wa misava leyi wata; kambe anga na matimba henhla ka mina.

Varhoma 7:14

Hasvitiva lesvaku Nawu i wa Moya; kasi mina, ni munhu wa miri ntsena, nixavisiwile kuva xikarawa xa kujoha.

Nhlavutelo 12:9

Hi loko dragona lerikulu ricukumetiwa riyawela hansi, rona nyoka ya khale leyivuliwaka Diyavulosi kumbe Sathana, Mukanganyisi wa misava hinkwayu; ricukumetiwa riyawela hansi misaveni, tintsumi ta rona na tona ticukumetiwa kun'we na rona.

Matewu 13:22

Mbewu leyihaxiweke mintweni svifana ni loko munhu atwa Rito; kambe kuvilela hi sva misava ni kukanganyisiwa hi rifuwo svikamanyeta Rito, kutani ritsandzeka kuveka mihandzu.

Marka 4:19

kambe kuvilela hi sva misava leyi, ni kukanganyisiwa hi rifuwo ni kunavela svilo svin'wana ni svin'wana, svinghena ka vona, svikamanyeta Rito, kutani ritsandzeka kuveka mihandzu.

Vakolosa 1:9

Hikolaho, kusukela siku leri hisvitweke, ahitshikanga kumikhongelela, nikukombela Xikwembu lesvaku ximitata hi vutivi bza kurhandza ka xona, vutlharini hinkwabzu ni le kutwisiseni hinkwaku loku kunyikiwaka hi Moya;