Vaheveru 8:2 - Testamente Leyimpsha Xichangana

² lweyi atirhaka tempeleni leyokwetsima ni le tabernakeleni ya xiviri, leyi yimisiweke kungali hi munhu kambe hi Hosi.

BIBELE Mahungu Lamanene

² la tirhaka exivandleni lexi hlawulekeke ni le Ntsongeni wa xiviri, lowu yimisiweke ku nga ri hi munhu kambe hi Hosi.

Xitsonga (Bibele)

² a nga mutirheri wa vukwetsimelo ni wa tabernakela ya xiviri, leyi yimisiweke hi Hosi ku nga ri hi munhu.

Vaheveru 8:2 Referans Kwoze

2 Vakorinto 5:1

Hasvitiva lesvaku, loko ntsonga lowu hinga ka wona, wunga miri wa hina wa la misaveni, wuhahluka, hi ni yindlo leyi Xikwembu xihilungiseleke yona, yinga yindlo leyingayakiwangiki hi mavoko, leyingahahlukiki, ya le matilweni.

Varhoma 15:8

Hikuva namibzela lesvaku Kriste ave mutirhi ka Vayuda, kukombisa kutshembeka ka Xikwembu, ni kuyendla lesvaku svitshembiso lesvinganyikiwa vakokwana svihetiseka,

Vaheveru 11:10

Mhaka hi lesvaku aalangutela doropa leringa ni masungulu lamanene, leri muyaki ni muyendli wa rona xinga Xikwembu.

Vaheveru 10:21

na svona, lesvi hinga ni Muprista wa matimba lweyi afumaka yindlo ya Xikwembu,

Vakolosa 2:11

Ka yena miyimbisiwile, kungali hi mavoko ya vanhu, kambe hi kuyimbisiwa ka Kriste, loku kuhitshunxaka ka miri lowu wa vujohi.

Luka 24:44

Kutani aku ka vona: “Hi tona timhaka leti ningamitivisa tona, loko nahali na n'wina, loko nite: ‘Hinkwasvu lesvitsaliweke mayelanu na mina Nawini wa Moxe ni ka Vaprofeta, ni ka Tipisalma, svifanela kuhetiseka.’”

Vaheveru 9:1

Svosvi-ke, hambi wuli ntwananu lowu wa kusungula awuli ni milawu ya magandzelela ni Tempele yokwetsima leyi yiyakiweke misaveni.

Vaheveru 10:11

Nasvona, Muprista mun'wana ni mun'wana ayima atirha ntirho wa yena masiku hinkwawu, ahumesa hi kuphindhaphindha timhamba tofana, letingakotiki kususa svijoho ni siku ni rin'we.

Nhlavutelo 21:3

Nitwa ni rito lerikulu lerihumaka Xitshan'weni xa Vuhosi riku: “Vonani, tabernakele ya Xikwembu ni vanhu va xona, hikuva, xitayaka ka vona. Kutani vatava vanhu va xona; Xikwembu hi xoxe xitatshama na vona, xiva Xikwembu xa vona.