Varhoma 11:36 - Testamente Leyimpsha Xichangana

³⁶ Hikuva svilo hinkwasvu svihuma ka yena, sviko na hikolaho ka yena, svikongoma yena. Ka yena akuve kudzuneka hilaha kungaheliki! Amen!

BIBELE Mahungu Lamanene

³⁶ Hikuva swilo hinkwaswo swi huma ka yena, swi kona hikwalaho ka yena, swi kongoma yena. Eka yena a ku ve ku dzuneka hilaha ku nga heriki! Amen!

Xitsonga (Bibele)

³⁶ Hikuva swilo hinkwaswo swi hume eka yena, swi kona eka yena, kambe swi endleriwa yena! Ku kwetsima a ku ve eka yena hilaha ku nga heriki! Amen!

Varhoma 11:36 Referans Kwoze

1 Vakorinto 8:6

kambe ka hina ku ni Xikwembu xin'we ntsena, Tatana lweyi svilo hinkwasvu svihumaka ka yena, na hina hihanyelaka yena; nasvona ku ni Hosi yin'we ntsena, Yesu Kriste lweyi hinkwasvu svitumbulukaka hi le ka yena, na hina hihanyaka hikolaho ka yena.

Vaheveru 2:10

Hikuva asvifanela lesvaku Xikwembu, lexi svilo hinkwasvu svihanyelaka xona ni kuhlayisiwa hi xona, loko xifikisa vana va xona lavotala kukwetsimeni, xiyendla lesvaku murhangeli wa kuponisiwa ka vona ava lweyi ahetisekeke, hi mhaka ya kuvaviseka ka yena

1 Timotiya 1:17

Ka Hosi ya minkama hinkwayu, leyingaliki ni kufa, leyingavoniwiki, xona Xikwembu xili xoxe, akuve kuchaviseka ni kudzuneka, hilaha kungaheliki! Amen.

Varhoma 16:27

Ka Xikwembu xili xoxe xa vutlhari, akuve kudzuneka ha Yesu Kriste, hi minkama ni minkama, Amen!

Yuda 1:25

Ka xona Xikwembu xili xin'we, muponisi wa hina ha Yesu Kriste Hosi ya hina, ku ni kutwala, ni vukulukumba, ni kufuma, ni matimba, kusukela minkarhini hinkwayu leyihundzeke, ni svosvi, ni hilaha kungaheliki. Amen.

Timhaka 17:28

hikuva ka xona, ha hanya, ha tshukatshuka, na svona, hi kona, kukotisa lesvi vatlhokovetseli van'wana va n'wina vangavula vaku: ‘Na hina hi va rixaka ra xona.’

Nhlavutelo 21:6

Kutani aku ka mina: “Sviyendlekile! Hi mina Alfa na Omega, wosungula ni wohetelela. Lweyi anga ni torha, nitamunyika mati mahala angahakeli nchumu, mahuma xihlobzeni xa mati ya vutomi.

2 Petro 3:18

Kambe kulani, na mili timpsalwini ni le kutiveni ka Yesu Kriste, Hosi ya hina ni Muponisi wa hina. Ka yena akuve kutwala svosvi, ni kuyafika sikwini leringaheliki. Amen!

2 Timotiya 4:18

Hosi yitaniwutla ni le kubiheni hinkwaku, yiniponisa lesvaku nitakuma Mfumu wa yona wa le matilweni, ka yona akuve kudzuneka hilaha kungaheliki. Amen.

1 Vakorinto 11:12

Hikuva kukota lesvi wansati ahumesiweke ka wanuna, hi ndlela yoleyo na yena wanuna avelekiwa hi wansati, kambe hinkwasvu svihuma ka Xikwembu.

1 Petro 5:11

Matimba amave ka xona hi masiku ni masiku. Amen.

Vafilipiya 4:20

Ka Xikwembu Tatana wa hina, akuve kudzuneka hi masiku ni masiku! Amen!

Vaefesa 3:21

ka yena akuve kudzuneka kerekeni ni le ka Yesu Kriste, hi minkama ni minkama hilaha kungaheliki. Amen!

Vagalatiya 1:5

Ka xona akuve kudzuneka hilaha kungaheliki! Amen.

Nhlavutelo 19:1

Ndzhaku ka svosvo, nitwa lesvifanaka ni rito ra matimba, ra xitshungu lexikulu le tilweni, rihuwelela riku: “Haleluya! Kuhlayiseka ni kukwetsima ni matimba i sva Xikwembu xa hina,

Nhlavutelo 7:10

Avahuwelela hi rito leritlakukeke vaku: “Kuponisiwa kuhuma ka Xikwembu xa hina lexitshameke xiluvelweni, ni le ka Xinyempfana!”

1 Petro 4:11

Loko mun'wana anyikiwile kuvulavula, aavulavule hi kulandza marito ya Xikwembu; loko mun'wana anyikiwile kutirhela vanhu, aasviyendle kufana ni lweyi asvitirhaka hi matimba lawa Xikwembu ximunyikaka wona, lesvaku ka svilo hinkwasvu Xikwembu xidzunisiwa ha Yesu Kriste. Kudzuneka ni matimba svi le ka xona hilaha kungaheliki. Amen.

Vaheveru 13:21

ingi xingamilongisa hinkwasvu lesvinene lesvingatamipfuna kuyendla kurhandza ka xona, na xili karhi xitirha ka hina lesvi xisvitsakelaka, ha Yesu Kriste. Ka xona akuve kudzuneka hi masiku ni masiku. Amen!

Luka 19:38

“Akudzunisiwe Mufumi lweyi ata ka hi vito ra Hosi! Kurhula akuve matilweni, ni kukwetsima matilweni ya le henhlahenhla!”

1 Timotiya 6:16

Hi yena ntsena lweyi angaliki ni kufa, lweyi ayakeke kuvonakaleni lokungatshineleliwiki; kuhava munhu ni mun'we lweyi atshamaka amuvona, kumbe lweyi akotaka kumuvona. Ka yena akuve kuchaviseka ni kufuma, hilaha kungaheliki. Amen.

Luka 2:14

“Kudzuneka akuve ka Xikwembu matilweni ya le henhlahenhla, kurhula akuve misaveni ka vanhu lava xivatsakelaka.”

Matewu 6:13

ungahitshiki hiwela amiringweni, kambe hiponise ka lesvobiha, [hikuva kufuma, ni matimba, ni kutwala, i sva wena hi masiku ni masiku. Amen.]

Nhlavutelo 7:12

tiku: “Amen! Kuvongiwa, ni kutwala, ni vutlhari, ni kukhensiwa, ni kudzuneka, ni matimba, ni ntamu, asvive ka Xikwembu xa hina, hilaha kungaheliki! Amen.”