Varhoma 1:13 - Testamente Leyimpsha Xichangana

¹³ Nilava lesvaku mitiva mhaka leyi, vamakwerhu: Minkama leyinyingi, nibohile makungu ya kuta ka n'wina, kutaringeta kuhundzula vanhu vangali vangani va ka n'wina lesvaku vapfumela, kukotisa lesvi nisviyendleke matikweni man'wana; kambe kufika svosvi nisiveliwile hi svin'wana.

BIBELE Mahungu Lamanene

¹³ Ndzi lava leswaku mi tiva mhaka leyi, vamakwerhu: Ko tala, ndzi bohile makungu yo ta eka n'wina, ku ta ringeta ku hundzula vanhu va nga ri vangani va ka n'wina leswaku va pfumela, kukotisa leswi ndzi swi endleke ematikweni man'wana; kambe ku fikela sweswi ndzi siveriwile hi swin'wana.

Xitsonga (Bibele)

¹³ Kutani, vamakwerhu, a ndzi swi rhandzi loko mi nga swi tivi leswaku ndzi kanerile hakanyingi ku ta eka n'wina, ndzi ta kha mihandzu yin'wana exikarhi ka n'wina, kukota leswi ndzi swi endleke ematikweni man'wanyana; kambe ndzi hlulekile ku fika sweswi.

Varhoma 1:13 Referans Kwoze

Timhaka 19:21

Ndzhaku ka loko timhaka leti tihumelelile, Pawulo aboha makungu ya kuya Yerusalema, hi kutsundzuxiwa hi Moya, kuya Yerusalema atarhanga hi kuhundza hi le Makedoniya ni le Akaya; kutani aku: “Loko nitava nivile kona, nifanele kuyavona ni le Roma.”

Vafilipiya 4:17

Ahi lesvaku nilava kukuma tinyiko, kambe nilava lesvaku n'wina mikuma mihandzu leyi yingatayandza yimitwalisa.

2 Timotiya 4:17

Kambe Hosi yiyimile na mina yinitiyisa, lesvaku nikota kuchumayela Rito niheta, ni lesvaku vamatiko hinkwavu vatakota kuritwa. Nasvona niwutliwile non'weni wa nghonyama;

1 Vatesalonika 4:13

Vamakwerhu, nilava lesvaku mitiva ntiyiso hi tlhelo ra lava vayetleleke vurhongo bza rifu, mitakala mingavaviseki kukota van'wana lavangaliki ni kulangutela.

1 Vatesalonika 2:18

Hikolaho hinavelile kutlhelela ka n'wina. Mina Pawulo niringetile makhambi mambirhi, kambe Sathana ahisivelile.

2 Vakorinto 1:8

Vamakwerhu, hilava lesvaku mitiva kuxaniseka loku kuhihumeleleke tikweni ra Aziya. Hitshikeleliwile ngopfu svinene, kutlula matimba ya hina, kukondza hihela mbilu, hingahatshembi lesvaku hitahanya.

1 Vakorinto 12:1

Amhakeni ya tinyiko ta Moya, vamakwerhu, nilava lesvaku mitiva lesvinga svona.

1 Vakorinto 10:1

Vamakwerhu, nilava lesvaku mitwisisa lesvihumeleleke ka vatatana va hina: Hinkwavu avasirheleliwa hi refu, hinkwavu vapelile lwandle Leropshuka.

Vakolosa 1:6

leyifikeke ka n'wina kukota lesvi yifikeke matikweni hinkwawu; yikarhi yiveka mihandzu ni kukula, kukota lesvi yiyendlisaka xisvona ka n'wina, kusukela siku leri mitweke ni kutwisisa timpsalu ta Xikwembu hi ntiyiso wa tona.

Varhoma 11:25

Kutani vamakwerhu, kuyendlela lesvaku mingatitshuka mititiva ngopfu, nilava lesvaku mitiva xihundla lexi: Hi lesvaku, hi tlhelo rin'wana, Vaisrayele vanonon'hwisiwile, kukondza vamatiko vanghena hinkwavu ka Xikwembu.

Yohane 15:16

Ahi n'wina minihlawuleke; hi mina nimihlawuleke, kutani nimivekile lesvaku miya, miyaveka mihandzu, ni lesvaku mihandzu ya n'wina yiva kona masiku hinkwawu; kutani hinkwasvu lesvi mingatasvikombela ka Tatana hi vito ra mina, ataminyika svona.

Yohane 4:36

Lweyi atshovelaka akuma hakelo, kutani ahlengeleta timbewu atihlengeletela kukuma vutomi lebzingaheliki; lesvaku lweyi abzalaka ni lweyi atshovelaka vakota kutsaka svin'we.

2 Vatesalonika 2:7

Hakunene, kuhomboloka loku kutifihlaka ku le kutirheni ni svosvi; kambe lweyi akusivelaka kutikomba ataya mahlweni akusivela, kukondza asusiwa.

2 Vakorinto 2:14

Kambe akukhensiwe Xikwembu lexi ka Kriste xihiyisaka kutsakeni, hi kutirhisa hina minkama hinkwayu; xihangalasa hinkwaku kunun'hwela loku kunandzihaka ka kutiva Kriste.

1 Vakorinto 9:2

Hambi loko ka van'wana ningali mupostola, ka n'wina ni yena, hikuva mi xikombiso xa vupostola bza mina Hosini.

Timhaka 21:19

Pawulo avaxeweta, avarungulela hinkwasvu lesvi Xikwembu xisviyendleke xikarhi ka vamatiko hi kutirha ka yena.

Timhaka 15:12

Nhlengeletanu hinkwayu ayimiyelile, yiyingisa Barnaba na Pawulo loko varungula hilaha Xikwembu xivatirhiseke hakona kuyendla mahlori ni svihlamaliso lesvinyingi xikarhi ka vamatiko.

Timhaka 14:27

Akufikeni ka vona, vahlengeleta kereke, vavarungulela hinkwasvu lesvi Xikwembu xisviyendleke ha vona, ni hilaha xingapfulela vamatiko anyangwa yonghena kupfumeleni.

Yohane 12:24

Nitiyisisile nili ka n'wina: Loko ndzhoho ya vele yingaweli misaveni yifa, yitotshama yiritano; kambe loko yifa, yitachela ngopfu.

Timhaka 1:15

Hi masiku wolawo, Petrosi ayima nhlengeletanweni ya vamakwavu Hosini (lava nhlayo ya vona ayilava kuva dzana ni makume mambirhi (120) ), kutani aku:

Timhaka 28:14

Kona hikuma vamakwerhu lavakombelaka lesvaku hixwa masiku ya ntlhanu ni mambirhi na vona; kutani hi ndlela leyo hiyafika Roma.

Varhoma 1:12

kumbe ningaku: Ninavela lesvaku hitiyisana loko nili koseyo ka n'wina, hi kupfumela loku mina na n'wina hinga nakona.

Varhoma 7:1

Xana amisvitivi, vamakwerhu (nivulavula ni lavativaka nawu), lesvaku nawu wufuma munhu hi nkama lowu ahanyaka ke?

1 Vakorinto 1:10

Namikhongotela vamakwerhu, hi vito ra Hosi ya hina Yesu Kriste, nili: Twananani hinkwenu kuvulavuleni. Kungatshuki kuva ni kuhambana xikarhi ka n'wina, kambe mihlangana miva van'we kupimiseni ni le makungwini ya n'wina;

1 Vakorinto 14:20

Vamakwerhu, mingafaneni ni vatsongwana kuyanakanyeni ka n'wina. Loko kuli ka lesvobiha mifanele kufana ni svihlangi kambe miva lavakuleke kuyanakanyeni.

1 Vakorinto 14:26

Vamakwerhu, loko svili lesvo kungayendliwa yini? Loko mihlengeletana, mun'we angava ni Tipisalma, mun'wana angava ni jondzo, kumbe mhaka leyi akombisiweke yona hi Xikwembu, kumbe nyiko yovulavula hi ririmi leringativiwiki, kumbe nyiko yohlamusela lesvivulavuliweke; kambe hinkwasvu asvive lesviyakisaka nhlengeletanu.

Vagalatiya 3:15

Vamakwerhu, nitamifananisela hi lesvihumelelaka vanhwini siku rin'wana ni rin'wana: Loko ntwananu wutiyisiwile, hambi kuli xikarhi ka vanhu, aku na lweyi angawu helisaka, kumbe kuyengetela svin'wana ka wona.

Vagalatiya 6:18

Timpsalu ta Hosi ya hina Yesu Kriste ative ni mimoya ya n'wina vamakwerhu. Amen!

Vafilipiya 1:22

Loko svifanela lesvaku nihanya laha misaveni, ka mina svitanipfuna kutirha lesvivekaka mihandzu. Kambe lexi nifanelaka kuhlawula xona, anixitivi.

Vakolosa 1:10

hi ndlela leyi, mitahanya vutomi lebzi bzifanelaka Hosi, miyitsakisa timhakeni hinkwatu, miveka mihandzu hi kutirha mintirho leyinene ya tinxakaxaka, miya mikula hi tlhelo ra kutiva Xikwembu.