Vaheveru 9:15 - Testamente Leyimpsha Xichangana

¹⁵ Hikolaho, hi yena muyimeli wa papela lerimpsha ra ndzhaka, lesvaku lavavitaniweke, vatakota kuyamukela ndzhaka leyingaheliki leyi vatshembisiweke yona; hikuva kuhumelele rifu leri rivakutsulaka minandzweni leyi avali na yona, hansi ka ntwananu loworhanga.

BIBELE Mahungu Lamanene

¹⁵ Hikokwalaho, hi yena muyimeri wa papila lerintshwa ra ndzhaka, leswaku lava vitaniweke, va ta kota ku amukela ndzhaka leyi nga heriki leyi va tshembisiweke yona; hikuva ku humelele rifu leri ri va kutsulaka emilandzwini leyi a va ri na yona, ehansi ka papila lero rhanga.

Xitsonga (Bibele)

¹⁵ Hikwalaho Kriste mulamuri wa ntwanano lowuntshwa, leswaku rifu ra yena, kuteloko ri humelele ku ta kutsula lava tluleke nawu hi nkarhi wa ntwanano lowo sungula, lava vitaniweke va nyikiwa ndzhaka leyi nga heriki, leyi va yi tshembisiweke.

Vaheveru 9:15 Referans Kwoze

Varhoma 8:30

Kutani lava xingalulamisa ta vona khale, xitlhele xivavitana; ni lava xivavitaneke, xitlhele xivayendla vava lavalulameke; ni lava xingavayendla lavalulameke, xitlhele xivakwetsimisa.

Varhoma 8:28

Nakona hitiva lesvaku, svilo hinkwasvu svihlengela kun'we kutiyisa, lesvinene ka lava vaxirhandzaka, vanga lava xivavitaneke, hi kuya hi sviboho sva makungu ya xona.

Vaheveru 9:12

Anghenile kan'we ntsena ndhawini yokwetsimisisa svinene ngopfu, kutani angatekanga ngati ya timbuti ni ya marhole kuyagandzela ha yona, kambe agandzelile hi ngati ya yena, akuva ha yona kuva ni kukutsula hilaha kungaheliki.

Vaheveru 10:36

Svafanela lesvaku mitiyisela, akuva mitakota kuyendla kurhandza ka Xikwembu, mitayamukela lesvi xingamitshembisa svona.

1 Timotiya 2:5

Hikuva ku ni Xikwembu xin'we, nasvona ku ni Muyimeli mun'we lweyi ahlanganisaka Xikwembu ni vanhu, yena Kriste Yesu munhu wa ntiyiso,

Vaheveru 12:24

mitile ka Yesu, muyimeli wa ntwananu lowumpsha, ni le ngatini leyin'watsekiweke, leyivulavulaka lesvikulu kutlula ngati ya Abele.

Vaheveru 7:22

Lesvi sviyendla lesvaku Yesu ava mutiyisi wa ntwananu wa risima.

1 Petro 3:18

Kriste na yena afele svijoho kan'we, afela n'wina; yena munhu lowolulama afele lavangalulamangiki, lesvaku atamifikisa ka Xikwembu; adlayiwile hi tlhelo ra miri, kambe ayendliwile lweyi ahanyaka hi tlhelo ra moya.

Vaheveru 13:20

Svosvi-ke, Xikwembu xa kurhula lexipfuxeke Hosi ya hina Yesu xikarhi ka vafi, yena lweyi anga Murisi Lwenkulu wa tinyempfu, lweyi angafunga ntwananu lowungaheliki hi ngati ya yena,

Varhoma 5:6

Loko hahali ni gome, Kriste afele lavohomboloka, hi nkama lowuvekiweke hi Xikwembu.

Vaheveru 9:28

svafana na Kriste: Anyiketiwile kan'we kurhwala svijoho sva lavotala; hi kolaho, atahumelela ka vumbirhi, kungali kutasusa svijoho, kambe kutaponisa lava vamulanguteleke hi kuhiteka.

Vaheveru 6:13

Loko Xikwembu xitshembisile Abrahamu, lesvi akuli hava mun'wana lweyi anga mukulukumba ka xona lweyi axitahlambanya hi vito ra yena, xiyo tihlambanyela hi xoxe,

Vaheveru 3:1

Loko svilitano, vamakwerhu lavakwetsimaka, lava na n'wina miyaveliwaka kuvitaniwa ka le tilweni, yanakanyani Yesu, murhumiwa wa Xikwembu ni Muprista lwenkulu wa vukhongeli bza hina.

Vaheveru 2:14

Hikolaho, lesvi vana vanga va nyama ni ngati yin'we hinkwavu, svitano na yena: I wa ntumbuluku mun'we na vona lesvaku, hi rifu ra yena, atakota kuhelisa lweyi anga ni matimba ya rifu, anga yena Diyavulosi,

Nhlavutelo 5:9

Vayimbelela risimu lerimpsha vaku: “Afanekeliwa hi kuteka buku ni kupfula mimfungu ya yona, hikuva aadlayiwile, kutani hi ngati ya yena, axavile vanhu avaxavela Xikwembu, vahuma tinxakeni hinkwatu, na vali va tindzimi hinkwatu ni svib'ongo hinkwasvu ni va matiko hinkwawu.”

Vaheveru 8:13

Loko Xikwembu xivulavula hi “ntwananu lowumpsha”, xiteka lowosungula wuva lowungahatirhiki; kutani lesvi svingahatirhiki, lesvihlakalaka, svi le kusuhi ni kunyamalala.

Tito 3:7

lesvaku, hi timpsalu ta xona, hitayendliwa lavalulameke mahlweni ka xona, ni kuyamukela ndzhaka ya vutomi lebzingaheliki, lebzi hibzilangutelaka.

Tito 1:2

bzinga lebziyakiweke henhla ka kulangutela vutomi lebzingaheliki. Xikwembu lexingaliki na kuhemba xihitshembisile vutomi lebzi, na minkarhi yingasiva kona;

2 Timotiya 2:10

kutani, timhakeni hinkwatu, nitiyisela hikolaho ka vahlawuliwa va Xikwembu, lesvaku na vona vatakuma kuponisiwa loku kuhumaka ka Kriste Yesu, vakuma ni kukwetsima lokungaheliki.

Yohane 10:28

Kutani nitinyika vutomi lebzingaheliki; tingakala tingalovi, nasvona aku na munhu lweyi angatativutla vokweni ra mina.

Matewu 19:29

Kutani mani na mani lweyi atshikeke tiyindlo ta yena, kumbe vamakwavu vaxinuna ni vaxisati, kumbe tatana wa yena, kumbe mamana wa yena, kumbe nsati, kumbe vana, kumbe masimu, hikolaho ka vito ra mina, atanyikiwa svona ka dzana (100), atlhela aja ndzhaka ya vutomi lebzingaheliki.

1 Yohane 2:25

Lexi i xitshembiso lexi angahitshembisa xona; anga vutomi lebzingaheliki.

1 Petro 5:10

Kutani ndzhaku ka loko mitava mixanisiwile nkamanyana. Xikwembu xa timpsalu hinkwatu lexi ximivitaneke kunghena kukwetsimeni ka xona lokungaheliki, ka Kriste, xona hi xoxe xitamipfuxa, ximiyaka ni kumitiyisa, mingatsekatseki.

Yakobo 1:12

Kukatekile munhu lweyi atiyiselaka kuringiweni, hikuva loko ahlulile miringo, atanyikiwa hari ya vutomi leyi Xikwembu xiyitshembiseke lava vaxirhandzaka.

Vaheveru 11:13

Vanhu lava hinkwavu vafele kupfumeleni, na vangakumanga lesvi avatshembisiwile svona, kambe vasvivonile ni kusvitsakela hi le kule, na vali karhi vativula valuveli ni vayendzi misaveni.

2 Vatesalonika 2:14

Xikwembu ximivitanele svona hi Evhangeli leyi himitiviseke yona, lesvaku miyaveliwa kukwetsima ka Hosi ya hina Yesu Kriste.

Varhoma 6:23

Hikuva hakelo ra xijoho i rifu, kambe nyiko leyinyikiwaka ntsena, leyihumaka ka Xikwembu, i vutomi lebzingaheliki, ha Yesu Kriste Hosi ya hina.

Vaheveru 9:16

Laha kunga ni ntwananu wa ndzhaka, svifanela kukombisiwa svinene lesvaku mutsali wa wona afile.

2 Vakorinto 3:6

Hi xona lexi xihinyikeke hinkwasvu lesvi ahisvipfumala, loko xihiyendlile malandza ya ntwananu lowumpsha, lowunga wa Moya, wungali wa milawu ya kutsaliwa; hikuva milawu ya kutsaliwa yadlaya, kambe Moya wona wahanyisa.

Varhoma 9:24

Svibza lesvi, hi hina lava xihivitaneke, hina hihumaka kungali xikarhi ka Vayuda ntsena, kambe ni le xikarhi ka vamatiko.

Varhoma 5:10

Loko hahali valala ka Xikwembu, hiyendliwile lavavuyelelaneke na xona hi kufa ka N'wana wa xona; kutani, lesvi hingavuyelelana na xona, ngopfungopfu hitaponisiwa hi mhaka ya vutomi bza Kriste.

Varhoma 5:8

Kambe Xikwembu xikombisa rivaleni rirhandzu ra xona ka hina, hi lesvi Kriste angahifela loko hahali vajohi.

Luka 18:18

Kutani yin'wana ya tindhuna yimuvutisa, yiku: “Mujondzisi lwenene, xana ningayendla yini kukuma vutomi lebzingaheliki ke?”

Marka 10:17

Kuteloko Yesu ahumile ni kukhoma ndlela, munhu mun'wana ata ka yena hi kutsutsuma, afika awa, akhinsama mahlweni ka yena, amuvutisa aku: “Mujondzisi lwenene, ningayendla yini lesvaku nitaja rifuwo ra vutomi lebzingaheliki?”

Matewu 25:36

anipfumala svoyambala, miniyambexile; anivabza, minipfuxelile; anili jele, mitile mitanipfuxela.’”

Matewu 25:34

Hilaha Hosi yingatabzela lavanga vokweni ra yona ra xinene yiku: “‘Tanani n'wina lavakatekisiweke hi Tatana wa mina, yamukelani Mfumu lowungalungiseliwa n'wina hi mpfhuka misava yitumbuluka;

Vaefesa 1:7

Hikuva, hi kufa ka Kriste, haponisiwa, hirivaleliwa svijoho sva hina. Timpsalu ta Xikwembu i tikulu ngopfu,

Matewu 22:3

Yirhuma svitirhi sva yona kuyavitana lavangarhambiwa nkhubzeni, kambe vona vayala kuta.

Luka 22:20

Hi mukhuva wolowo, ateka ndzheko loko valalelile, aku: “Ndzheko lowu i ntwananu lowumpsha ngatini ya mina, leyihalatiwaka hikolaho ka n'wina.]

Timhaka 20:32

“Kutani na minyiketa svosvi ka Xikwembu, ni ka rito ra timpsalu ta xona, lerikotaka kumiyakisa ni kuminyika rifuwo xikarhi ka hinkwavu lava xitihlawuleleke vona.

Vagalatiya 3:20

Loko kuli ni muhlanganisi, svihlaya lesvaku munhu ahi mun'we mhakeni, kasi Xikwembu xona i xin'we.

Vaheveru 6:15

Hi ndlela yoleyo Abrahamu, hi kulehisa mbilu, akumile lesvi atshembisiweke svona.

Vaheveru 10:34

Mikombile timpsalu ka lava vapfaleliweke jele; nasvona misvitekile hi moya wa kutsaka loko svilo sva n'wina sviphangiwa, hikuva amitiva lesvaku mi ni rifuwo leritlulaka svosvo, leringatava kona hilaha kungaheliki.