Vaheveru 12:16 - Testamente Leyimpsha Xichangana

¹⁶ Kungavi ni mun'we lweyi ahundzukaka muwosvi kumbe lweyi angaliki na mhaka ni vukhongeli, kufana na Esawu lweyi anga xavisa timfanelo ta vumativula bza yena hi mhaka ya mpandzwanyana wa svakuja.

BIBELE Mahungu Lamanene

¹⁶ Ku nga vi na un'we la hundzukaka muoswi kumbe la nga riki na mhaka ni vukhongeri, ku fana na Esawu la nga xavisa vuhosi bya yena ku kuma mpandzwanyana wa swakudya.

Xitsonga (Bibele)

¹⁶ Ku nga tshuki ku va na un'wana wa muoswi, hambi a ri musandzi, kukota Esawu, la nga xava swakudyanyana hi vuhosi bya yena.

Vaheveru 12:16 Referans Kwoze

Nhlavutelo 22:15

Lava vasalaka handle ka doropa hi lava vayendlaka lesvobiha, ni valoyi, ni vawosvi, ni vadlayi, ni lavagandzelaka svikwembu sva hava, ni hinkwavu lavatsakelaka vunhwa ni kuhanya ha rona.

Vaheveru 13:4

Muchado akuve lowu xiximiwaka hi vanhu hinkwavu, mubedo wa vatekani wunganyamisiwi, hikuva Xikwembu xitayavanyisa tinghwavana ni vawosvi.

Timhaka 15:29

Hi lesvaku mitshika tinyama letitlhaveliweke svikwembu sva hava, mingajeneni ngati ni lesvi vanhu vasvidlayeke hi kusvitlimba minkolo, mitshika ni vugelegele; Loko mifularhela svilo svesvo, mitava miyendlile lesvinene. “Salani hi kurhula!”

Marka 7:21

hikuva ndzeni, timbilwini ta vanhu, hi kona kuhumaka miyehleketo leyobiha, vuphukuphuku, vuyivi, vudlayi,

Nhlavutelo 21:8

Kambe loko mali matoya ni lavayalaka kupfumela ni lavayendlaka sva manyala, ni vadlayi ni vawosvi ni valoyi ni lavagandzelaka svikwembu sva hava ni vahembi hinkwavu, makumu ya vona kutava kuhoxiwa tiveni leripfurhaka ndzilo ni xivavula, ringa rona rifu ra vumbirhi.

Vakolosa 3:5

Loko svilitano, dlayani lesvi svinga sva misava ka n'wina, hi lesvaku vuwosvi, ni sva nsila, ni kuhisekela sva tingana, ni kunavela lokobiha, ni makwanga, kunga kugandzela svikwembu sva hava.

Vaefesa 5:5

Tivani mhaka leyi: Aku na munhu ni mun'we lweyi angatayaveliwa ndzhaka Mfun'wini wa Kriste ni wa Xikwembu, loko ahahanya hi vuwosvi, kumbe lweyi ayendlaka sva nsila, kumbe lweyi anga ni makwanga, hambi lweyi agandzelaka svikwembu sva hava.

2 Vakorinto 12:21

Nichava lesvaku loko ni ta le ka n'wina, Xikwembu xa mina xingatlhela xinitsongahata mahlweni ka n'wina, kutani narila hikolaho ka lavotala lavajoheke khale, lavangahundzukangiki timhakeni ta vona letokala tingabasanga, ni ta vuwosvi, ni ta manyala, leti vangatiyendla.

1 Vakorinto 10:8

Hingatshukeni hinghena vuwosvini, kufana ni lesvi van'wana va vona vayendliseke svona, kutani hi siku rin'we kulovile vanhu va makume mambirhi ya makhulu na manharhu (23 000).

Timhaka 15:20

“kambe ahivatsaleleni papela, hivabzela kutshika svakuja lesvinyamisiweke hi kuhumeseliwa svikwembu sva hava, vatshika ni vugelegele vangaji lesvi vanhu vasvidlayeke hi kusvitlimba minkolo, ni ngati vangaji”;

Vaefesa 5:3

Mi vahlawuliwa va Xikwembu, kutani vuwosvi, ni sva chaka hinkwasvu, ni makwanga, asvilaveki xikarhi ka n'wina, ni kukumbuka svingakumbukiwi.

1 Timotiya 1:9

na ali karhi atwisisa lesvaku milawu ayivekeliwanga lavalulameke, kambe yivekeliwile lavohomboloka ni lava vatiyalisaka; yiyendleliwile lavangachaviki Xikwembu ni lavajohaka, ni lavangakhongeliki, ni lavasandzaka lesvohlawuleka, ni lavadlayaka vatatana va vona kumbe vamamana va vona; milawu leyi yiyavanyisa svigevenga,