Vaheveru 13:18 - Testamente Leyimpsha Xichangana

¹⁸ Hikhongeleleni, hikuva hitshemba svinene lesvaku hi ni ripfalu leritengeke, na hili karhi hinavela kuyendla lesvilulameke minkarhi hinkwayu.

BIBELE Mahungu Lamanene

¹⁸ Hi khongeleleni, hikuva hi titwa swinene leswaku hi ni ripfalo leri tengeke, hi ri karhi hi navela ku endla leswi lulameke minkarhi hinkwayo.

Xitsonga (Bibele)

¹⁸ Hi khongeleleni, hikuva ha ehleketa leswaku hi ni ripfalo lerinene, hi ri karhi hi rhandza ku endla swinene ematlhelweni hinkwawo.

Vaheveru 13:18 Referans Kwoze

1 Vatesalonika 5:25

Vamakwerhu, hikhongeleleni na hina.

2 Vatesalonika 3:1

Kuheteleleni vamakwerhu, hikhongeleleni, lesvaku Rito ra Hosi rihangalaka hi kuhantlisa, ritsakeliwa, kukotisa lesvi riyendliseke svona le ka n'wina;

1 Timotiya 1:5

Kasi, laha xitsundzuxu xa hina xikongomeke kona, i kupfuxa rirhandzu lerihumaka mbilwini leyobasa ni le ripfalwini lerinene, ni le kupfumeleni ka ntiyiso.

Vakolosa 4:3

na hina mihikhongelela, lesvaku Xikwembu xihipfulela nyangwa yojondzisa Rito ra xona, lesvaku hitavula rivaleni xihundla xa Kriste, lexi ninga jele hikolaho ka xona.

Varhoma 15:30

Kutani na mikhongotela, vamakwerhu, hi Hosi ya hina Yesu Kriste ni rirhandzu ra Moya, lesvaku miniseketela hi matimba, mikhongelweni ya n'wina leyi minikhongelelaka ha yona ka Xikwembu

1 Petro 3:21

Ntsakamiso wuyelana ni mhaka leyi; svosvi wa miponisa, kungali hi kususa nsila mirini, kambe hi kuyendla lesvaku mikombela ripfalu leribaseke ka Xikwembu. Ntsakamiso wa miponisa hi mhaka ya kupfuka ka Yesu Kriste kufeni,

1 Petro 3:16

kambe misviyendla hi moya wa kutenga. Nasvona, mitshama na mili ni ripfalu leribaseke, lesvaku loko mihembeliwa, lavasandzaka mahanyela ya n'wina layolulama ka kriste, vatakhomiwa hi tingana.

1 Petro 2:12

Hanyani hi mukhuva lowolulama xikarhi ka vamatiko, lesvaku loko vatshuka vamilumbeta, vaku mivajohi, vatavona mintirho ya n'wina leyosaseka, vadzunisa Xikwembu, hi siku leri xingatata ha rona.

1 Vatesalonika 4:12

Hi mukhuva lowu, mitaxiximiwa hi va le handle, mingahatikiseli munhu ni mun'we.

Timhaka 24:16

Hikolaho niringeta hi matimba, masiku hinkwawu, kukumeka na nili lweyi atshunxekeke moyeni wa mina, mahlweni ka Xikwembu ni le mahlweni ka vanhu.

Timhaka 23:1

Pawulo ahonokela huvu, aku: “N'wina valekwerhu, nihanyile na nili lweyi atshunxekeke svinene ripfalweni ra mina ni le mahlweni ka Xikwembu, kufikela siku ra namuntlha.”

Vafilipiya 4:8

Kuheteleleni vamakwerhu, hinkwasvu lesvinga ntiyiso, hinkwasvu lesvichavisekaka, hinkwasvu lesvilulameke, hinkwasvu lesvibaseke, hinkwasvu lesvitsakisaka, hinkwasvu lesvikhensekaka, ni loko kuli ni svin'wana lesvinga ni vunene kumbe kudzuneka, svilo lesvi hinkwasvu, tshamani na mili karhi misviyanakanya.

2 Vakorinto 1:12

Kutidzunisa ka hina hi loku: Ripfalu ra hina rihibzela lesvaku hihanyile xikarhi ka vanhu hi kululama ni kutenga loku kuhumaka ka Xikwembu, ngopfungopfu loko hitirhisana na n'wina. Hihanyile kungali hi vutlhari bza misava leyi, kambe hi timpsalu ta Xikwembu.

Varhoma 13:13

Ahifambeni kuvonakeleni, kufana ni vanhu lavafambaka ninhlekanhi, kungali hi minkhuvu ni kupopsa, kungali hi lesvobiha ni vunghwavana, kungali hi kuholova ni vukwele;

Varhoma 12:17

Mingarihiseleni svobiha hi lesvobiha. Ringetani kuyendla lesvinene ka vanhu hinkwavu.