Varhoma 11:1 - Testamente Leyimpsha Xichangana

¹ Svosvi navutisa nili: Xana Xikwembu xicukumetile tiko ra xona ke? Nikutsongo! Hikuva na mina ni Muisrayele, wa rixaka ra Abrahamu, wa nyimba ya Benjamini.

BIBELE Mahungu Lamanene

¹ Sweswi ndzi vutisa ndzi ri: Xana Xikwembu xi cukumetile tiko ra xona ke? Niswitsanana! Hikuva na mina ndzi Muisraele, wa rixaka ra Abrahama, wa nyimba ya Benjamini.

Xitsonga (Bibele)

¹ Kambe ndzi ri: Xana Xikwembu xi cukumetile tiko ra xona xana? E-e! Niswitsanana! Hikuva na mina ndzi Muisraele, wa rixaka ra Abrahama, wa nyimba ya Benjamini.

Varhoma 11:1 Referans Kwoze

2 Vakorinto 11:22

Xana i Vaheberu? Na mina ni Muheberu. Xana i Vaisrayele? Na mina ni Muisrayele. Xana i vatukulu va Abrahamu? Na mina ni ntukulu wa yena.

Vafilipiya 3:5

Niyimbisiwile na nahali n'wana wa masiku ya ntlhanu ni manharhu ntsena; ni wa rixaka ra Israyele, wa nyimba ya Benjamini; ni Muheberu n'wana wa Vaheberu; hi tlhelo ra kuhlayisa Nawu, anili Mufarisi.

Timhaka 26:4

“Vayuda hinkwavu vativa ta kuhanya ka mina kusukela avutsongwaneni bza mina, vativa ni lesvi ningasviyendla tikweni ra lekwerhu ni le Yerusalema, kusukela kusunguleni.

Timhaka 22:3

“Mina ni Muyuda; nivelekiwile Tarso wa Kilikiya, kambe ni kulele doropeni leri, na nili mujondzisiwa wa Gamaliyele. Nijondzisiwile Nawu wa vatatana hi mukhuva lowunene, na nili munhu lweyi ahisekelaka Xikwembu, kufana na n'wina hinkwenu namuntlha;

Varhoma 9:3

Hikuva anitanavela, mina hi xiviri xa mina, kuva lweyi acukumetiwaka, nihambanisiwa na Kriste hikolaho ka vona lava vanga va rixaka ra ka hina hi kuvelekiwa.

Varhoma 3:4

Nikutsongo! Xikwembu xifanele kutiviwa xili xa ntiyiso, ni loko munhu mun'wana ni mun'wana ali muhembi. Hi svona lesvingatsaliwa, loko vaku: “Hilaha ungatava lweyi alulameke, loko uvulavula, ni kukumiwa na ungali na nandzu, loko uthethisiwa.”

Luka 20:16

Atata, atalovisa vatirhi volavo, anyika nsimu ya mvhinya ka van'wana!” Loko vatwa svosvo, vaku: “Svingatshuki sviva tano.”

Varhoma 11:11

Niyengeta nivutisa niku: Xana Vaisrayele vatiphariyetile kuwela makumu ke? Nikutsongo! Kambe hikolaho ka kuwa ka vona, akupona kufikela vamatiko, lesvaku Vaisrayele vatava ni vukwele.