Varhoma 1:1 - Testamente Leyimpsha Xichangana

¹ Kutsala mina Pawulo, mutirhi wa Kriste Yesu, mupostola lweyi angahlawuliwa ni kuvitaneliwa Evhangeli ya Xikwembu.

BIBELE Mahungu Lamanene

¹ Ku tsala mina Pawulo, nandza wa Kriste Yesu, muapostola loyi a nga hlawuriwa ni ku vitaniwa leswaku a ta twarisa Evhangeli ya Xikwembu.

Xitsonga (Bibele)

¹ Mina Pawulo, nandza wa Yesu Kriste, ndzi nga vitaniwa ku va muapostola, ndzi hlawuriweke ku tivisa Evhangeli,

Varhoma 1:1 Referans Kwoze

Timhaka 9:15

Hosi yiku ka yena: “Yana, hikuva munhu lweyi i xitirho lexi ningatihlawulela xona kuyapaluxa vito ra mina ka vamatiko, ni ka tihosi, ni ka Vaisrayele;

Varhoma 15:16

kuva mutirhi wa Yesu Kriste xikarhi ka vamatiko. Mina, kufana ni Muprista, nivula Mahungu Lamanene ya Xikwembu lesvaku vamatiko vava mhamba leyiyamukelekaka ka xona, leyihlawulekisiweke hi Moya Lowokwetsima.

1 Vakorinto 1:1

Mina Pawulo lweyi avitaniweke hi kurhandza ka Xikwembu kuva mupostola wa Yesu Kriste, na Sostene makwerhu,

Vakolosa 1:1

Mina Pawulo, mupostola wa Kriste Yesu hi kurhandza ka Xikwembu, na Timotewu makwerhu,

Tito 1:1

Mina Pawulo, nandza wa Xikwembu ni mupostola wa Yesu Kriste, nirhumiwile kuseketela kupfumela ka vanhu lavahlawuliweke hi Xikwembu, ni kuvapfuna kutiva ntiyiso lowujondzisiwaka hi vukhongeli bza hina,

Varhoma 1:9

Xikwembu lexi nixitirhelaka moyeni wa mina hi kuvula Evhangeli ya N'wana wa xona, i mboni ya mina: Animirivali,

2 Vakorinto 1:1

Mina Pawulo, mupostola wa Kriste Yesu hi kurhandza ka Xikwembu, na Timotewu makwerhu, ka kereke ya Xikwembu leyinga Korinto, ni vakwetsimi va Xikwembu hinkwavu lavanga tikweni hinkwaru ra Akaya, hili:

1 Vakorinto 9:1

Xana anitshunxekanga ke? Xana ani mupostola ke? Anivonanga Yesu Hosi ya hina xana? Xana ahi n'wina mihandzu ya ntirho wa mina Hosini ke?

2 Timotiya 1:11

Mina nivekiwile kuva muchumayeli wa Rito ni mupostola ni mujondzisi hikolaho ka Evhangeli leyi.

1 Timotiya 1:1

Mina Pawulo, mupostola wa Kriste Yesu hi kulerisa ka Xikwembu Muponisi wa hina ni ka Kriste Yesu kulangutela ka hina,

Vagalatiya 1:1

Mina Pawulo ninga mupostola, kungali hi kuhlawuliwa hi vanhu kumbe kurhumiwa hi munhu, kambe hi kurhumiwa hi Yesu Kriste ni Xikwembu Tatana lweyi amupfuxeke xikarhi ka vafi,

1 Timotiya 2:7

Kutani, hi svona lesvingayendla lesvaku nivekiwa kuva muchumayeli wa Rito ni mupostola (nivula lesvi svitiyeke, anihembi), nijondzisa vamatiko ta kupfumela ni ta ntiyiso.

1 Vatesalonika 2:2

Hambi loko hirhange hi xanisiwa ni kurhuketeliwa le Filipi, hilaha misvitivaka hakona, Xikwembu xa hina xihinyikile matimba ya kumitivisa Evhangeli leyihumaka ka xona, hambilesvi lavotala avali karhi valwa na yona.

Varhoma 1:5

Ha yena, hinyikiwile nkateko wa kuva vapostola vitweni ra yena, lesvaku vanhu va matiko hinkwawu vapfumela, vatlhela vayingisa;

Vafilipiya 1:1

Mina Pawulo, nandza wa Kriste Yesu, na Timotewu nandzakulorhi, hitsalela vakwetsimi va Xikwembu hinkwavu lavatshamaka Filipi, lavanga va ka Yesu Kriste, svin'we ni vabixopo va kereke ni vadiyakoni, hili:

Nhlavutelo 1:1

Loku i kuhlavutela ka Yesu Kriste, loku Xikwembu ximunyikeke kona, lesvaku atakomba malandza ya yena svilo lesvi svifanelaka kuhumelela kungali khale. Kriste asvitivisile hi kurhumela ntsumi ya yena ka Yohani nandza wakwe.

Yuda 1:1

Mina Yuda, nandza wa Yesu Kriste ni makwavu wa Yakobe, nitsalela lava Xikwembu Tatana xivavitaneke, lavahanyaka rirhandzwini ra xona, na vali karhi vahlayisiwa hi Yesu Kriste, nili:

2 Petro 1:1

Mina Simoni Petrosi, nandza ni mupostola wa Yesu Kriste, nitsalela lavanyikiweke kupfumela loku hi risima leriringanaka ni kupfumela ka hina, hi kululama ka lweyi anga Xikwembu ni muponisi wa hina Yesu Kriste, nili:

Yakobo 1:1

Mina Yakobe, nandza wa Xikwembu ni wa Hosi Yesu Kriste, nitsalela khume ra tinxaka ni timbirhi, vanga vakriste lavahangalakeke matikweni hinkwawu, nili: Xeweni!

Vaheveru 5:4

Nasvona, munhu angatihlawuleli ntirho lowu wo dzuneka, kambe avitaniwa hi Xikwembu, kukota lesvi svingayendliwa ka Aroni.

Vafilipiya 2:11

ni tindzimi hinkwatu tivula lesvaku Yesu Kriste i Hosi, akudzuniseni ka Xikwembu Tatana.

Vaefesa 4:11

Nasvona, hi yena “lweyi anyikeke vanhu tinyiko”, van'we kuva vapostola, van'wana kuva vaprofeta, van'wana kuva vavuli va Evhangeli, van'wana kuva vafundhisi ni vajondzisi.

Vaefesa 1:13

Asvili tano na n'wina vamatiko, loko mitwile Rito ra ntiyiso, anga Evhangeli ya kuponisiwa ka n'wina: Mipfumelile ka Kriste, kutani Xikwembu ximifungile hi Moya Lowokwetsima lowu axitshembisile kuminyika wona.

2 Vakorinto 12:11

Nitidzunisile, nive xiphukuphuku! Hi n'wina minisindziseke, kasi amitava mifanele kunidzunisa, hikuva hambi loko ningali nchumu, avanitlulanga ha nchumu, volavo vange i “vapostola lavakulu”.

2 Vakorinto 11:5

Niringanisa lesvaku ani lweyi ntsongo ka lava vangavona “vapostola lavakulu”.

2 Vakorinto 4:5

Hina ahititwalisi, kambe hitwalisa Yesu Kriste, hiku: I Hosi! Kutani hina hitihlaya malandza ya n'wina hikolaho ka Yesu.

Varhoma 1:16

Mhaka hi lesvaku a ni na tingana hi Evhangeli, hikuva i matimba ya Xikwembu yoponisa hinkwavu lavapfumelaka, kusukela ka Vayuda, kuyafika ka vamatiko.

Timhaka 22:21

Hi loko Hosi yiku ka mina: ‘Famba, hikuva nitakurhuma kule, ka vamatiko.’”

Timhaka 22:7

Niwela hansi, kutani nitwa rito leringe ka mina: ‘Sawulo, Sawulo, unixanisela yini?’

Timhaka 20:24

Hambi svilitano, nivona lesvaku kulahlekeliwa hi vutomi, asvi na mhaka nikutsongo ka mina, loko ningakota ntsena kuheta lesvi ningarhumiwa kuyendla svona, ni ntirho lowu niwuyamukeleke ka Hosi Yesu, wa kuvula Evhangeli ya timpsalu ta Xikwembu.

Nhlavutelo 22:9

Kambe yiku ka mina: “Ungatshuki uyendla svosvo! Mina ni nandza ntsena, kukota wena ni vamakwenu, vanga vaprofeta ni hinkwavu lavahlayisaka marito ya buku leyi. Gandzela Xikwembu!”

Vakolosa 1:25

Niyendliwile mutirhi wa Kereke hi makungu ya Xikwembu lexinganinyika ntirho lowu hikolaho ka n'wina. Ntirho wakona i kujondzisa Rito ra Xikwembu,

Vaefesa 1:1

Mina Pawulo, mupostola wa Kriste Yesu hi kurhandza ka Xikwembu, nitsalela vakwetsimi va Xikwembu [lavanga le Efesa], lavatshembekaka ka Yesu Kriste, nili:

Varhoma 16:25

Ka yena lweyi akotaka kumitiyisa, hi kuya hi Evhangeli leyi niyijondzisaka, manga mahungu ya Yesu Kriste, nasvona hi kuya hi xihundla lexingahlavuteliwa, xinga xihundla lexi axifihlekile hi malembe ni malembe,

Varhoma 16:18

hikuva lavotano avatirheli Hosi ya hina Kriste, kambe vatirhela kunavela ka vona ntsena; hi kunandzihisa marito ni kusasekisa mavulavulela, vahambukisa kuyehleketa ka lava vangativiki nchumu.

Varhoma 15:29

Nasvitiva lesvaku, loko nifika ka n'wina, nitamitisela minkateko hinkwayu ya Kriste.

Varhoma 11:13

Kutani svosvi nivulavula na n'wina vamatiko, nili: Loko nahali mupostola wa vamatiko, nitadzunisa ntirho wa mina

Timhaka 27:23

Ntsumi ya Xikwembu lexi ninga nandza wa xona, lexi nixigandzelaka, yitikombisile ka mina vusikwini lebzi,

Timhaka 26:1

Kutani Agripa aku ka Pawulo: “Hakupfumelela kuvulavula, uhibzela ta wena hi wexe.” Hi loko Pawulo atlakusa voko, atihlamulela, aku:

Timhaka 13:9

Kambe Sawulo, anga yena Pawulo, atala hi Moya Wokwetsima, kutani ahonokela mungoma lweyi, aku:

Yohane 15:15

Anahamivuli malandza, hikuva nandza angativi lexi n'winyi wa yena axiyendlaka; kambe nimivulile vanghanu, hikuva nimitivisile hinkwasvu lesvi nisvitweke ka Tatana wa mina.

Yohane 12:26

Loko munhu anitirhela, aanilandze, kutani laha ninga kona, na yena nandza wa mina atava kona. Loko munhu anitirhela, Tatana atamukomba malwandla.

Nhlavutelo 22:6

Kutani ntsumi yiku ka mina: “Marito lawa matshembeka, ma ni ntiyiso. Hosi Xikwembu, xona lexinyikaka vaprofeta Moya wa xona, xirhumele ntsumi ya xona kukomba malandza ya xona svilo lesvi svifanelaka kuhumelela kungali khale.”

Vaheveru 7:26

Asvifanela lesvaku hiva ni Muprista lwenkulu wotanu, wokwetsima, wopfumala nandzu, wokala xivati, wohambana ni vajohi, lweyi atlakusiweke henhla ka matilo.

Timhaka 26:14

Hi wela hansi hinkwerhu; kutani nitwa rito leringe ka mina hi ririmi ra Xiheberu: ‘Sawulo, Sawulo, unixanisela yini? Svanonon'hwa ka wena kukhadlanya xisungunhu.’

Timhaka 21:40

Ndhuna yimupfumelela, kutani Pawulo ayima svikadeni, akwehleta vanhu hi voko. Kuteloko vamiyelile vaku ntse, avulavula na vona hi ririmi ra Xiheberu, aku:

Yohane 15:20

Tsundzukani lesvi nimibzeleke svona, loko nite: ‘Nandza ahinkulu ka n'winyi wa yena.’ Loko vanixanisile, na n'wina vatamixanisa; loko vahlayisile rito ra mina, ni ra n'wina vatarihlayisa.

Marka 1:14

Ndzhaku ka loko Yohani anghenisiwile jele, Yesu aya Galileya, apaluxa Evhangeli ya Xikwembu, aku:

2 Vakorinto 2:12

Loko nifikile Trowasi kuchumayela kona Evhangeli ya Kriste, yena anipfulelile nyangwa wotirha ntirho wa yena.

2 Vakorinto 11:7

Xana akuli kujoha ke, loko nititsongahatile lesvaku n'wina mitlakusiwa, ni loko nitwalisile Evhangeli ya Xikwembu ka n'wina, na ningakombelanga hakelo ke?

1 Vatesalonika 2:8

Hikolaho, hi kunavela ngopfu kumikomba rirhandzu, hitilungiselile kuhlengela na n'wina kungali ntsena Evhangeli ya Xikwembu, kambe nabzona vutomi bza hina, hikuva mihundzukile varhandziwa va hina hi kutlulisa.

1 Vatesalonika 2:9

Vamakwerhu, matsundzuka kutikarhata ni kukarhateka ka hina ntirhweni lowu: Hitirhile vusiku ni nhlekanhi lesvaku hingatikiseli na mun'we wa n'wina, loko hili karhi himipaluxela Evhangeli ya Xikwembu.

1 Petro 4:17

Hikuva nkama wufikile wa kuyavanyisiwa lokungatasungula hi va yindlo ya Xikwembu. Kutani, loko kusungula hi hina, xana makumu ya lavangayingisiki Evhangeli ya Xikwembu matava lawa yoyini ke?