Vaheveru 6:17 - Testamente Leyimpsha Xichangana

¹⁷ Hikolaho, loko Xikwembu xinavelile kukombisa hi ndlela leyikholwisaka, ka lava avali vamajandzhaka vaxitshembiso, lesvaku xingakala xingatlheleli ndzhaku makungwini ya xona, xisvitiyisile hi kuhlambanya.

BIBELE Mahungu Lamanene

¹⁷ Hikokwalaho, loko Xikwembu xi naverile ku kombisa hi ndlela leyi khorwisaka, eka lava a va ri vadyandzhaka va xitshembiso, leswaku xi nga ka xi nga tlheleli endzhaku emakungwini ya xona, xi swi tiyisile hi ku hlambanya.

Xitsonga (Bibele)

¹⁷ Hi sweswo ni Xikwembu, loko xi rhandza ku kombisisa vadyandzhaka va ku tshembisa ku tiya ka makungu ya xona, xi nghenisa ku hlambanya,

Vaheveru 6:17 Referans Kwoze

Vaheveru 6:18

Lesvaku, hi svilo svimbirhi lesvingacinciki, lesvi ka svona svingayendlekiki lesvaku Xikwembu xikumeka na xili muhembi. Kutani hina lava hitsutsumeleke kuyatumbela ka xona, hitiya nhlana svinene, hiyamukela hi mandla mambirhi kulangutela loku kuvekiweke mahlweni ka hina.

Vaheveru 11:9

Hi kupfumela, atshamile tikweni leri atshembisiweke rona afana ni muluveli tikweni ra van'wana, ahanya matendeni na ali na Izaki na Yakobe, vajandzhaka va xitshembiso xin'we ni xa yena.

Yohane 10:10

Muyivi atela ntsena kuyiva, ni kudlaya, ni kuhahlula; mina nitile lesvaku tinyempfu tiva ni vutomi, tibzikuma hi ntalu.

1 Petro 3:7

Hi ndlela yoleyo, na n'wina vavanuna, hanyisanani ni vasati va n'wina hi kutwisisana, hikuva vafana ni svibza lesvingatiyangiki, nasvona mivaxixima, hikuva vataja ndzhaka ya timpsalu ni vutomi svin'we na n'wina. Vaxiximeni lesvaku mikhongelo ya n'wina yitakala yingasiveliwi.

1 Petro 1:3

Akukhensiwe Xikwembu, Tatana wa Hosi ya hina Yesu Kriste! Hi timpsalu ta yena letikulu, ahivelekile ra vumbirhi, lesvaku hiva ni kulangutela loku kuhanyaka, hikolaho ka kupfuka ka Yesu Kriste xikarhi ka vafi,

Yakobo 1:17

Nyiko yin'wana ni yin'wana leyosaseka ni minkateko hinkwayu leyihetisekeke svita hi le henhla, svixika hi le ka Muvumbi wa lesvivoningaka, lweyi kungahava kucincacinca ka yena, kumbe kufularhela munhu asala xinyameni.

Vaheveru 6:16

Loko vanhu vahlambanya, vahlambanya hi lweyi anga nkulu ka vona, kutani kuhlambanya kutiyisa lesvi svivuliweke nasvona kuhelisa kuphikizana hinkwaku ka vona.

Vaheveru 6:12

Ahilavi lesvaku mihundzuka lava vololoha, kambe hilava lesvaku mifana ni vanhu lava svosvi vakumaka lesvi vatshembisiweke svona, hi mhaka ya kupfumela ka vona hi kulehisa mbilu.

Vagalatiya 3:29

Kutani, loko mili va ka Kriste, svihlaya lesvaku mi rixaka ra Abrahamu, mivaji va ndzhaka hikolaho ka xitshembiso.

Varhoma 11:29

hikuva tinyiko ta Xikwembu ni kuvitana ka xona asvihundzuki.

Vaheveru 11:7

Hi kupfumela, Nowa ayingisile svinene loko Xikwembu ximutivisa lesvi asvingasivoneka; kutani ayaka ngalawa kutaponisa va njangu wa yena; hi kuyendla svosvo, ayavanyisile misava, ava ayamukela kululama loku kunyikiwaka hi mhaka ya kupfumela.

Varhoma 8:17

Loko hili vana, svivula lesvaku hi vinyi va ndzhaka ya Xikwembu, nivaji va ndzhaka svin'we na Kriste; lesvi kunene hixanisekaka na yena, svivula lesvaku hitakwetsimisiwa na yena.

Yakobo 2:5

Yingisani, vamakwerhu lavarhandzekaka: Xana Xikwembu axihlawulanga lavanga svisiwana misaveni leyi lesvaku vava lavafuweke hi tlhelo ra kupfumela ke? Xana axivahlawulelanga kuja ndzhaka ya Mfumu lowu xiwutshembiseke lava vaxirhandzaka ke?

Vaefesa 1:11

Hakunene Xikwembu xiyendla hinkwasvu hilaha xirhandzaka hakona ni hilaha xipimaka hakona, kutani xihlawule hina Vayuda kuva vamajandzhaka va xona ka Kriste, hi kutilulamisela ka xona ka khale,