Vaheveru 13:7 - Testamente Leyimpsha Xichangana

⁷ Yanakanyani vafambisi va n'wina, lavangamijondzisa rito ra Xikwembu; yehleketani vutomi bza vona ni makumu ya bzona, milandza ntila wa kupfumela ka vona.

BIBELE Mahungu Lamanene

⁷ Anakanyani vafambisi va n'wina, lava nga mi dyondzisa rito ra Xikwembu; ehleketani vutomi bya vona ni mahetelelo ya byona, mi landza ntila wa ku pfumela ka vona.

Xitsonga (Bibele)

⁷ Anakanyi varisi va n'wina lava mi byeleke rito ra Xikwembu; mi etisa ku pfumela ka vona, mi ri karhi mi langutisa ku hetelela ka ku hanya ka vona.

Vaheveru 13:7 Referans Kwoze

Vaheveru 13:17

Yingisani varhangeli va n'wina, mititsongahata ka vona, hikuva vahitekela mimoya ya n'wina, kufana ni vanhu lavangatavutisiwa henhla ka yona. Mivona lesvaku valandza ntirho wa vona hi kutsaka, vangawuyendli hi kuvilela, hikuva loko vavilela, asvingamipfuni nchumu n'wina.

Vafilipiya 3:17

Vamakwerhu, tekelani mina n'wina hinkwenu. Himipfulele ndlela leyinene, hi kolaho langutani lavafambaka ha yona.

Vaheveru 6:12

Ahilavi lesvaku mihundzuka lava vololoha, kambe hilava lesvaku mifana ni vanhu lava svosvi vakumaka lesvi vatshembisiweke svona, hi mhaka ya kupfumela ka vona hi kulehisa mbilu.

1 Vatesalonika 1:6

Kutani na n'wina milandzile tindlela ta hina ni ta Hosi, hikuva, hambilesvi mingaxaniseka ngopfu, miyamukelile Rito ra Xikwembu hi kutsaka loku kunyikiwaka hi Moya Lowokwetsima.

Timhaka 14:23

Vavahlawulela vakulukumba akerekeni yin'wana ni yin'wana; kutani, hi kukhongela ni kutitsona svakuja, vavaveka mavokweni ya Hosi leyi avapfumelile ka yona.

Matewu 24:45

Xana i mani mutirhi lweyi atshembekeke, ni kutlhariha, lweyi n'winyi wa yena amuvekeke kuhlayisa vatirhikulobze va munti, avaphamela svakuja hi nkarhi wakona?

1 Timotiya 3:5

Hikuva loko munhu angakoti kufambisa njangu wa yena, atasvikotisa kuyini kufambisa kereke ya Xikwembu xana?

Vaheveru 13:24

Rungulani varhangeli va n'wina hinkwavu ni vahlawuliwa va Xikwembu hinkwavu. Lava vahumaka tikweni ra Italiya vamirungula.

1 Vatesalonika 2:13

Kutani mhaka leyi yihisusumetaka kukhensa Xikwembu masiku hinkwawu, hi leyi: Loko himitisele rito ra Xikwembu, miriyingisile ni kuriyamukela, kungali kukota mahungu ya kuhuma ka vanhu, kambe tani hi mahungu ya kuhuma ka Xikwembu. Hakunene mahungu lawa mahuma ka xona, hikuva hi xona xitirhaka hi matimba xikarhi ka n'wina lavapfumeleke.

1 Vakorinto 4:16

Hikolaho, namikhongotela lesvaku mitekelela mina.

Varhoma 10:17

Hikolaho-ke, kupfumela kuta hi kutwa, ni kutwa kuta hi kubzeliwa rito ra Kriste.

Timhaka 4:31

Kuteloko vahetile kukhongela, ndhawu leyi avahlengeletane ka yona yitsekatseka, hinkwavu vatala hi Moya Wokwetsima, kutani vavula rito ra Xikwembu na vatiyile.

Nhlavutelo 6:9

Loko Xinyempfana xipfulile mfungu wa vuntlhanu, nivona hansi ka alitari mimoya ya lava avadlayiwile hi mhaka ya kutwalisa Rito ra Xikwembu ni hikolaho ka kuveka vumboni bza vona.

Nhlavutelo 20:4

Kutani nivona svitshamu sva vuhosi; lavatshameke ka svona, vanyikiwa matimba ya kuyavanyisa. Nasvona, nivona mimoya ya lava vatsemiweke tinhloko hi mhaka ya kupaluxa vumboni bza vona ha Yesu ni kuvula Rito ra Xikwembu. Avagandzelanga xivandzana kumbe xifaniso xa xona, avafungiwanga hi mfungu wa xona mimombzeni ya vona, kumbe mavokweni ya vona. Kutani hi loko vatlhela vahanya, vafuma na Kriste malembe ya khulu (1 000).

Nhlavutelo 1:9

Mina Yohani, ninga makwenu ni nakuloni maxangweni, ni le Mfun'wini, ni le kulehiseni ka mbilu ka Yesu Kriste, anili xihlaleni lexivuliwaka Patmosi, hi mhaka ya Rito ra Xikwembu ni kutiyisa vumboni bza Yesu.

2 Vatesalonika 3:9

Asvihlayi lesvaku ahipfumala matimba ya kumikombela kuhipfuna, kambe akuli kumikomba ndlela leyi mifaneleke kufamba hi yona.

1 Vakorinto 11:1

Tekelani mina, kukotisa lesvi na mina nitekeleke Kriste.

Luka 12:42

Yesu ahlamula aku: “Xana i mani mulanguteli lweyi atshembekeke ni kululama, lweyi Hosi yimuvekeke lesvaku anyika svakuja svoringana ka vatirhi va yona?”

Luka 8:11

“Loko xili xifaniso lexi xivula lesvi: Timbewu i Rito ra Xikwembu.

2 Vatesalonika 3:7

Hikuva n'wina hi n'wexe masvitiva svinene lesvaku mifanele kutekelela mahanyela ya hina; ahitshamanga hi mavoko, loko hili xikarhi ka n'wina;

1 Vakorinto 10:13

Amisihumeleliwa hi ndzingo lowutlulaka matimba ya munhu. Xikwembu xatshembeka, xingakala xingapfumeli lesvaku mihlangana ni ndzingo lowu wumihlulaka; loko wutshuka wumitela, xona xitaminyika matimba ya kutiyisela, mikondza mihuma ka wona.

Timhaka 13:46

Kambe Pawulo na Barnaba vahlamula na vangachavi nchumu, vaku: “Asvifanela lesvaku Rito ra Xikwembu ribzeliwa n'wina kusunguleni; kambe lesvi miricukumetaka, ni lesvi mititsemelaka hi n'wexe, miku amifaneliwi hi vutomi lebzingaheliki, masvivo hina hihundzukela ka vamatiko.”

Luka 5:1

Siku rin'wana Yesu aanyimile ridongeni ra tiva ra Genezareta, xitshungu xili karhi ximukamanyeta, na xinavela kuyingisa Rito ra Xikwembu.

1 Petro 4:11

Loko mun'wana anyikiwile kuvulavula, aavulavule hi kulandza marito ya Xikwembu; loko mun'wana anyikiwile kutirhela vanhu, aasviyendle kufana ni lweyi asvitirhaka hi matimba lawa Xikwembu ximunyikaka wona, lesvaku ka svilo hinkwasvu Xikwembu xidzunisiwa ha Yesu Kriste. Kudzuneka ni matimba svi le ka xona hilaha kungaheliki. Amen.