Vaheveru 7:26 - Testamente Leyimpsha Xichangana

²⁶ Asvifanela lesvaku hiva ni Muprista lwenkulu wotanu, wokwetsima, wopfumala nandzu, wokala xivati, wohambana ni vajohi, lweyi atlakusiweke henhla ka matilo.

BIBELE Mahungu Lamanene

²⁶ A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Xitsonga (Bibele)

²⁶ Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

Vaheveru 7:26 Referans Kwoze

2 Vakorinto 5:21

“Vuyelelanani ni Xikwembu!” Kriste lweyi angativangiki xijoho, Xikwembu ximuyendlile lesvaku ava xijoho hikolaho ka hina, lesvaku hikolaho ka yena, hiyendliwa lavalulameke mahlweni ka Xikwembu.

1 Yohane 2:2

Hi yena mhamba hikolaho ka svijoho sva hina, svingali sva hina ntsena, kambe na svona sva misava hinkwayu.

Vaheveru 8:1

Kutani-ke, nhlokomhaka ya lesvi hisvivulaka hi leyi: Hi ni Muprista lwenkulu wofana na yena, lweyi atshameke tlhelweni ra xinene ra xiluvelo xa vuhosi matilweni,

1 Petro 2:22

Angajohanga nchumu, angavulanga svokanganyisa van'wana.

1 Yohane 3:5

Kambe masvitiva lesvaku yena atikombisile lesvaku asusa svijoho, nasvona ka yena aku na kujoha.

Vaheveru 12:2

Ahilanguteni Yesu, musunguli ni muhetisisi wa kupfumela ka hina, lweyi angachavangiki kurhwala xihambanu, angavuli nchumu hi tingana takona, hikolaho ka kutsaka loku kuvekiweke mahlweni ka yena; kutani svosvi atshamile vokweni ra xinene xiluvelweni xa Xikwembu.

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.

Vaheveru 1:3

Hi yena lweyi kukwetsima ka Xikwembu kutikombaka ka yena, kutani atekelele lesvi Xikwembu xinga svona hi xiviri xa xona; nasvona atamele ntumbuluku hinkwawu hi rito ra yena ra matimba. Loko ahlampsile svijoho sva vanhu, atshamile vokweni ra xinene ra Lweyi anga ni vukulu hinkwabzu, henhla matilweni,

Luka 23:47

Loko ndhuna ya dzana ra masochwa yivonile lesvihumeleleke, yidzunisa Xikwembu, yiku: “Hakunene munhu lweyi aalulamile.”

Luka 23:41

Loko ali hina, svihifanelile, hikuva hiyamukela lesvifambelanaka ni mintirho ya hina; kambe lweyi, angayendlanga nchumu xobiha.”

1 Petro 3:22

yena lweyi ayeke tilweni, kutani svosvi anga vokweni ra xinene ra Xikwembu, na tintsumi ni vafumi ni lesvi sva matimba svili hansi ka yena.

1 Petro 1:19

kambe hi ngati ya risima ya Kriste, leyifanaka ni ya xinyempfana lexingaliki na vulema kumbe xivati.

Vaheveru 7:11

Kutani-ke, loko onge kuhetiseka ka vanhu kuyendlekile hi mhaka ya vuprista bza va ka Levhi (hikuva hansi ka bzona vanhu vanyikiwile Nawu), xana akahalaveka yini, ka Muprista mun'wana “wa rixaka rin'we na Melkisedeke” ahumelela, matshan'wini ya kuva ni lweyi avuliwaka “wa rixaka rin'we na Aroni” ke?

Vaheveru 2:10

Hikuva asvifanela lesvaku Xikwembu, lexi svilo hinkwasvu svihanyelaka xona ni kuhlayisiwa hi xona, loko xifikisa vana va xona lavotala kukwetsimeni, xiyendla lesvaku murhangeli wa kuponisiwa ka vona ava lweyi ahetisekeke, hi mhaka ya kuvaviseka ka yena

Timhaka 4:27

Hikuva kunene, Heroda na Pontiyo Pilato, ni vamatiko, ni tinxaka ta Israyele, vahlangane doropeni leri kulwa na Yesu nandza wa wena lweyi ahlawulekeke, lweyi ungamuyendla Mesiya;

Timhaka 3:14

Yesu aali lweyi ahlawulekeke, lweyi alulameke; kambe n'wina mimulandzulile, mikombela kutshunxeliwa mudlayi,

Yohane 14:30

Aningahavulavuli svotala na n'wina, hikuva mufumi wa misava leyi wata; kambe anga na matimba henhla ka mina.

Yohane 8:29

Kutani lweyi anirhumeke, ana mina; Tatana anganitshikanga nili noxe, hikuva masiku hinkwawu niyendla lesvi svimutsakisaka.”

Luka 24:46

Kutani aku ka vona: “Matsalwa mali: ‘Mesiya atatwisiwa kuvaviseka, atlhela apfuka kufeni hi siku ra vunharhu.

Luka 24:26

Xana asvingafaneli lesvaku Kriste atwisiwa kuvaviseka koloko, atlhela anghena kukwetsimeni ka yena ke?”

Luka 23:22

Avavutisa khambi ra vunharhu aku: “I xijoho muni lexi axiyendleke xana? Anivoni nandzu lowu afanelaka kufa ha wona; hi kolaho nitalerisa lesvaku abiwa, kutani nitamutshunxa.”

Luka 1:35

Ntsumi yimuhlamula, yiku: “Moya Lowokwetsima wutaxikela ka wena, ni matimba ya Lweyi anga henhlahenhla matakufunengeta; hi kolaho n'wana lweyi wohlawuleka lweyi angatapsaliwa, atavuliwa N'wana wa Xikwembu.

Marka 16:19

Kuteloko Hosi Yesu avulavulile na vona, atlakuliwa aya tilweni, ayatshama vokweni ra xinene ra Xikwembu.

Matewu 27:18

Aavutisisa svosvo hi kutiva lesvaku avanyiketile Yesu hikolaho ka mavondzo.

Nhlavutelo 3:7

“Tsalela ni ntsumi ya kereke ya le Filadelfiya, uku: “‘Lweyi akwetsimeke, lweyi anga wa ntiyiso, lweyi atameleke khiya ra Davhida, lweyi apfulaka kungapfali munhu, lweyi apfalaka kungapfuli munhu, avula svosvo ali:

Vaheveru 2:17

Hikolaho asvifanela lesvaku ayendliwa lweyi afanaka ni vamakwavu hi matlhelo hinkwawu, lesvaku atava Muprista lwenkulu wa timpsalu ni lweyi atshembekeke ntirhweni wa Xikwembu, lesvaku asusa svijoho sva vanhu.

Vaheveru 3:1

Loko svilitano, vamakwerhu lavakwetsimaka, lava na n'wina miyaveliwaka kuvitaniwa ka le tilweni, yanakanyani Yesu, murhumiwa wa Xikwembu ni Muprista lwenkulu wa vukhongeli bza hina.