Vaheveru 7:27 - Testamente Leyimpsha Xichangana

²⁷ Ahambanile ni Vaprista lavakulu lavaya. Angaboheki kurhanga atihumesela timhamba toriha svijoho sva yena masiku hinkwawu na angasihumesela vanhu van'wana timhamba toriha svijoho sva vona. Ahihim! Lesvi, asviyendlile kan'we loko atinyiketile hi yexe.

BIBELE Mahungu Lamanene

²⁷ Ú hambanile ni vaprista lavakulu lavaya: A nga boheki ku rhanga a tihumesela, masiku hinkwawo, magandzelo yo riha swidyoho swa yena, a nga si humesela vanhu van'wana emagandzelo yo riha swidyoho swa vona. E-e! Leswi, ú swi endlile kan'we loko a tinyiketile hi yexe.

Xitsonga (Bibele)

²⁷ la nga faneriki hi masiku hinkwawo kukotisa vaprista lavakulu, ku rhanga a humesa magandzelo hikwalaho ka vudyoho bya yena, a tlhela a humesa ni ya vudyoho bya tiko, hikuva leswi, u swi endlile kan'we, a ri yena mhamba.

Vaheveru 7:27 Referans Kwoze

Vaheveru 9:28

svafana na Kriste: Anyiketiwile kan'we kurhwala svijoho sva lavotala; hi kolaho, atahumelela ka vumbirhi, kungali kutasusa svijoho, kambe kutaponisa lava vamulanguteleke hi kuhiteka.

Vaheveru 9:12

Anghenile kan'we ntsena ndhawini yokwetsimisisa svinene ngopfu, kutani angatekanga ngati ya timbuti ni ya marhole kuyagandzela ha yona, kambe agandzelile hi ngati ya yena, akuva ha yona kuva ni kukutsula hilaha kungaheliki.

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.

Vaefesa 5:2

Hanyani hi moya wa rirhandzu, tani hi Kriste lweyi ahirhandzeke ni kutinyiketa hikolaho ka hina ahumesela Xikwembu nyiko ni mhamba ya risima, leyi yixitsakisaka.

Vaheveru 5:3

Xilesvo wa boheka kutihumesela timhamba hikolaho ka svijoho sva yena, svin'we ni kuhumesela vanhu.

Tito 2:14

Hi yena lweyi atinyiketeke hikolaho ka hina, lesvaku ahikutsula kuhombolokeni hinkwaku, ahiyendla vanhu lavatengeke, lava vanga va yena ntsena, ni lava vachivirikelaka kuyendla lesvinene.

Varhoma 6:10

Kufa ka yena akuli kufa hi tlhelo ra kujoha, kan'we sviva svihelile; kutani vutomi lebzi ahanyaka bzona svosvi ahanyela Xikwembu.

Vaheveru 9:25

Nasvona, anganghenanga kona kutatinyiketa hi kuphindhaphindha ava mhamba, kukota Muprista lwenkulu loko anghena ndhawini leyokwetsima svinene ngopfu lembe rin'wana ni rin'wana, na ali ni ngati leyi yingaliki ya yena ya xiviri.

Vaheveru 9:7

Kasi ka xilawu xa vumbirhi xa le mpfungwe, kunghena ntsena Muprista lwenkulu, anghena kan'we ntsena hi lembe, na ali ni ngati leyi atihumeselaka timhamba ta yena, ni kuhumesa hikolaho ka svijoho lesvi tiko risviyendleke kungali ha vomu.

Vaheveru 5:1

Muprista lwenkulu mun'wana ni mun'wana, lesvi ahlawuliweke xikarhi ka vanhu, avekiwile lesvaku atayimela vanhu kuhlanganeni ka vona ni Xikwembu, ni lesvaku ahumesa tinyiko ni timhamba hikolaho ka svijoho sva vona.

Vaefesa 2:22

ka yena na n'wina miyakiwa kun'we ni van'wana, miyendla yindlo laha Xikwembu xitshamaka kona hi Moya wa xona.

Vaheveru 8:4

Loko ingi ahali laha misaveni, aangatava Muprista nikutsongo, hikuva vaprista lavahumesaka tinyiko hi kulerisa ka Nawu, vakona;

Vaheveru 9:26

Hikuva loko svilitano, Kriste aatava afanela kutwisiwa kuvaviseka hi kuphindhaphindha, kusukela loko misava yitumbulukile. Kasi, hilaha svingahakona, ahumelele kan'we ntsena svihela kolaho, svosvi kungafika minkarhi ya makumu, ayendlela kususa xijoho hi kutinyiketa ka yena ava mhamba.