Vaheveru 11:26 - Testamente Leyimpsha Xichangana

²⁶ Ayehleketile lesvaku kurhuketeliwa hikolaho ka Mesiya i rifuwo leritlulaka vukosi hinkwabzu bza Gibita, hikuva aalangutela hakelo leyi yahataka.

BIBELE Mahungu Lamanene

²⁶ Ú ehleketile leswaku ku rhuketeriwa hikwalaho ka Mesiya i rifuwo leri tlulaka vukosi hinkwabyo bya Egipta, hikuva a a langutela hakelo leya ha taka.

Xitsonga (Bibele)

²⁶ a ringanisa leswaku xisandzu xa Kriste i rifuwo leri tlulaka xuma xa Egipta, hikuva a a langutele hakelo.

Vaheveru 11:26 Referans Kwoze

Vaheveru 11:6

kutani handle ka kupfumela asvikoteki kutsakisa Xikwembu. Mani na mani lweyi alavaka kutshinelela Xikwembu afanele kupfumela lesvaku xiko na, ni lesvaku xihakela lava vaxilavaka.

Vaheveru 10:35

Hikolaho, mingaheleni mbilu, hikuva kutiyisela ku ni hakelo leyikulu.

Nhlavutelo 3:18

Loko svilitano, nakukhutaza lesvaku uxava ka mina golidi leyi yibasisiweke yiva yisasekisiwa hi ndzilo, lesvaku uva xipfundzi; xava ni sviyambalu svobasa lesvaku usviyambala, ufunengeta tingana ta vusveti bza wena lesvaku bzingavoneki; xava ni murhi wotota mahlo ya wena lesvaku utakota kuvona.

1 Petro 4:14

Loko misoliwa hikolaho ka vito ra Kriste, mikatekile, hikuva Moya lowukwetsimaka, lowunga wa Xikwembu, wu le ka n'wina.

Vaheveru 2:2

Hikuva loko mhaka leyivuliweke hi tintsumi yitiyisiwile, ni loko kutlula ka milawu ni kutiyalisa hinkwaku kukumile kukhatisiwa loku kufanelaka,

2 Vakorinto 6:10

havavisiwa, hambi svilitano hitsakile masiku hinkwawu; wonge hisvisiwana, kasi hifuwisa lavotala; wonge ahi na nchumu, kasi hi ni svilo hinkwasvu.

Luka 14:14

utakateka, hikuva ava na sva kukutlhelisela vakukhensa ha svona, kutani hi siku ra kupfuka ka lavolulama utatlheliseliwa svona.”

Matewu 5:12

Tsakani, mitsakisisa, hikuva hakelo ya n'wina i yikulu matilweni; hikuva vaxanisise xisvosvo vaprofeta lava avali kona, na n'wina mingasivakona.”

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

2 Vakorinto 12:10

Hikolaho niyamukela hi kutsaka kutsana, ni maxangu, ni kukarhateka, ni kuxanisiwa, ni mahlomulu, hikolaho ka Kriste; hikuva loko nitsanile, hi kona ninga ni matimba.

1 Petro 1:11

vakambisisile hi kulava kutiva lesvaku xana Moya wa Kriste lowu avali na wona, awukomba mani kumbe nkama wihi ke, loko wuli karhi wutivisa ta mahlomulu ya Kriste lweyi, ni kudzunisiwa loku akutalandzela ndzhaku.

Vaheveru 13:13

Hikolaho, ahihumeni hiya le ka yena handle ka vugovelo, nahirhwele kurhuketeliwa ka yena.

Vaheveru 10:33

Nkarhi wun'wana amiyimisiwa mahlweni ka vanhu mirhuketeliwa ni kuxanisiwa; nkarhi wun'wana amiyima ni lava avaxanisiwa hi ndlela yoleyo.

Vafilipiya 3:7

Kambe lesvi anitiseketela ngopfu hi svona, nisvilangutile svili lesvi svingahapfuniki nchumu ka mina hikolaho ka Kriste.

Vaefesa 1:18

na mahlo ya timbilu ta n'wina mavoningiwile, mitativa lesvaku kulangutela loku ximivitanelaka kona hi loku koyini, ni lesvaku kutala ka ndzhaka ya xona leyosaseka ngopfu leyitshembisiwaka vahlawuliwa va xona, hi leyoyini,

Timhaka 5:41

Loko vali vona, vahuma hubzeni na vatsakile, hikuva avakumiwile na vali lavafanelaka kusoliwa hikolaho ka vito ra Yesu.

Matewu 10:41

Lweyi ayamukelaka muprofeta hi lesvi anga muprofeta, atakuma hakelo yofana ni ya muprofeta; ni lweyi ayamukelaka lweyi alulameke hi lesvi anga lweyi alulameke, atakuma hakelo yofana ni ya lweyi alulameke.

Matewu 6:1

Tivoneleni lesvaku mingayendli timfanelo ta n'wina ta kunyika svisiwana mahlweni ka vanhu na miyendlela kuvoniwa hi vanhu; loko miyendlisa svosvo, amingayikumi hakelo ka Tatana wa n'wina lweyi anga matilweni.

Nhlavutelo 2:9

Nitiva maxangu ya wena ni vusiwana bza wena (kambe u xipfundzi), nitiva ni kusandziwa ka wena hi lava vativulaka Vayuda, na vangali vona, kambe na vali va Sinagoga ya Sathana.

Luka 14:33

Kutani-ke mani na mani xikarhi ka n'wina lweyi angatshikiki lesvi anga na svona, angakala angakoti kuva mujondzisiwa wa mina.