Vaheveru 9:26 - Testamente Leyimpsha Xichangana

²⁶ Hikuva loko svilitano, Kriste aatava afanela kutwisiwa kuvaviseka hi kuphindhaphindha, kusukela loko misava yitumbulukile. Kasi, hilaha svingahakona, ahumelele kan'we ntsena svihela kolaho, svosvi kungafika minkarhi ya makumu, ayendlela kususa xijoho hi kutinyiketa ka yena ava mhamba.

BIBELE Mahungu Lamanene

²⁶ Hikuva loko swi ri tano, Kriste a a ta va a fanele ku twisiwa ku vaviseka kambe na kambe, ku sukela loko misava yi tumbuluka. Kasi, hilaha swi nga hakona, ú humelele kan'we swi hela kwalaho, sweswi ku nga fika minkarhi ya makumu, a endlela ku susa xidyoho hi ku tinyiketa ka yena a va mhamba.

Xitsonga (Bibele)

²⁶ hikuva loko a swi nga ri tano, a a fanele ku twa ku vaviseka kanyingi, ka hari mpfhuka misava yi tumbuluka; kambe sweswi, kuteloko mikarhi yi hetisekile, u humelele kan'we ku herisa ku dyoha hi ku tiendla gandzelo.

Vaheveru 9:26 Referans Kwoze

1 Petro 1:20

Lweyi angativiwa hi Xikwembu, na misava yingasitumbuluka, akombisiwa hikolaho ka n'wina, minkameni leyi ya makumu.

Vaheveru 9:12

Anghenile kan'we ntsena ndhawini yokwetsimisisa svinene ngopfu, kutani angatekanga ngati ya timbuti ni ya marhole kuyagandzela ha yona, kambe agandzelile hi ngati ya yena, akuva ha yona kuva ni kukutsula hilaha kungaheliki.

Matewu 25:34

Hilaha Hosi yingatabzela lavanga vokweni ra yona ra xinene yiku: “‘Tanani n'wina lavakatekisiweke hi Tatana wa mina, yamukelani Mfumu lowungalungiseliwa n'wina hi mpfhuka misava yitumbuluka;

1 Petro 3:18

Kriste na yena afele svijoho kan'we, afela n'wina; yena munhu lowolulama afele lavangalulamangiki, lesvaku atamifikisa ka Xikwembu; adlayiwile hi tlhelo ra miri, kambe ayendliwile lweyi ahanyaka hi tlhelo ra moya.

Vaheveru 1:2

Kambe masikwini lawa yohetelela, xivulavulile na hina hi N'wana, lweyi ximuvekeke kuva maja ndzhaka wa svilo hinkwasvu, lweyi na svona xitumbuluxeke tilo ni misava ha yena.

Vaheveru 10:4

Hikuva svingakala svingayendleki lesvaku ngati ya maduna ni ya sviphongo yisusa svijoho.

Vaheveru 7:27

Ahambanile ni Vaprista lavakulu lavaya. Angaboheki kurhanga atihumesela timhamba toriha svijoho sva yena masiku hinkwawu na angasihumesela vanhu van'wana timhamba toriha svijoho sva vona. Ahihim! Lesvi, asviyendlile kan'we loko atinyiketile hi yexe.

1 Yohane 3:5

Kambe masvitiva lesvaku yena atikombisile lesvaku asusa svijoho, nasvona ka yena aku na kujoha.

Vaheveru 10:12

Kasi Kriste ahumesile kan'we mhamba yin'we yosusa svijoho, kutani atshame vokweni ra xinene ra Xikwembu.

Vaheveru 10:10

Kutani, lesvi ayendleke kurhandza loku ka Xikwembu, hina hiyendliwile lavahlawulekeke hi miri wa Yesu Kriste, lowu awunyiketeke kuva mhamba kan'we ntsena sviva svihela kolaho.

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.

1 Petro 2:24

Yena hi yexe, arhwele svijoho sva hina mirini wa yena le xihambanwini, lesvaku na hina hifa hi tlhelo ra kujoha, hihanyela kululama. Miholisiwile hi svilondza sva yena.

Nhlavutelo 17:8

Xivandzana lexi uxivoneke, axili kona, kutani axahali kona, kambe xitafanela kutlhantuka xihuma hi le kheleni leroyenta svinene rokala makumu, xiya kuloveni. Kutani vayaki va laha misaveni, lava mavito ya vona makalaka mangatsaliwanga bukwini ya vutomi khale, na misava yingasitumbuluka, vatahlamala kuvona xivandzana, hikuva axili kona, kutani axahali kona, kambe xitafanela kutlhela xiva kona.

Vaheveru 4:3

Hina lava hipfumeleke, hi hina hinghenaka kuwiseni koloko, hilaha Xikwembu xingate: “Nihlambanyile kuhlundzukeni ka mina niku: ‘Vangakala vangangheni kuwiseni ka mina!’” Xivulile svosvo hambilesvi mintirho ya xona ayihetisekile hi mpfhuka misava yitumbuluxiwa.

Tito 2:14

Hi yena lweyi atinyiketeke hikolaho ka hina, lesvaku ahikutsula kuhombolokeni hinkwaku, ahiyendla vanhu lavatengeke, lava vanga va yena ntsena, ni lava vachivirikelaka kuyendla lesvinene.

Vaefesa 5:2

Hanyani hi moya wa rirhandzu, tani hi Kriste lweyi ahirhandzeke ni kutinyiketa hikolaho ka hina ahumesela Xikwembu nyiko ni mhamba ya risima, leyi yixitsakisaka.

Vaefesa 1:10

loku axilava kukuyisa mahlweni, minkama yakona yikondza yihetiseka. Kurhandza ka xona i kuhlanganisa svivumbiwa hinkwasvu, sva le matilweni ni sva laha misaveni, nhloko ya svona ava Kriste.

1 Vakorinto 10:11

Svilo lesvi svivahumelelile lesvaku sviva xitsundzuxu; nasvona svitsaliwile lesvaku na hina hitsundzuxiwa hi svona, hina lava hinga minkarhini ya makumu.

Nhlavutelo 13:8

Kutani vayaki hinkwavu va laha misaveni vataxigandzela; vanga lava mavito ya vona mangatsaliwangiki ka Buku ya Xinyempfana lexi xingadlawa kusukela kutumbulukeni ka matilo ni misava.

Vaheveru 10:26

Loko hiya mahlweni hijoha ha vomu ndzhaku ka loko hinyikiwile kutiva ntiyiso, akahali na mhamba yin'wana yosusa svijoho,

Vagalatiya 4:1

Lesvi ni svihlayaka hi lesvi: Loko, maja ndzhaka ahali xihlangi, angatluli xikarawa, hambilesvi anga yena n'winyi wa ndzhaka hinkwayu;

Yohane 17:24

Tatana, nilava lesvaku hinkwavu lava uninyikeke vona, vava na mina laha ninga kona; vatahamba vahlalela kukwetsima ka mina loku uninyikeke kona, hikuva unirhandzile misava yingasitumbuluxiwa.

Yohane 1:29

Amundzuku wakona Yohani avona Yesu na ali karhi ata, amukongomile, kutani aku; hi lexi Xinyempfana xa Xikwembu lexisusaka svijoho sva misava!

Matewu 13:39

Nala lweyi abzaleke mfava i Diyavulosi; kutshovela i kuhela ka misava, vatshoveli vona i tintsumi.

Matewu 13:40

Kukotisa loko mfava wutsuvuliwile, wuya hisiwa ndzilweni, svitava tano akuheleni ka misava.

1 Petro 4:7

Kuhela ka svilo hinkwasvu kule kusuhi. Hikolaho, tlharihani mitikhoma, mitakota kukhongela.

1 Yohane 3:8

Lweyi ajohaka i wa Diyavulosi, hikuva Diyavulosi i mujohi kusukela kusunguleni. Hi svolesvi sviyendleke lesvaku N'wana wa Xikwembu atikombisa lesvaku mitshunxiwa ka mintirho ya Diyavulosi.