Varhoma 12:13 - Testamente Leyimpsha Xichangana

¹³ Pambulelani vahlawuliwa va Xikwembu loko vapfumala, migingiriteka kuyamukeleni ka vayendzi.

BIBELE Mahungu Lamanene

¹³ Pambulelani vahlawuriwa va Xikwembu loko va pfumala, mi gingirika eku amukeleni ka vaendzi.

Xitsonga (Bibele)

¹³ Pambulelani vakwetsimi loko va pfumala, mi va ni ku gingirika ku amukela vaendzi.

Varhoma 12:13 Referans Kwoze

Vaheveru 13:16

Mingarivaleni kuyendla lesvinene ni kupambulelana lesvi minga na svona, hikuva timhamba leti hi tona letitsakisaka Xikwembu.

2 Vakorinto 9:12

Hikuva ntirho wolowo hi wutirhaka awupfuni ntsena kunyika vahlawuliwa lesvi vasvipfumalaka, kambe nasvona wuyandzisa ngopfu mikhenso leyi vakhensaka Xikwembu ha yona.

1 Yohane 3:17

Lweyi anga ni svilo sva misava leyi, kambe avona makwavu na ali kupfumaleni, kambe anonon'hwisa mbilu ya yena angamupfuni, xana rirhandzu rorhandza Xikwembu ringatshamisa kuyini ka yena ke?

Vaheveru 6:10

Hikuva Xikwembu axi na mona, xingakala xingarivali ntirho wa n'wina ni rirhandzu leri mirikombeke hi vito ra xona, hi kutirhela vahlawuliwa va xona, hilaha misviyendlaka hakona ni svosvi.

1 Petro 4:9

Titoloveteni kuyamukela vayendzi, mirhurhelana, handle ka kutseketsela.

Vagalatiya 6:10

Hikolaho, minkama hinkwayu loko svikoteka, ahiyendleleni vanhu hinkwavu lesvinene, ngopfungopfu va njangu wa lavapfumeleke.

Vaheveru 13:2

Mingarivaleni kuyamukela vapfumba, hikuva hi kuyendla svosvo van'wana vayamukelile tintsumi na vangasvitivi.

1 Timotiya 3:2

Hikolaho, bixopo afanele kuva munhu lweyi angaliki na xisandzu, aave wanuna wa nsati mun'we, atikhoma, axiximeka, atsakela vayendzi, akota kujondzisa.

1 Timotiya 5:10

nakona afanele kuva ni vumboni lebzitwalaka hi tlhelo ra mintirho leyinene ya yena, kufana ni kuwundla vana hi ndlela yakona, ni kutsakela vayendzi, ni kuhlampsa milenge ya vahlawuliwa va Xikwembu, ni kupfuna lava vaxanisekaka, ni kutshama na ali karhi ayendla lesvinene hi matlhelo hinkwawu.

Matewu 25:35

hikuva anili ni ndlala, kutani minifihlutile; anili ni torha, minisiyele ninwa; anili muluveli, minirhurhelile;

Filemoni 1:7

Hikuva makwerhu, nivile ni kutsaka svinene ni kukufumela hikolaho ka rirhandzu ra wena, hikuva atimbilu ta vakwetsimi tipfuxiwile hikolaho ka wena.

Tito 1:8

kambe afanela kuva munhu lweyi atsakelaka kuyamukela vayendzi, lweyi arhandzaka svilo lesvinene, lweyi atikhomaka, lweyi alulameke, lweyi ahlawulekeke, lweyi akotaka kutikhoma mahanyeleni ya yena;

2 Vakorinto 9:1

Hi tlhelo ra xipfunu lexihumeseliwaka vahlawuliwa va Xikwembu, kungava kuheta nkama loko nimitsalela hi ta xona.

Timhaka 10:4

Loko ayilangutisile svinene, akhomiwa hi kuchava, kutani aku: “I mpsini, Hosi?” Yiku ka yena: “Mikhongelo ya wena ni tinyiko ta wena sviyamukeliwile ka Xikwembu, kutani xikutsundzukile.

Timhaka 4:35

vayiveka mahlweni ka vapostola; kutani vapambulela mun'wana ni mun'wana hi kuya hi kupfumala ka yena.

1 Vakorinto 16:15

Nahali ni xitsundzuxu, vamakwerhu: Mavativa vanhu va ka Stefanasi, ni lesvaku hi vona vapfumeli lavorhanga lavahumeke tikweni ra Akaya, ni lesvaku vatinyiketile kutirhela vahlawuliwa va Xikwembu.

Varhoma 12:8

lweyi anga ni nyiko ya kukhongotela, aakhongotele; lweyi anyikaka, aanyike hi mbilu leyobasa; lweyi afambisaka van'wana, aavafambise hi kutivonela; lweyi ayendlaka mintirho ya timpsalu, aayiyendle hi kutsaka.

Tito 3:14

Valekwerhu avajondze kuchivirikela mintirho leyinene, vatapfuna lomu kupfumaliwaka ngopfu; vangatshuki vahanya vutomi lebzingapfuniki nchumu.

3 Yohane 1:5

Murhandziwa, ukomba kutshembeka ka wena ka hinkwasvu lesvi usviyendlaka, loko upfuna vamakwenu, ngopfungopfu ni lava ungavativiki.