Vaheveru 12:28 - Testamente Leyimpsha Xichangana

²⁸ Hikolaho, ahikhenseni, lesvi hikumeke mfumu lowungatsekatsekiki, kutani hi mukhuva lowu, ahigandzeleni Xikwembu hi ndlela leyiyamukelekaka, hi kutitsongahata ni hi xichavu.

BIBELE Mahungu Lamanene

²⁸ Hikokwalaho, a hi nkhenseni, leswi hi kumeke mfumo lowu nga tsekatsekiki, kutani hi mukhuva lowu, a hi gandzeleni Xikwembu hi ndlela leyi amukelekaka, hi ku titsongahata ni xichavo.

Xitsonga (Bibele)

²⁸ Hikwalaho, leswi hi nga amukela ku fuma loku nga tsekatsekiki, a hi hlayiseni tintswalo leswaku hi tirhela Xikwembu ha tona hi mukhuva lowu xi tsakisaka, hi mafundza ni xichavo.

Vaheveru 12:28 Referans Kwoze

Vaheveru 13:15

Loko svilitano, ahihumeseni timhamba masiku hinkwawu ha yena Yesu, hidzunisa Xikwembu ha tona, na hili karhi hikhensa vito ra xona hi marito lawa mahumaka milon'weni ya hina.

Vaheveru 4:16

Hikolaho, ahitshineleni kusuhi ni xiluvelo xa timpsalu, na hili ni kutshemba ka lesvaku hitatsetseleliwa ni kukuma timpsalu letingata hi pfuna minkarhini ya kupfumala.

1 Petro 2:5

Kutani, kufana ni maribze lamahanyaka, na n'wina mifanele kuyakiwa miyendla yindlo ya moya, lesvaku mitava vaprista lavahlawulekeke, mihumesa timhamba ta moya letiyamukelekaka ka Xikwembu ha Yesu Kriste.

Nhlavutelo 1:6

ahiyendla tiko, ni kuva vaprista lavatirhelaka Xikwembu Tatana wa yena, ka yena Kriste akuve kudzuneka ni matimba, hilaha kungaheliki! Amen.

1 Petro 1:17

Loko mikhongela, mimuhlaya “Tatana”, yena lweyi ayavanyisaka munhu mun'wana ni mun'wana, na angayi hi nghohe kambe hi mintirho ya munhu; hi kolaho, hanyani hi xichavu, nkameni hinkwawu wa kuhanya ka n'wina laha misaveni.

Varhoma 11:20

Hi svona; maphatluliwile hikolaho ka kukala kupfumela; kutani wena uyima na utiyile hikolaho ka kupfumela. Ungatshuki utikulisa ha svona, kambe chava!

Nhlavutelo 15:4

I mani lweyi angatakala angakuchavi, wena Hosi, i mani lweyi angatayala kutwalisa vito ra wena ke? Hi wena ntsena lweyi akwetsimeke, kutani vamatiko hinkwavu vatata vatakhinsama mahlweni ka wena, hikuva mintirho ya wena leyolulama yi le rivaleni!”

1 Petro 2:20

Xana loko mibiwa hikolaho ka kujoha ka n'wina, kutani mitiyisela, svi ni kudzunisiwa svosvo ke? Kasi, loko miyendla lesvilulameke, kutani mitiyisela na mili karhi mitwisiwa kuvava hikolaho ka svona, svosvo svakhenseka ka Xikwembu.

Nhlavutelo 5:10

“Avayendlile tiko, ni kuva vaprista lavatirhelaka Xikwembu xa hina, kutani vatafuma misaveni.”

Vaheveru 10:19

Kutani-ke, vamakwerhu, lesvi hinga ni kutshemba lokutiyeke kunghena xivandleni xohlawuleka hikolaho ka ngati ya Yesu,

Vaheveru 3:6

Kambe Kriste, atshembekile tani hi n'wana lweyi anga n'winyi ndlwini ya Xikwembu. Kutani hina hi yindlo ya xona, loko hikhoma hitiya, kutshembeni ni le kutlangeleni ka hina hi tlhelo ra svilo lesvi hisvilangutelaka.

Matewu 25:34

Hilaha Hosi yingatabzela lavanga vokweni ra yona ra xinene yiku: “‘Tanani n'wina lavakatekisiweke hi Tatana wa mina, yamukelani Mfumu lowungalungiseliwa n'wina hi mpfhuka misava yitumbuluka;

Vaheveru 5:7

Masikwini ya yena ya kuhanya laha misaveni, Yesu akhongelile nikukombela hi kutitsongahata, ahuwelela hi matimba ni kurila minhloti, ka lweyi anga ni matimba ya kumuponisa kufeni, kutani ayingisiwile hikolaho ka xichavu xa yena.

Vafilipiya 4:18

Nikumile hakelo hinkwayu, ni kutlula. Ni ni lesvotala, hikuva Epafrodito anitisele tinyiko letihumaka ka n'wina. Tinyiko leti tifana ni mhamba leyinun'hwelaka, leyi yamukelekaka ka Xikwembu, yixitsakisa.

Vaefesa 5:10

Kambisisani, mivona lesvitsakisaka Hosi.

Vaefesa 1:6

kuyendlela lesvaku hixidzunisa ni kuxitwalisa hi mhaka ya timpsalu ta xona, leti xihinyikeke ka N'wana wa xona lweyi arhandzekaka.

Luka 1:33

Atafuma rixaka ra Yakobe hilaha kungaheliki; vuhosi bza yena bzingakala bzingaheli.”

Vaheveru 13:21

ingi xingamilongisa hinkwasvu lesvinene lesvingatamipfuna kuyendla kurhandza ka xona, na xili karhi xitirha ka hina lesvi xisvitsakelaka, ha Yesu Kriste. Ka xona akuve kudzuneka hi masiku ni masiku. Amen!