Vaheveru 12:14 - Testamente Leyimpsha Xichangana

¹⁴ Ringetani hi matimba kuhanya hi kurhula ni vanhu hinkwavu, miringeta ni kukwetsima, hikuva handle ka kukwetsima aku na munhu ni mun'we lweyi angatavona Hosi.

BIBELE Mahungu Lamanene

¹⁴ Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

Xitsonga (Bibele)

¹⁴ Hisekelani ku va ni ku rhula ni hinkwavo, ni ku kwetsima, loku, kungakuloko munhu a ku pfumala, a nga ka a nga voni Hosi;

Vaheveru 12:14 Referans Kwoze

2 Vakorinto 7:1

Varhandziwa, svitshembiso lesvi svinyikiwile hina. Hikolaho, hifanele kutibasisa, hisusa chaka hinkwaru ra miri ni ra moya, hihetiseka vutowini lebzohlawuleka, na hili karhi hichava Xikwembu.

1 Vatesalonika 4:7

Hikuva Xikwembu axihivitanelanga kuhanya kutshakeni, kambe kubaseni.

1 Petro 3:11

aatshike lesvohomboloka ayendla sva kululama; aalave kurhula atiyisela ndleleni yakona.

Varhoma 12:18

Yendlani hinkwasvu lesvi misvikotaka, hi tlhelo ra n'wina, kuhanyisana ni vanhu hinkwavu hi kurhula.

Varhoma 14:19

Loko svilitano ke, ahilaveni lesvihipfunaka kuhanya hi kurhula, ni kuyakisana.

1 Vatesalonika 3:13

hi ndlela yoleyo, yitatiyisa timbilu ta n'wina, kutani mitapfumala xisolo, miva lavahlawulekeke mahlweni ka Xikwembu Tatana wa hina, siku leri Hosi ya hina Yesu angatavuya hi rona, svin'we ni vahlawuliwa va yena hinkwavu.

Varhoma 6:22

Kambe svosvi, mitshunxiwile kujoheni, mihundzukile vatirhi va Xikwembu, kutani mihandzu leyi miyitshovelaka svosvi yimiyisa kutengeni; kuheteleleni, mitakuma vutomi lebzingaheliki.

3 Yohane 1:11

Murhandziwa, ungatekeleli mikhuva leyi yobiha, kambe tekelela leyi yosaseka. Lweyi ayendlaka lesvinene i wa Xikwembu; kambe lweyi ayendlaka lesvobiha angavonanga Xikwembu.

Vaefesa 5:5

Tivani mhaka leyi: Aku na munhu ni mun'we lweyi angatayaveliwa ndzhaka Mfun'wini wa Kriste ni wa Xikwembu, loko ahahanya hi vuwosvi, kumbe lweyi ayendlaka sva nsila, kumbe lweyi anga ni makwanga, hambi lweyi agandzelaka svikwembu sva hava.

Vaheveru 12:10

Vatatana va hina vahilayile hi nkarhinyana, hi kurhandza ka vona, kambe yona Hosi yihilayela kuhipfuna, lesvaku hihlengela vukwetsimi bza yona.

1 Timotiya 6:11

Kambe loko ali wena, munhu wa Xikwembu, fambela kule ni svilo lesvi hinkwasvu. Kongoma kululama, ni vukhongeli, ni kupfumela, ni rirhandzu, ni kutiyisela, ni timpsalu.

1 Petro 3:13

Hi svosvo ke, xana i mani lweyi angamiyendlaka lesvobiha, loko n'wina mihisekela kuyendla lesvilulameke ke?

Marka 9:50

“Munyu i xilo lexinandzihaka; kambe loko munyu wupshama, mitawupfuxeta ha yini ke? Vanani munyu ha n'wexe, mihanya hi kurhula ni van'wana.”

2 Petro 3:11

Lesvi kungatapsha svilo lesvi hinkwasvu svihela hi ndlela leyi, mifanele kuva ni vutomi lebzohlawuleka bza vukhongeli,

1 Vakorinto 1:10

Namikhongotela vamakwerhu, hi vito ra Hosi ya hina Yesu Kriste, nili: Twananani hinkwenu kuvulavuleni. Kungatshuki kuva ni kuhambana xikarhi ka n'wina, kambe mihlangana miva van'we kupimiseni ni le makungwini ya n'wina;

Luka 1:75

hi kuhlawuleka ni kululama mahlweni ka xona, masiku hinkwawu ya kuhanya ka hina.

2 Timotiya 2:22

Chava kuhluliwa hi kunavela loku kutelaka lavampsha, ulandza kululama, ni kupfumela, ni rirhandzu, ni kurhula, svin'we ni lavakhongelaka Hosi hi timbilu letitengeke.

1 Vatesalonika 5:15

Vonani lesvaku kungavi ni lweyi atlheliselaka svobiha hi lesvobiha; kambe hi masiku hinkwawu, ringetani kuyendlelana lesvinene, misviyendla ni le ka hinkwavu.

2 Petro 3:18

Kambe kulani, na mili timpsalwini ni le kutiveni ka Yesu Kriste, Hosi ya hina ni Muponisi wa hina. Ka yena akuve kutwala svosvi, ni kuyafika sikwini leringaheliki. Amen!

Vafilipiya 3:12

Anivuli lesvaku nisvikumile svosvo, kumbe lesvaku nihetisekile, ihim; kambe niringeta kutikarhata lesvaku nisvikuma sviva sva mina, hikuva Yesu Kriste anikumile aniyendla wa yena.

2 Vakorinto 6:17

Hikolaho, Hosi yili: “Humani xikarhi ka vona, mihambana na vona; mingatshukeni mikhumba lesvinyameke, kutani nitamiyamukela.

1 Vakorinto 13:12

Svosvi hivona hi riphume tani hi le ka xivonivoni; kambe nkameni wolowo, hitalangutana hi mahlo; svosvi vutivi bza mina abzihetisekanga, kambe nkameni wolowo nitativa hi kuhetiseka, tani hi lesvi Xikwembu na xona xinitivaka hi kuhetiseka.

Vagalatiya 3:21

Loko svilitano, xana Nawu wulwa ni svitshembiso sva Xikwembu ke? Nisvitsongo! Hikuva loko onge kuvekiwile Nawu lowu wukotaka kunyika vanhu vutomi, vanhu avatayendliwa lavalulameke hi kuhlayisa Nawu;

Vaheveru 9:28

svafana na Kriste: Anyiketiwile kan'we kurhwala svijoho sva lavotala; hi kolaho, atahumelela ka vumbirhi, kungali kutasusa svijoho, kambe kutaponisa lava vamulanguteleke hi kuhiteka.