Vaheveru 12:11 - Testamente Leyimpsha Xichangana

¹¹ Hikuva kulaya hinkwaku, kuvoneka na kuvavisa hi nkarhinyana wolowo, lokungatsakisiki, kambe ndzhaku, kuveka mihandzu ya kurhula ya vutomi lebzolulama, ka lava vajondzisiweke hi kona.

BIBELE Mahungu Lamanene

¹¹ Hikuva ku laya hinkwako, ku vonaka ku ri loku vavisaka enkarhinyana wolowo, loku nga tsakisiki, kambe endzhaku, ku veka mihandzu ya ku rhula ya vutomi lebyo lulama, eka lava va dyondzisiweke hi kona.

Xitsonga (Bibele)

¹¹ Kambe ku laya kun'wana ni kun'wana, loko ku humelela, a ku ringanisiwi leswaku ku nga hi tsakisa, kambe ka hi ririsa; ntsena endzhaku, ku tlhela ku nyika lava dyondzisiweke hakona mihandzu leyo lulama, leyo tenga.

Vaheveru 12:11 Referans Kwoze

2 Vakorinto 4:17

Hikuva maxangu lawa mangaliki na kutika ngopfu, lawa manga ya nkamanyana ntsena, mahitisela kukwetsima loku kunga ni ntikelo svinene, lokungaheliki, lokutlulaka ngopfu mpimo hinkwawu.

1 Petro 1:6

Mhaka leyi yamitsakisa, hambi loko svosvi mahafanela kutwa kuvava nkarhinyana, hikolaho ka miringo ya tinxakaxaka.

Vaheveru 12:10

Vatatana va hina vahilayile hi nkarhinyana, hi kurhandza ka vona, kambe yona Hosi yihilayela kuhipfuna, lesvaku hihlengela vukwetsimi bza yona.

Vaheveru 5:14

Kambe svakuja lesvitiyeke i sva lava vakuleke, i sva lava miyehleketo ya vona yitoloveleke kuyehleketa, lavatoloveleke kuhlawula lesvinene ka lesvobiha.

Varhoma 14:17

Hikuva Mfumu wa Xikwembu ahi kuja, ahi kunwa; kambe i kululama ni kurhula ni kutsaka, hi matimba ya Moya Lowokwetsima.

2 Petro 2:14

Va ni mahlo lawa mataleke hi vunghwavana, lawa manga ni torha ra svijoho. Varhiya mimoya leyingatiyangiki. Va ni timbilu leti toloveleke makolo. I vanhu lavarhukiweke hi Xikwembu.

2 Timotiya 4:8

Lesvisaleke hi lesvaku hari ya vahluli yinirindzelile, kunga kululama loku Hosi, muyavanyisi lweyi wolulama, yingataninyika hi siku lerikulu; kutani ayinganyiki mina ntsena, kambe yitanyika ni hinkwavu lavatsakeleke kuhumelela ka yona.