Vaheveru 5:9 - Testamente Leyimpsha Xichangana

⁹ Kutani loko ayendliwile lweyi ahetisekeke, ahundzukile xihlovo xa kuponisiwa lokungaheliki ka hinkwavu lava vamuyingisaka,

BIBELE Mahungu Lamanene

⁹ Kutani loko a endliwile la hetisekeke, ú hundzukile xihlovo xa ku ponisiwa loku nga heriki eka hinkwavo lava va n'wi yingisaka,

Xitsonga (Bibele)

⁹ kutani, kuteloko a hetisekile, a va n'wini wa ku kutsula loku nga heriki, eka hinkwavo lava n'wi yingisaka;

Vaheveru 5:9 Referans Kwoze

Vaheveru 9:15

Hikolaho, hi yena muyimeli wa papela lerimpsha ra ndzhaka, lesvaku lavavitaniweke, vatakota kuyamukela ndzhaka leyingaheliki leyi vatshembisiweke yona; hikuva kuhumelele rifu leri rivakutsulaka minandzweni leyi avali na yona, hansi ka ntwananu loworhanga.

Vaheveru 2:10

Hikuva asvifanela lesvaku Xikwembu, lexi svilo hinkwasvu svihanyelaka xona ni kuhlayisiwa hi xona, loko xifikisa vana va xona lavotala kukwetsimeni, xiyendla lesvaku murhangeli wa kuponisiwa ka vona ava lweyi ahetisekeke, hi mhaka ya kuvaviseka ka yena

Vaheveru 12:2

Ahilanguteni Yesu, musunguli ni muhetisisi wa kupfumela ka hina, lweyi angachavangiki kurhwala xihambanu, angavuli nchumu hi tingana takona, hikolaho ka kutsaka loku kuvekiweke mahlweni ka yena; kutani svosvi atshamile vokweni ra xinene xiluvelweni xa Xikwembu.

Vaheveru 9:12

Anghenile kan'we ntsena ndhawini yokwetsimisisa svinene ngopfu, kutani angatekanga ngati ya timbuti ni ya marhole kuyagandzela ha yona, kambe agandzelile hi ngati ya yena, akuva ha yona kuva ni kukutsula hilaha kungaheliki.

Timhaka 5:32

Kutani hina hi timboni ta timhaka leti, hina svin'we ni Moya Wokwetsima lowu Xikwembu xiwunyikeke lava vaxiyingisaka.”

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

Vaheveru 11:8

Hi kupfumela, Abrahamu, siku leri avitaniweke ha rona kurhurha aya tikweni leri Xikwembu aximutshembisile rona, ayingisile, arhurha hambilesvi aangakutivi lomu ayakakona.

2 Vatesalonika 1:8

malangavini ya ndzilo. Xitaba lava vangaxitiviki, vanga lava vangayingisiki Evhangeli ya Hosi ya hina Yesu.

Varhoma 2:8

kambe lavanga ni moya wa kutirhandza, vayalaka ntiyiso, vafambaka hi kuhomboloka, xitavahlundzukela ni kuvakarihela.

Varhoma 1:5

Ha yena, hinyikiwile nkateko wa kuva vapostola vitweni ra yena, lesvaku vanhu va matiko hinkwawu vapfumela, vatlhela vayingisa;

2 Vakorinto 10:5

hihelisa ni svihingakanyo hinkwasvu lesvi svitlakukeke, lesvi svisivelaka vanhu kutiva Xikwembu. Hikoka miyanakanyu hinkwayu kuyingiseni ka Kriste.

Varhoma 15:18

hikuva ningakala ningatiyi nhlana wa kuvula nchumu, handle ka lesvi Kriste angasviyendla ha mina, kutisa vamatiko kuyingiseni, hi marito ni mintirho,

2 Timotiya 2:10

kutani, timhakeni hinkwatu, nitiyisela hikolaho ka vahlawuliwa va Xikwembu, lesvaku na vona vatakuma kuponisiwa loku kuhumaka ka Kriste Yesu, vakuma ni kukwetsima lokungaheliki.

Varhoma 10:16

Kambe ahi hinkwavu lavayamukeleke Evhangeli, hikuva Ezaya ate: “Hosi, xana i mani lweyi akholweke lesvi hibzeliweke svona ke?”

Varhoma 6:17

Kambe akukhensiwe Xikwembu, hikuva n'wina lava va khale amili svikarawa sva kujoha, svosvi miyingisile hi mbilu hinkwayu ntiyiso wa jondzo leyi miyikumeke.

Vaheveru 2:3

xana hina hingapona hi ndlela yihi, loko hinyenya kuponisiwa lokukulu kotanu ke? Hosi yivulile ta kuponisiwa loku, na kahali kusunguleni, kutani kutlhela kutiyisiwa ka hina hi lava vatweke timhaka takona.

Yohane 19:30

Loko Yesu anwile, akuma lesvaku i ntsuvi, aku: “Svihetisekile.” Kutani akorhamisa nhloko, afa.

Matewu 17:5

Aku ahavulavula, refu lerovangama rihumelela, rivafunengeta; kutani kutwakala rito lerihumaka ka refu, riku: “Lweyi i N'wananga lweyi nimurhandzekaka, lweyi nimutsakelaka, muyingiseni!”

Yuda 1:21

Tshamani rirhandzwini ra Xikwembu. Langutelani musa wa Hosi ya hina Yesu Kriste lowuyisaka vuton'wini lebzingaheliki.

1 Yohane 5:20

Nasvona, hasvitiva lesvaku N'wana wa Xikwembu se atile, ni lesvaku ahinyikile kutwisisa lesvaku hitativa yena lweyi anga wa ntiyiso; kutani hi le ka lweyi anga ntiyiso, yena N'wana wa xona Yesu Kriste. Lweyi hi yena Xikwembu hi ntiyiso, ni vutomi lebzingaheliki.

Vaheveru 11:40

Hikuva Xikwembu axili ni makungu man'wana lamanene hi tlhelo ra hina, lesvaku vangayendliwi lavahetisekeke loko hina hingali kona.

2 Vatesalonika 2:16

Svosvi-ke, ingi Hosi ya hina Yesu Kriste hi yoxe, ni Xikwembu Tatana wa hina lweyi angahirhandza, lweyi angahinyika, hi timpsalu ta yena, kuchavelela lokungaheliki ni kulangutela lokunene,

Timhaka 3:15

kutani midlaya munyiki wa vutomi; kambe Xikwembu ximupfuxile kufeni; hina hi timboni ta svona.

Luka 13:32

Yesu ahlamula aku ka vona: “Fambani, miyabzela khanga leriya miku: ‘Svitive lesvaku, nihlongola madimoni ni kuhanyisa vanhu namuntlha ni mundzuku, kutani hi siku ra vunharhu nitaheta ntirho wa mina.’

Timhaka 4:12

“Kutani kuponisiwa aku kumeki ka munhu mun'wana, hikuva vanhu avanyikiwanga vito rin'wana laha misaveni, handle ka vito ra Yesu, leri hifanelaka kuponisiwa ha rona.”

Vafilipiya 2:12

Varhandziwa, kufana ni lesvi miniyingiseke masiku hinkwawu, ni svosvi, kungali ntsena loko nili na n'wina kambe ngopfungopfu loko ningali na n'wina, tirhelani kuponisiwa ka n'wina hi kuchava ni kurhurhumela;

Vaheveru 1:14

Xana tintsumi hinkwatu ahi mimoya leyitirhelaka Xikwembu, leyirhumiweke kupfuna vanhu lavafanelaka kukuma kuponisiwa ke?

Vaheveru 9:28

svafana na Kriste: Anyiketiwile kan'we kurhwala svijoho sva lavotala; hi kolaho, atahumelela ka vumbirhi, kungali kutasusa svijoho, kambe kutaponisa lava vamulanguteleke hi kuhiteka.