Varhoma 11:20 - Testamente Leyimpsha Xichangana

²⁰ Hi svona; maphatluliwile hikolaho ka kukala kupfumela; kutani wena uyima na utiyile hikolaho ka kupfumela. Ungatshuki utikulisa ha svona, kambe chava!

BIBELE Mahungu Lamanene

²⁰ Hiswona; ma phatluriwile hikwalaho ka ku kala ku pfumela; kutani wena u yima u tiyile hikwalaho ka ku pfumela. U nga tshuki u tikurisa ha swona, kambe chava!

Xitsonga (Bibele)

²⁰ Hi swona; ma phatluriwile hikwalaho ka ku kala ku pfumela; kambe wena u yima hi ku pfumela, u nga tshuki u tikukumuxa, kambe u chava.

Varhoma 11:20 Referans Kwoze

Varhoma 12:16

Hanyisanani hi moya wun'we; mingatshukeni minavela lesvitlakukeke, kambe mitolovelana ni lavatitsongahataka; mingativoneni na mili lava vatlhariheke.

2 Vakorinto 1:24

Ahi lesvaku hina hifuma kupfumela ka n'wina, kambe hitirhisana na n'wina lesvaku mitakuma kutsaka, hikuva mitiyile kupfumeleni.

1 Vakorinto 10:12

Hikolaho, lweyi ayanakanyaka lesvaku wahayimile, aativonele lesvaku angawi.

1 Petro 1:17

Loko mikhongela, mimuhlaya “Tatana”, yena lweyi ayavanyisaka munhu mun'wana ni mun'wana, na angayi hi nghohe kambe hi mintirho ya munhu; hi kolaho, hanyani hi xichavu, nkameni hinkwawu wa kuhanya ka n'wina laha misaveni.

Vafilipiya 2:12

Varhandziwa, kufana ni lesvi miniyingiseke masiku hinkwawu, ni svosvi, kungali ntsena loko nili na n'wina kambe ngopfungopfu loko ningali na n'wina, tirhelani kuponisiwa ka n'wina hi kuchava ni kurhurhumela;

Vaheveru 3:12

Vamakwerhu, tivoneleni lesvaku kungavi na mun'we xikarhi ka n'wina lweyi anga ni mbilu leyobiha, leyingaliki na kupfumela, kutani ahambukela kule ni Xikwembu lexihanyaka.

1 Timotiya 6:17

Kambe loko vali lava vanga ni rifuwo ra misava leyi, vabzele lesvaku vangatikulisi, kumbe kuveka kulangutela ka vona rifuweni leringatiyangiki, kambe vaveka kulangutela ka vona ka Xikwembu: Hi xona xihinyikaka hi ntalu svilo hinkwasvu, lesvaku hitiphina ha svona.

Vakolosa 2:7

na midzimile timintsu ni kuveka masungulu ya n'wina ka yena; tiyani kupfumeleni, hilaha mijondzisiweke hakona, na mili karhi mikhensa hi kuphindhaphindha.

Varhoma 11:18

ungatshuki utikukumuxa, usandza marhavi lawa maphatluliweke; wotikukumuxa mahala, ahi wena lweyi arhwalaka rimintsu, kambe i rimintsu leri rikurhwalaka.

2 Vakorinto 10:5

hihelisa ni svihingakanyo hinkwasvu lesvi svitlakukeke, lesvi svisivelaka vanhu kutiva Xikwembu. Hikoka miyanakanyu hinkwayu kuyingiseni ka Kriste.

Nhlavutelo 18:7

Mukombeni maxangu ni mahlomulu, hi kuya hi mpimo wa kutidzunisa ka yena ni wa kuhunguka ka yena, hikuva mbilwini ya yena avula lesvi: ‘Nitshama laha, mina Nkosikazi! Ani wansati wa mufelakazi, aningagami hi kuvona mahlomulu!’

Nhlavutelo 3:17

Uvula lesvaku ufuwile, nakona u mufuwi, awupfumali nchumu, kasi awusvitivi lesvaku u mutsandzeki ni muxaniseki ni xisiwana ni xifamahlo ni lesvaku awuyambalanga nchumu!

1 Petro 5:12

Nimitsalela hi kukomisa, hi xiyandla xa Silvhano, makwerhu lweyi hi kuvona ka mina anga lweyi atshembekeke; namikhongotela, ni kutiyisa lesvaku timpsalu ta ntiyiso ta Xikwembu hi tona leti! Tiyani ka tona.

1 Petro 5:9

Muyaleleni, mitiya kupfumeleni ka n'wina, hi kutiva lesvaku vamakwenu misaveni hinkwayu vahlangana ni kuxaniseka kofana ni loku minga nakona.

Yakobo 4:6

Hambi svilitano, xihikomba timpsalu letinga tikulu kutlula svosvo, hikuva Tsalwa rili: “Xikwembu xiyalela vatikulisi, kambe xitsetselela lavatitsongahataka.”

Yakobo 2:19

Wena upfumela lesvaku ku ni Xikwembu xin'we ntsena. Uyendla svona. Hambi mali madimoni mapfumela svosvo, na mali karhi marhurhumela.

Vaheveru 4:11

Loko svilitano, ahiringeteni hi matimba kunghena kuwiseni koloko, lesvaku ni mun'we angawi hi kutiyalisa lokufanaka ni ka vona.

Vaheveru 4:6

Hikolaho, lesvi svahatiyeke lesvaku van'wana vatanghena kona, ni lesvi lavakumeke Evhangeli kusunguleni vatsandzekeke kunghena hi mhaka ya kutiyalisa ka vona,

Vaheveru 3:19

Hikolaho, hasvivona lesvaku vatsandzekile kunghena kuwiseni, hi mhaka ya kukala kupfumela.

2 Vatesalonika 2:4

Munhu lweyi alwa ni hinkwasvu lesvihlayiwaka lesvaku svi ni vukwembu, kumbe lesvigandzeliwaka, kutani atikulisa henhla ka svona, akondza ayatshama Tempeleni ya Xikwembu, na ali karhi atihlaya lesvaku yena hi yena Xikwembu.

Varhoma 3:3

Xana hitahlaya yini, loko van'wana va vona vangatshembekanga ke? Xana kutshembeka ka Xikwembu kungahelisiwa hi mhaka ya kukala vangatshembekanga ke?

Timhaka 18:6

Hi loko vona vamukaneta ni kumuyala, aphumunha ntshuri asviyambalweni sva yena, aku ka vona: “Ngati ya n'wina, ayive henhla ka tinhloko ta n'wina; loko ali mina, nihumile ka wona; kusukela svosvi, nitaya ka vamatiko.”

Luka 18:14

“Nili ka n'wina: Murhesisi lweyi atlhelele kaya ka yena na ahlayiwile lweyi alulameke kutlula Mufarisi; hikuva mani na mani lweyi atikulisaka, atatsongahatiwa, ni lweyi atitsongahataka atakulisiwa.”

1 Vakorinto 16:13

Hitekani, mitiya svinene kupfumeleni, miva vavanuna, mitinyika matimba.

Varhoma 11:21

Hikuva loko Xikwembu xingatsetselelanga marhavi ya xiviri, na wena axingakutsetseleli.

Varhoma 12:3

Hikuva, hikolaho ka timpsalu leti ninganyikiwa tona, nibzela mani na mani wa n'wina, niku: Mingatshukeni mitikulisa hi vutlhari bza n'wina; kambe mifanele kutitsongahata, miya hi mpimo wa kupfumela loku Xikwembu xiyaveleke mun'wana ni mun'wana wa n'wina.

1 Vakorinto 15:1

Svosvi vamakwerhu, nilava kumitsundzuxa hi ta Evhangeli leyi ni yipaluxeke ka n'wina, miyiyamukela miva mitiyisela; nasvona matiyisela ka yona;