Varhoma 12:12 - Testamente Leyimpsha Xichangana

¹² Tsakani kulanguteleni, tiyiselani maxangwini, hitekani kukhongeleni.

BIBELE Mahungu Lamanene

¹² Tsakani eku languteleni, mi tiyisela emaxangwini, mi chivirika eku khongeleni.

Xitsonga (Bibele)

¹² Tsakani eku languteleni, mi yingisela emaxangwini, mi chivirikela eku khongeleni.

Varhoma 12:12 Referans Kwoze

Varhoma 15:13

Ingi Xikwembu lexi kulangutela kuhumaka ka xona xingamitata hi kutsaka hinkwaku ni kurhula hinkwaku kupfumeleni, lesvaku, hi matimba ya Moya Lowokwetsima, kulangutela kumitalela, kuva kuhalakela.

Vaheveru 10:36

Svafanela lesvaku mitiyisela, akuva mitakota kuyendla kurhandza ka Xikwembu, mitayamukela lesvi xingamitshembisa svona.

1 Petro 4:13

Kambe tsakani hi lesvi miyaveliwaka kuvaviseka ka Kriste, lesvaku siku leri ahumelelaka kukwetsimeni ka yena, na n'wina mitatsaka mitsakisisa.

Yakobo 5:7

Loko svilitano, vamakwerhu, lehisani timbilu, Hosi yikondza yita. Vonani, murimi arindzela mihandzu leyinene ya misava, ayilehisela mbilu yikondza yikuma mpfula yosungula ni leyi yohetelela.

Vaheveru 6:15

Hi ndlela yoleyo Abrahamu, hi kulehisa mbilu, akumile lesvi atshembisiweke svona.

Vaheveru 6:12

Ahilavi lesvaku mihundzuka lava vololoha, kambe hilava lesvaku mifana ni vanhu lava svosvi vakumaka lesvi vatshembisiweke svona, hi mhaka ya kupfumela ka vona hi kulehisa mbilu.

Vafilipiya 4:4

Titsakeleni Hosini masiku hinkwawu; nitlhela nivulisa svosvo, nili: Titsakeleni!

Vaheveru 12:1

Hikolaho, lesvi hirhendzeliweke hi refu lerikulu ra timboni, na hina ahitshikeni hinkwasvu lesvi svihisivelaka, ni vujoho lebzihantlaka kuhinamarhela, hitsutsuma na hili ni kutiyisela kutsutsumeni ka mpfhuka lowu hi vekeliweke wona.

Vakolosa 4:2

Yanani mahlweni mitiyisela mikhongelweni, mihitekela kona mili karhi mikhensa;

2 Vatesalonika 3:5

Ingi Hosi yingasusumeta timbilu ta n'wina, lesvaku mixirhandza, ni lesvaku michivirikela Kriste.

1 Vatesalonika 5:8

Kambe lesvi hina hinga va nhlekanhi, ahitikhomeni, hiyambala kupfumela ni rirhandzu xiva xitlhangu xa hina xifuveni, kutani nhlokweni hiyambala kulangutela ka kuponisiwa, xiva xigqoko xa hina.

Timhaka 1:14

Volavo hinkwavu avatiyisela kukhongeleni, hi mbilu yili yin'we, vali ni vavasati van'wana, na Mariya mamana wa Yesu, ni vamakwavu va Yesu.

1 Timotiya 6:11

Kambe loko ali wena, munhu wa Xikwembu, fambela kule ni svilo lesvi hinkwasvu. Kongoma kululama, ni vukhongeli, ni kupfumela, ni rirhandzu, ni kutiyisela, ni timpsalu.

Vaheveru 10:32

Yanakanyani masiku lawa mahundzeke, kaku loko mivoningiwile, mingatiyisela kulweni lokukulu ni le kuvavisekeni.

Vakolosa 4:12

Epafrasi, lweyi anga mun'we wa n'wina, mutirhi wa Yesu Kriste, wamirungula; wa mitsundzuka svinene masiku hinkwawu mikhongelweni ya yena, akombela lesvaku miva lavahetisekeke ni lavatiyeke, kuyendleni ka hinkwasvu lesvi Xikwembu xisvirhandzaka.

Vakolosa 1:11

Mawaku loko mingatiyisiwa svinene hi matimba, hi kuya hi ntamu wa xona wotwakala, mikota kutiyisela svinene, ni kuleha mbilu na mitsakile.

Vaheveru 5:7

Masikwini ya yena ya kuhanya laha misaveni, Yesu akhongelile nikukombela hi kutitsongahata, ahuwelela hi matimba ni kurila minhloti, ka lweyi anga ni matimba ya kumuponisa kufeni, kutani ayingisiwile hikolaho ka xichavu xa yena.

Nhlavutelo 13:10

Lweyi kukhomiwa svimukongomeke, atakhomiwa hakunene; ni lweyi kudlayiwa hi tlhari svimukongomeke, atadlayiwa hi tlhari hakunene.” Lesvi svivula lesvaku vahlawuliwa va Xikwembu vafanele kutiyisela, vava ni kupfumela.

2 Petro 1:6

miseketela vutivi hi kutikhoma, ni kutikhoma hi kutiyisela, ni kutiyisela hi vukhongeli,

Vaheveru 3:6

Kambe Kriste, atshembekile tani hi n'wana lweyi anga n'winyi ndlwini ya Xikwembu. Kutani hina hi yindlo ya xona, loko hikhoma hitiya, kutshembeni ni le kutlangeleni ka hina hi tlhelo ra svilo lesvi hisvilangutelaka.

2 Vatesalonika 1:4

Hikolaho, hina hi hexe, hi tikulisa ha n'wina tikerekeni ta Xikwembu, hi mhaka ya kutiyisela ka n'wina ni kupfumela ka n'wina, xikarhi ka maxangu ni mahlomulu hinkwawu lawa mimavonaka.

1 Vakorinto 13:13

Svosvi-ke, kutiyile svilo svinharhu: Kupfumela, kulangutela ni rirhandzu; kambe lexikulu ngopfu ka svona i rirhandzu.

Varhoma 15:4

Hinkwasvu lesvi svitsaliweke hi lava va khale, svitsaliwile lesvaku hijondza ha svona, ni lesvaku hiva ni kulangutela, hikolaho ka kutiyisela ni kuchaveleliwa loku hikukumaka Matsalweni.

Luka 21:19

hi kutiyisela ka n'wina mitatikumela vutomi.

Luka 8:15

Kambe mbewu leyingawela misaveni leyinene, i vanhu lavayingisaka Rito hi timbilu letolulama, letinene, varihlayisa, vaveka mihandzu hi kutiyisela.

1 Petro 4:7

Kuhela ka svilo hinkwasvu kule kusuhi. Hikolaho, tlharihani mitikhoma, mitakota kukhongela.

Tito 2:13

na hili karhi hilangutela minkateko leyi hitshembisiweke yona, siku leri kungatahumelela kukwetsima ka Xikwembu Nkulukumba, ni Muponisi wa hina Yesu Kriste.

Vakolosa 1:27

Ka vona Xikwembu xirhandzile kutivisa rifuwo ra xihundla lexi, ni kutwala ka xona xikarhi ka vamatiko; xihundla xakona hi lesvaku Kriste a le ka n'wina, kutani ha yena milangutela kutwala ka Xikwembu lokutaka.

Varhoma 8:25

Kambe loko hilangutela lesvi hingasvivoniki, hisvilangutela hi kutiyisela.

Tito 3:7

lesvaku, hi timpsalu ta xona, hitayendliwa lavalulameke mahlweni ka xona, ni kuyamukela ndzhaka ya vutomi lebzingaheliki, lebzi hibzilangutelaka.

2 Timotiya 3:10

Svosvi-ke, ulandzelelile kujondzisa ka mina ni mahanyela ya mina, makungu ya vutomi bza mina ni vupfumeli bza mina, kulehisa ka mina mbilu, ni rirhandzu ra mina ni kutiyisela ka mina.

1 Vatesalonika 1:3

Mahlweni ka Xikwembu Tatana wa hina, hitsundzuka hilaha kupfumela ka n'wina kutikombeke hakona hi sviyendlo, ni lesvaku michivirika kulanguteleni ka Hosi ya hina Yesu Kriste, hi rirhandzu ni kutikarhata.

Vafilipiya 3:1

Kutani svosvi vamakwerhu, titsakeleni Hosini. Asvinikarhati kutlhela nimitsalela svofana, nasvona svipfuna kumitiyisa.

2 Vakorinto 12:8

Nikhongelile Hosi kanharhu hi mhaka ya xilo xoxo, lesvaku xisuka ka mina.

Varhoma 2:7

Lava vatiyiselaka kuyendla lesvinene, na vali karhi vanavela kuva lavakwetsimaka ni lavadzunekaka ni lava vangahafiki, Xikwembu xitavanyika vutomi lebzingaheliki;

Timhaka 12:5

Hikolaho, Petrosi arindziwa na ali jele; kambe kereke ayingatshiki kumukhongelela ka Xikwembu.

Timhaka 6:4

Loko hili hina, hitaya mahlweni ni svikhongelo, hivula ni Rito.”

Timhaka 2:42

Avachivirika tijondzweni ta vapostola, kuhlengeletaneni, akukhemeni ka xinkwa, ni le kukhongeleni.

Luka 10:20

hambi svilitano, mingatsakeni hi lesvi mimoya yimiyingisaka; kambe tsakani hi lesvi mavito ya n'wina matsaliweke tilweni.”

Matewu 5:12

Tsakani, mitsakisisa, hikuva hakelo ya n'wina i yikulu matilweni; hikuva vaxanisise xisvosvo vaprofeta lava avali kona, na n'wina mingasivakona.”