Vaheveru 6:11 - Testamente Leyimpsha Xichangana

¹¹ Kutani hinavela ngopfu lesvaku mun'wana ni mun'wana wa n'wina akomba kuchivirika koloko kuyafika makumu, kukondza kuhetiseka kulangutela ka n'wina.

BIBELE Mahungu Lamanene

¹¹ Kutani hi navela ngopfu leswaku un'wana ni un'wana wa n'wina a komba ku chivirika koloko ku ya fika emakumu, ku kondza loko ku langutela ka n'wina ku hetiseka.

Xitsonga (Bibele)

¹¹ Kambe hi navela leswaku un'wana ni un'wana wa n'wina a kombisa ku chivirika kuloko leswaku ku tshemba ku ta tiya ku ya fika makumu;

Vaheveru 6:11 Referans Kwoze

Vaheveru 3:6

Kambe Kriste, atshembekile tani hi n'wana lweyi anga n'winyi ndlwini ya Xikwembu. Kutani hina hi yindlo ya xona, loko hikhoma hitiya, kutshembeni ni le kutlangeleni ka hina hi tlhelo ra svilo lesvi hisvilangutelaka.

2 Petro 1:10

Hikolaho, vamakwerhu, hisekelani ngopfungopfu kutiyisa kuvitaniwa ni kuhlawuliwa ka n'wina, hikuva loko miyendla svosvo amingaphariyetiwi miwa ni siku ni rin'we.

Vaheveru 3:14

Hikuva hi ni kuyaveliwa ka Kriste ntsena loko hikhoma hitiya kuyisa makumu, kutshembeni ka hina loku kosungula,

Vaheveru 10:22

ahitshineleleni Xikwembu hi mbilu leyinamarhelaka ntiyiso ni kupfumela lokuhetisekeke; timbilu ta hina leti n'watsekiweke, atibase tihambana ni ripfalu lerobiha, ni miri wa hina wuva lowuhlampsiweke hi mati lawa yotenga.

Nhlavutelo 2:26

Lweyi ahlulaka ni kuhlayisa mintirho ya mina kufikela makumu, nitamunyika matimba yofuma matiko,

1 Yohane 3:14

Hina hasvitiva lesvaku hihumile kufeni, hinghena vuton'wini, hikuva hirhandza vamakwerhu. Lweyi angarhandziki makwavu atshama kufeni.

2 Petro 3:14

Hikolaho varhandziwa, lesvi milanguteleke svilo lesvi, tikarhateni lesvaku Xikwembu ximikuma na mingali na xivati ni xisandzu, kambe ximikuma na mili ni kurhula.

1 Petro 1:21

Hikolaho ka yena, mi ni kutshemba ka Xikwembu, lexi ximipfuxeke xikarhi ka vafi, xinyika kudzuneka, kuyendlela lesvaku kupfumela ka n'wina ni kulangutela ka n'wina sviva ka Xikwembu.

2 Vatesalonika 3:13

Kambe n'wina vamakwerhu, loko mili karhi miyendla lesvinene, mingakarhaleni.

Varhoma 15:13

Ingi Xikwembu lexi kulangutela kuhumaka ka xona xingamitata hi kutsaka hinkwaku ni kurhula hinkwaku kupfumeleni, lesvaku, hi matimba ya Moya Lowokwetsima, kulangutela kumitalela, kuva kuhalakela.

1 Vatesalonika 4:10

kutani hi svona lesvi misviyendlaka ka vamakwerhu hinkwavu lavanga tikweni hinkwaru ra Makedoniya. Hambi svilitano, hamikhutaza vamakwerhu, lesvaku miya mahlweni, mikula rirhandzwini lero.

1 Vatesalonika 1:5

Hikuva Evhangeli ya hina, ayifikanga ka n'wina hi marito ntsena, kambe hi matimba, ni Moya Lowokwetsima, ni kukholwisa ka yona loku kuhetisekeke, tani hilaha mitivaka hakona lesvi hihanyisaniseke xisvona na n'wina.

Vakolosa 1:5

hikolaho ka kulangutela loku kuhlayiseliweke n'wina matilweni. Kutshemba loku, mirhange mikutwa ritweni ra ntiyiso, yinga Evhangeli,

Vafilipiya 3:15

Hina hinkwerhu lava hihetisekeke moyeni, hifanele kuva ni miyanakanyu leyotano; kambe loko, ka svin'wana, miyanakanya hi ndlela yin'wana, Xikwembu xitasvihlavutela ka n'wina.

Vagalatiya 6:9

Loko hili karhi hiyendla lesvinene, hingakarhaleni, hikuva hitatshovela hi nkama wakona, loko hingaheli mbilu.

1 Vakorinto 15:58

Hikolaho, vamakwerhu lavarhandzekaka, tiyani svinene mingatsekatsekeni; tiyiselani svinene, mitirhela Hosi masiku hinkwawu, na mili karhi misvitiva lesvaku mintirho ya n'wina Hosini ayingaweli hansi.

1 Vakorinto 13:13

Svosvi-ke, kutiyile svilo svinharhu: Kupfumela, kulangutela ni rirhandzu; kambe lexikulu ngopfu ka svona i rirhandzu.

Matewu 24:13

Kambe lweyi angatatiyisela kufika makumu, hi yena lweyi angataponisiwa.

1 Yohane 3:19

Kutani, hitiva hakona lesvaku hi ni ntiyiso, xilesvo le mahlweni ka yena hirhulisa timbilu;

Vakolosa 2:2

Nilava lesvaku timbilu ta vona titiyisiwa, ni lesvaku vakhomana svin'we hi rirhandzu, kutani vatachaveleliwa hi matlhelo hinkwawu hi kunyikiwa kutwisisa loku kuhetisekeke, lesvaku vativa xihundla xa Xikwembu, anga Kriste.

Vakolosa 1:23

Kambe mifanele kutiya kupfumeleni, na miyimile masungulweni yakona mingatsekatseki, na mingahambani ni kulangutela loku mikukumeke hi kutwa Evhangeli. Evhangeli leyi yitwalisiwile ka svivumbiwa hinkwasvu lesvinga hansi ka tilo, kutani mina Pawulo, ni yendliwile mutirhi wa yona.

Varhoma 12:8

lweyi anga ni nyiko ya kukhongotela, aakhongotele; lweyi anyikaka, aanyike hi mbilu leyobasa; lweyi afambisaka van'wana, aavafambise hi kutivonela; lweyi ayendlaka mintirho ya timpsalu, aayiyendle hi kutsaka.

Vagalatiya 5:5

Loko ali hina, hi ni kutshemba ka lesvaku Xikwembu xitahiyendla lavalulameke mahlweni ka xona, kutani hi svona lesvi hisvilangutelaka, hi matimba ya Moya lowutirhaka ka hina, hi kupfumela loku hinga nakona.

Luka 1:1

Lava votala se varingetile kutsala marungula ya timhaka letihumeleleke xikarhi ka hina;