Varhoma 12:10 - Testamente Leyimpsha Xichangana

¹⁰ Tolovelanani, mirhandzana tani hi vamakwavu, mitlula van'wana hi kuxiximana.

BIBELE Mahungu Lamanene

¹⁰ Tolovelanani, mi rhandzana tanihi vamakwavo, mi tlula van'wana hi ku kombana xichavo.

Xitsonga (Bibele)

¹⁰ Tolovelanani hi rirhandzu ra vuxaka, mi ri karhi mi yisana emahlweni hi mafundzha.

Varhoma 12:10 Referans Kwoze

Vafilipiya 2:3

Mingayendleni nchumu hi moya wa kutirhandza, kumbe hi kutidzunisa hi sva hava, kambe mun'wana ni mun'wana aatitsongahate ka van'wana, angayanakanyi lesvaku wavatlula hi vunene.

Vaheveru 13:1

Yanani mahlweni mirhandzana kukota vamakwavu.

1 Yohane 4:11

Varhandziwa, lesvi Xikwembu xihirhandzeke hi ndlela leyi, na hina hifanela kurhandzana.

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

1 Petro 2:17

Xiximani vanhu hinkwavu. Rhandzani nhlengeletanu ya vamakwenu. Chavani Xikwembu. Xiximani hosi leyikulu ya tiko.

1 Vatesalonika 4:9

Loko tili ta kurhandzana ni vamakwenu Hosini, amifaneli kutsaleliwa nchumu hi tona; hikuva i Xikwembu lexi ximijondziseke kurhandzana;

Vagalatiya 5:13

Loko ali n'wina vamakwerhu, mivitaniwile lesvaku miva lavatshunxekeke; kambe mingateki kutshunxeka ka n'wina, mikuhundzula mpfumelelo wo yendla lesvi ntumbuluku wa n'wina wa laha misaveni wusvinavelaka; matshan'wini ya svosvo, tirhelanani hi rirhandzu.

Vagalatiya 5:22

Kasi mihandzu ya Moya i rirhandzu ni kutsaka ni kurhula ni kuleha mbilu ni vunene ni kunyika ni kutshembeka

1 Yohane 4:20

Loko munhu aku: “Mina nirhandza Xikwembu”, kambe ahambula makwavu, i muhembi; hikuva lweyi angarhandziki makwavu lweyi amuvonaka hi mahlo, angakoti kurhandza Xikwembu lexi angaxivoniki.

2 Petro 1:7

ni vukhongeli hi kutsakelana ka vuxaka, ni kutsakelana ka vuxaka hi rirhandzu.

1 Petro 5:5

Svixitanu na n'wina lavampsha: Titsongahateni ka lavakulu. Hinkwenu yambalani kutitsongahata, mitiveka hansi, van'we ka van'wana, hikuva va khale vate: “Xikwembu xiyalela lavatikulisaka, kambe xitsetselela lavatitsongahataka.”

Yohane 15:17

Lesvi nimibzelaka svona hi lesvaku mirhandzana.

Varhoma 13:7

Nyikani hinkwavu timfanelo ta vona; lweyi afanelaka kuyamukela rhesa, aanyikiwe; lweyi afanelaka nyiko, aanyikiwe, lweyi afanelaka kuxiximiwa, aaxiximewe; lweyi afanelaka kuchaviwa, aachaviwe.

Timhaka 4:32

Nhlengeletanu ya lava vapfumeleke ayili mbilu yin'we ni moya wun'we; akungali na munhu ni mun'we lweyi aavula lesvaku svilo lesvi anga na svona hambi xili xin'we xa svona, i sva yena ntsena; kambe svilo hinkwasvu avaku, i sva vona hinkwavu.

Luka 14:10

Kambe loko urhambiwile, yana uyatshamisa xitshan'wini xa le ndzhaku, lesvaku loko kuta lweyi akurhambeke, ataku ka wena: ‘Nakulorhi, tshinela halenu henhla.’ Hi mukhuva wolowo, utadzunisiwa mahlweni ka hinkwavu lavatshameke svakujeni svin'we na wena.

Matewu 20:26

svingatshuki sviva tano xikarhi ka n'wina, kambe mani na mani lweyi anavelaka kuva lwenkulu xikarhi ka n'wina, aave mutirhi wa n'wina;

2 Vatesalonika 1:3

Svahifanela kukhensa Xikwembu masiku hinkwawu hikolaho ka n'wina, vamakwerhu. Hakunene svafanela svosvo, hikuva kupfumela ka n'wina kuya mahlweni kukula ngopfu, ni kurhandzana ka n'wina hinkwenu kuya kuyengeteleka.

Vakolosa 1:4

hikuva hitwile ta kupfumela ka n'wina ka Yesu Kriste, ni ta rirhandzu ra n'wina ka vahlawuliwa va Xikwembu hinkwavu,

Vagalatiya 5:6

Hikuva ka Yesu Kriste, kuyimba kumbe kuva munhu wokala angayimbanga, asvivuli nchumu, kambe lexinga xona i kupfumela loku kutirhaka hi rirhandzu.

Yohane 17:21

ninavela lesvaku hinkwavu vava mun'we, kufana ni lesvi wena Tatana unga ka mina, na mina ninga ka wena, lesvaku na vona vava ka hina, kutani misava yitapfumela lesvaku unirhumile.