Vaheveru 9:25 - Testamente Leyimpsha Xichangana

²⁵ Nasvona, anganghenanga kona kutatinyiketa hi kuphindhaphindha ava mhamba, kukota Muprista lwenkulu loko anghena ndhawini leyokwetsima svinene ngopfu lembe rin'wana ni rin'wana, na ali ni ngati leyi yingaliki ya yena ya xiviri.

BIBELE Mahungu Lamanene

²⁵ Naswona, a nga nghenanga kona ku ta tinyiketa kambe na kambe a va mhamba, kukota Muprista Lonkulu loko a nghena exivandleni lexi hlawulekeke lembe ni lembe, a ri ni ngati leyi yi nga riki ya yena.

Xitsonga (Bibele)

²⁵ swi nga ri leswaku a tiendla kangani mhamba kukotisa muprista lonkulu, loko a nghena evukwetsimelweni hi lembe rin'wana ni rin'wana, a tamele ngati leyi nga riki ya yena,

Vaheveru 9:25 Referans Kwoze

Vaheveru 9:12

Anghenile kan'we ntsena ndhawini yokwetsimisisa svinene ngopfu, kutani angatekanga ngati ya timbuti ni ya marhole kuyagandzela ha yona, kambe agandzelile hi ngati ya yena, akuva ha yona kuva ni kukutsula hilaha kungaheliki.

Vaheveru 9:7

Kasi ka xilawu xa vumbirhi xa le mpfungwe, kunghena ntsena Muprista lwenkulu, anghena kan'we ntsena hi lembe, na ali ni ngati leyi atihumeselaka timhamba ta yena, ni kuhumesa hikolaho ka svijoho lesvi tiko risviyendleke kungali ha vomu.

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.

Vaheveru 10:19

Kutani-ke, vamakwerhu, lesvi hinga ni kutshemba lokutiyeke kunghena xivandleni xohlawuleka hikolaho ka ngati ya Yesu,

Vaheveru 9:26

Hikuva loko svilitano, Kriste aatava afanela kutwisiwa kuvaviseka hi kuphindhaphindha, kusukela loko misava yitumbulukile. Kasi, hilaha svingahakona, ahumelele kan'we ntsena svihela kolaho, svosvi kungafika minkarhi ya makumu, ayendlela kususa xijoho hi kutinyiketa ka yena ava mhamba.

Vaheveru 10:10

Kutani, lesvi ayendleke kurhandza loku ka Xikwembu, hina hiyendliwile lavahlawulekeke hi miri wa Yesu Kriste, lowu awunyiketeke kuva mhamba kan'we ntsena sviva svihela kolaho.

Vaheveru 9:2

Hikuva akulungisiwile tabernakele, laha axilawu xorhanga axili ni xitlhoma tivoni, ni meza ni svinkwa svohumesela Xikwembu; akuvitaniwa “Ndhawu yoHlawuleka”.