Varhoma 10:12 - Testamente Leyimpsha Xichangana

¹² Aku na kuhambana xikarhi ka Muyuda ni wamatiko, hikuva hinkwavu va ni Hosi yin'we, leyi minkateko ya yona yitalelaka hinkwavu lava vayikhongelaka.

BIBELE Mahungu Lamanene

¹² A ku na ku hambana exikarhi ka Vayuda ni vamatiko, hikuva hinkwavo va na Hosi yin'we, leyi minkateko ya yona yi talelaka hinkwavo lava khongelaka yona.

Xitsonga (Bibele)

¹² Hikuva a ku na ku hambana eka Muyuda ni Mugriki, hikuva hinkwavo va ni Hosi yin'we, leyi fuwelaka hinkwavo lava kombelaka eka yona.

Varhoma 10:12 Referans Kwoze

Vafilipiya 4:19

Kutani Xikwembu xa mina xitaminyika hi ntalu hinkwasvu lesvi misvipfumalaka, hi kuya hi rifuwo ra xona ni kudzuneka ka xona ka Yesu Kriste.

Nhlavutelo 17:14

Titalwa ni Xinyempfana, kambe Xinyempfana xitatihlula, hikuva i Hosi ya tihosi, ni Mufumi wa vafumi; ni malandza ya xona lawa mavitaniweke, lawa mahlawuliweke ni lawa matshembekaka, xitamanyika kuhlula.”

Varhoma 3:22

Hi lesvaku Xikwembu xiyendla vanhu vava lavolulama hi kupfumela ka vona ka Yesu Kriste; xiyendla lesvi ka hinkwavu lavapfumelaka, hikuva aku na kuhambana:

Vagalatiya 3:28

Hikolaho, aku na Muyuda kumbe Mugriki, aku na xikarawa kumbe mutshunxeki, aku na wanuna kumbe wansati, hikuva hinkwenu miwun'we ka Yesu Kriste.

Vakolosa 3:11

Laha aku na Mugirika ni Muyuda, aku na lweyi ayimbeke ni lweyi angayimbangiki, aku na munhu wa matiko ni munhu wa hava, aku na xikarawa ni mutshunxeki, kambe i Kriste lweyi anga hinkwasvu ka hinkwavu.

1 Timotiya 2:5

Hikuva ku ni Xikwembu xin'we, nasvona ku ni Muyimeli mun'we lweyi ahlanganisaka Xikwembu ni vanhu, yena Kriste Yesu munhu wa ntiyiso,

Vafilipiya 2:11

ni tindzimi hinkwatu tivula lesvaku Yesu Kriste i Hosi, akudzuniseni ka Xikwembu Tatana.

Vaefesa 3:6

Xihundla hi lexi: Hi mhaka ya Evhangeli, vamatiko vayaveliwa ndzhaka svin'we na hina Vayuda, vayendla svirho svin'we na hina mirini wun'we, nasvona vayaveliwa xitshembiso xin'we na hina ka Yesu Kriste.

Nhlavutelo 19:16

Ka jansi ra yena ni le nyongeni ya yena, kutsaliwile vito leringe: “Mufumi wa vafumi ni Hosi ya tihosi.”

Vaefesa 1:7

Hikuva, hi kufa ka Kriste, haponisiwa, hirivaleliwa svijoho sva hina. Timpsalu ta Xikwembu i tikulu ngopfu,

Varhoma 14:9

Hikuva Kriste afile, atlhela apfuka ahanya, lesvaku atava Hosi ya lavafeke ni ya lava vahanyaka.

Varhoma 2:4

Kumbe, xana usola vunene lebzikulu bza xona, ni bza kutsetselela ka xona, ni bza mbilu ya xona yoleha ngopfu, ungativi lesvaku vunene bza Xikwembu bzikukokela kuhundzukeni, ke?

Vakolosa 1:27

Ka vona Xikwembu xirhandzile kutivisa rifuwo ra xihundla lexi, ni kutwala ka xona xikarhi ka vamatiko; xihundla xakona hi lesvaku Kriste a le ka n'wina, kutani ha yena milangutela kutwala ka Xikwembu lokutaka.

2 Vakorinto 8:9

Matitiva timpsalu ta Hosi ya hina Yesu Kriste: Aafuwile, hambi svilitano ahundzukile xisiwana hikolaho ka n'wina, lesvaku miyendliwa vafuwi hi vusiwana bza yena.

1 Vakorinto 15:47

Munhu wa kusungula ahumile misaveni, na ali lweyi ayendliweke hi ntshuri wa misava; munhu lweyi wa vumbirhi ahuma tilweni.

1 Vakorinto 1:2

ka kereke ya Xikwembu leyinga Korinto, vanga lavavitaniweke kuva vahlawuliwa va Xikwembu hi kubasisiwa ha Kriste Yesu; ka hinkwavu lavanga matikweni hinkwawu, lavakhongelaka vito ra Hosi ya hina Kriste Yesu, yinga Hosi ya vona ni ya hina, hili:

Vaefesa 2:7

Xiyendlile lesvi kukomba minkarhi leyitaka, kutala lokungapimekiki ka timpsalu ta xona, hi vunene lebzi xihiyendleleke bzona ha Yesu Kriste.

Vaefesa 2:4

Kambe Xikwembu xi ni timpsalu svinene, hikolaho ka rirhandzu lerikulu leri xingahirhandza ha rona.

Varhoma 15:12

Kambe, Ezaya aku: “Hluke ra Yese ritahuma, yena lweyi ahumelelaka kutafuma matiko; ka yena, vamatiko vatava ni kulangutela.”

Timhaka 9:14

Kutani ni kola, anyikiwile matimba hi Vaprista lavakulu kukhoma vanhu hinkwavu lavakhongelaka vito ra wena.”

Vaefesa 3:16

Nikombela Xikwembu lesvaku ntalwini wa kudzuneka ka xona, ximinyika matimba, hi Moya wa xona, kutiya ka munhu wa n'wina wa le ndzeni,

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

Timhaka 7:59

Kakuloko vali karhi vamukhandla hi maribze, Stefano akhongela, aku: “Hosi Yesu, yamukela moya wa mina!”