Varhoma 1:8 - Testamente Leyimpsha Xichangana

⁸ Xa kusungula, nikhensa Xikwembu xa mina ha Yesu Kriste hikolaho ka n'wina hinkwenu, hikuva kupfumela ka n'wina kutwakalile misaveni hinkwayu.

BIBELE Mahungu Lamanene

⁸ Xo sungula, ndzi nkhensa Xikwembu xa mina ha Yesu Kriste hikwalaho ka n'wina hinkwenu, hikuva ku pfumela ka n'wina ku twakarile emisaveni hinkwayo.

Xitsonga (Bibele)

⁸ Ndzi sungula hi ku khensa Xikwembu xa mina ha Yesu Kriste, hikwalaho ka n'wina hinkwenu, hikuva ku pfumela ka n'wina ku twarile ematikweni hinkwawo.

Varhoma 1:8 Referans Kwoze

Varhoma 16:19

Kuyingisa ka n'wina kutwakale ka vanhu hinkwavu; nitsaka hi n'wina mhakeni leyi; kambe nilava lesvaku miva lavatlhariheke hi tlhelo ra lesvinene, ni lava vangativiki nchumu hi tlhelo ra lesvobiha.

1 Vakorinto 1:4

Masiku hinkwawu nikhensa Xikwembu xa mina hikolaho ka n'wina. Nixikhensa hikolaho ka timpsalu ta xona leti mitikumeke ha Yesu Kriste.

Varhoma 6:17

Kambe akukhensiwe Xikwembu, hikuva n'wina lava va khale amili svikarawa sva kujoha, svosvi miyingisile hi mbilu hinkwayu ntiyiso wa jondzo leyi miyikumeke.

1 Petro 4:11

Loko mun'wana anyikiwile kuvulavula, aavulavule hi kulandza marito ya Xikwembu; loko mun'wana anyikiwile kutirhela vanhu, aasviyendle kufana ni lweyi asvitirhaka hi matimba lawa Xikwembu ximunyikaka wona, lesvaku ka svilo hinkwasvu Xikwembu xidzunisiwa ha Yesu Kriste. Kudzuneka ni matimba svi le ka xona hilaha kungaheliki. Amen.

1 Petro 2:5

Kutani, kufana ni maribze lamahanyaka, na n'wina mifanele kuyakiwa miyendla yindlo ya moya, lesvaku mitava vaprista lavahlawulekeke, mihumesa timhamba ta moya letiyamukelekaka ka Xikwembu ha Yesu Kriste.

Vaheveru 13:15

Loko svilitano, ahihumeseni timhamba masiku hinkwawu ha yena Yesu, hidzunisa Xikwembu ha tona, na hili karhi hikhensa vito ra xona hi marito lawa mahumaka milon'weni ya hina.

Vakolosa 1:3

Masiku hinkwawu, hikhensa Xikwembu Tatana wa Hosi ya hina Yesu Kriste, mikhongelweni leyi himikhongelelaka ha yona,

Vafilipiya 1:3

Nikhensa Xikwembu xa mina minkama hinkwayu, loko nimiyanakanya.

Vaefesa 1:15

Hikolaho na mina, kusukela loko nitwile ta kupfumela ka n'wina ka Hosi Yesu, ni ta rirhandzu ra n'wina ka vahlawuliwa va Xikwembu hinkwavu,

Vafilipiya 1:11

vutomi bza n'wina bzitatala hi mihandzu ya lesvolulama, leyitisiwaka ha Yesu Kriste, lesvaku Xikwembu xidzunisiwa ni kutwalisiwa ha yona.

Vaefesa 5:20

Masiku hinkwawu, khensani Xikwembu Tatana hikolaho ka svilo hinkwasvu, hi vito ra Hosi ya hina Yesu Kriste.

Matewu 24:14

Kutani Evhangeli leyi ya Mfumu yitachumayeliwa misaveni hinkwayu, tani hi vumboni ka vanhu va matiko hinkwawu; kutani hi kona makumu mangatafika.

Vaefesa 3:21

ka yena akuve kudzuneka kerekeni ni le ka Yesu Kriste, hi minkama ni minkama hilaha kungaheliki. Amen!

Timhaka 11:28

Mun'we wa vona, lweyi avaku i Agabo, asuka ayima, ativisa hi matimba ya Moya lesvaku ndlala leyikulu yitawa misaveni hinkwayu (kunene yihumelele nkameni wa hosi Klawudiyo).

Luka 2:1

Masikwini wolawo kuhuma nawu wa hosi Khezari Awuguxtu wa lesvaku vanhu va matiko hinkwawu yofumiwa hi yena vayatitsalisa.

Timhaka 28:22

Kutani hifanele kutwa miyanakanyu ka wena uyivula hi nomo wa wena, hikuva loko yili jondzo leyi yohambuka, hayitiva lesvaku ya yaliwa hinkwaku.”

Varhoma 10:18

Kambe navutisa nili: Xana vangava vangaritwanga ke? Hakunene varitwile, hikuva: “mpfumawulu wa marito ya vona wutwakele misaveni hinkwayu, ni marito ya vona mafikile makun'wini ya misava.”

2 Vakorinto 2:14

Kambe akukhensiwe Xikwembu lexi ka Kriste xihiyisaka kutsakeni, hi kutirhisa hina minkama hinkwayu; xihangalasa hinkwaku kunun'hwela loku kunandzihaka ka kutiva Kriste.

Vaefesa 1:16

anitshikanga kukhensa hikolaho ka n'wina. Namiyanakanya mikhongelweni ya mina;

1 Vatesalonika 1:2

Hikhensa Xikwembu masiku hinkwawu hikolaho ka n'wina hinkwenu, na hili karhi hi mitsundzuka ka mikhongelo ya hina.

1 Vatesalonika 2:13

Kutani mhaka leyi yihisusumetaka kukhensa Xikwembu masiku hinkwawu, hi leyi: Loko himitisele rito ra Xikwembu, miriyingisile ni kuriyamukela, kungali kukota mahungu ya kuhuma ka vanhu, kambe tani hi mahungu ya kuhuma ka Xikwembu. Hakunene mahungu lawa mahuma ka xona, hikuva hi xona xitirhaka hi matimba xikarhi ka n'wina lavapfumeleke.

2 Vatesalonika 1:3

Svahifanela kukhensa Xikwembu masiku hinkwawu hikolaho ka n'wina, vamakwerhu. Hakunene svafanela svosvo, hikuva kupfumela ka n'wina kuya mahlweni kukula ngopfu, ni kurhandzana ka n'wina hinkwenu kuya kuyengeteleka.

2 Timotiya 1:3

Nikhensa Xikwembu, xona lexi nixitirhelaka hi ripfalu leribaseke kufana ni vakokwana, na ningatshiki kukukhongelela vusiku ni nhlekanhi.

Filemoni 1:4

Nikhensa ka Xikwembu xa mina, na nili karhi nikuyanakanya nkarhi hinkwawu mikhongelweni ya mina,