Vaheveru 2:14 - Testamente Leyimpsha Xichangana

¹⁴ Hikolaho, lesvi vana vanga va nyama ni ngati yin'we hinkwavu, svitano na yena: I wa ntumbuluku mun'we na vona lesvaku, hi rifu ra yena, atakota kuhelisa lweyi anga ni matimba ya rifu, anga yena Diyavulosi,

BIBELE Mahungu Lamanene

¹⁴ Hikokwalaho, leswi vana va nga va nyama ni ngati yin'we hinkwavo, swi tano na yena: I wa ntumbuluko wun'we na vona leswaku, hi rifu ra yena, a ta kota ku herisa loyi a nga ni matimba ya rifu, a nga yena Diyavulosi,

Xitsonga (Bibele)

¹⁴ Hikwalaho; kukotisa leswi vana va averiwaka ngati ni nyama, hi mukhuva wolowo, na yena, u averiwile swona, leswaku a ta herisa hi rifu la nga ni matimba ya rifu, a nga Diyavulosi,

Vaheveru 2:14 Referans Kwoze

2 Timotiya 1:10

Kutani svosvi timpsalu leti tatikomba rivaleni, hi kuta ka muponisi wa hina Kriste Yesu, yena lweyi aheliseke rifu, ahumesela rivaleni vutomi lebzingawonhekiki, hi matimba ya Evhangeli.

Varhoma 8:3

Lesvi Nawu wuhlulekeke kusviyendla, hi mhaka ya gome mirini wa laha misaveni, Xikwembu xisvikotile: Xiyavanyisile kujoha mirini hi kurhumela N'wana wa xona hi yexe, na ali ni miri lowufanaka ni miri wa hina wofumiwa hi kujoha, lesvaku atakota kuyavanyisa xijoho mirini.

Vakolosa 2:15

Kriste ahetile matimba ya mimoya ya tihosana ni ya tihosi, ayiyendla xisolo rivaleni, hi kuyihlulela makumu hi xihambanu.

Yohane 1:14

Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

Vaheveru 9:15

Hikolaho, hi yena muyimeli wa papela lerimpsha ra ndzhaka, lesvaku lavavitaniweke, vatakota kuyamukela ndzhaka leyingaheliki leyi vatshembisiweke yona; hikuva kuhumelele rifu leri rivakutsulaka minandzweni leyi avali na yona, hansi ka ntwananu loworhanga.

1 Vakorinto 15:50

Lesvi nihlayaka svona, vamakwerhu, hi lesvi: Nyama ni ngati svingakala svingaji ndzhaka ya Mfumu wa Xikwembu, nasvona lesvihantlaka kuwonheka svingakala svingaji ndzhaka ya lesvi svingawonhekiki.

Nhlavutelo 1:18

ni lweyi ahanyaka. Anifile, kambe vona, svosvi ni lweyi ahanyaka hilaha kungaheliki. Ni ni makhiya ya rifu ni ya hayidisi.

Varhoma 14:9

Hikuva Kriste afile, atlhela apfuka ahanya, lesvaku atava Hosi ya lavafeke ni ya lava vahanyaka.

Vaheveru 2:18

Hikuva lesvi na yena angatwa kuvaviseka ni kuringiwa, wasvikota kupfuna lavaringiwaka.

Nhlavutelo 2:10

Ungachavi lesvinga kusuhi ni kukutwisa kuvava. Vona, Diyavulosi alava kuhoxa van'wana va n'wina jele, lesvaku mitaringiwa, kutani mitava ni kuxaniseka loku kungataheta khume ra masiku. Vana lweyi atshembekaka kufika kufeni, kutani mina nitakunyika hari ya vutomi.

Vaheveru 4:15

Hikuva Muprista lwenkulu lweyi hinga na yena ahi lweyi atsandzekaka kuhitwela vusiwana minkarhalweni ya hina, kambe hi lweyi aringiweke hi matlhelo hinkwawu kufana na hina, ntsena yena angajohanga.

Vagalatiya 4:4

Kambe loko nkama wufikile hi ndlela leyi yihetisekeke, Xikwembu xirhumile N'wana wa xona, lweyi avelekiweke hi wansati, avelekiwa na ali hansi ka Nawu,

Yohane 12:24

Nitiyisisile nili ka n'wina: Loko ndzhoho ya vele yingaweli misaveni yifa, yitotshama yiritano; kambe loko yifa, yitachela ngopfu.

Nhlavutelo 20:2

Kutani yikhoma dragona, nyoka leyi ya khale yiriboha nkarhi woringana malembe ya khulu (1 000).

Nhlavutelo 12:9

Hi loko dragona lerikulu ricukumetiwa riyawela hansi, rona nyoka ya khale leyivuliwaka Diyavulosi kumbe Sathana, Mukanganyisi wa misava hinkwayu; ricukumetiwa riyawela hansi misaveni, tintsumi ta rona na tona ticukumetiwa kun'we na rona.

1 Timotiya 3:16

Hakunene, hingatiyisa lesvaku xihundla xa vukhongeli bza hina i xikulu: “Ahumelelile tani hi munhu, ahlayiwile lweyi alulameke moyeni, avoniwile hi tintsumi; apaluxiwile matikweni, apfumeliwile laha misaveni, atekeliwa henhla kukwetsimeni.”

Matewu 25:41

“Kutani Hosi yitabzela lavanga vokweni ra yona ra ximantsi yiku: ‘Sukani ka mina, n'wina lavarhukiweke; miya ndzilweni lowungatimekiki, lowulungiseliweke Diyavulosi ni tintsumi ta yena;

Matewu 16:17

Yesu ahlamula aku: “Ukatekile Simoni n'wana Yona, hikuva ahi munhu wa misava lweyi angakupfuletela svosvo, kambe i Tatana wa mina lweyi anga matilweni.

1 Vakorinto 1:28

Xikwembu xihlawulile lesvi misava yisvilangutelaka hansi ni kusvisola, lesvi ni kuva kona svingaliki kona, kuhelisa lesvinga kona,

Vaheveru 2:17

Hikolaho asvifanela lesvaku ayendliwa lweyi afanaka ni vamakwavu hi matlhelo hinkwawu, lesvaku atava Muprista lwenkulu wa timpsalu ni lweyi atshembekeke ntirhweni wa Xikwembu, lesvaku asusa svijoho sva vanhu.

Vaheveru 10:5

Hikolaho ka svona, loko Kriste atile laha misaveni, ate: “Awunavelanga timhamba ni tinyiko, kambe univumbele miri.

Vaheveru 10:10

Kutani, lesvi ayendleke kurhandza loku ka Xikwembu, hina hiyendliwile lavahlawulekeke hi miri wa Yesu Kriste, lowu awunyiketeke kuva mhamba kan'we ntsena sviva svihela kolaho.

1 Petro 1:20

Lweyi angativiwa hi Xikwembu, na misava yingasitumbuluka, akombisiwa hikolaho ka n'wina, minkameni leyi ya makumu.