Vaheveru 11:16 - Testamente Leyimpsha Xichangana

¹⁶ Kambe, hilaha svinga hakona, vanavela tiko lerinene kutlula leriya, anga lesvaku ra le tilweni; hi kolaho Xikwembu axi na tingana hi vona, ni loko vaxivula Xikwembu xa vona, hikuva xivalungiselile doropa.

BIBELE Mahungu Lamanene

¹⁶ Kambe, hilaha swi nga hakona, va navela tiko lerinene ku tlula leriya, hileswaku ra le tilweni; hikokwalaho Xikwembu a xi na tingana hi vona loko va xi vula Xikwembu xa vona, hikuva xi va lunghisele muti.

Xitsonga (Bibele)

¹⁶ Kambe sweswi, va navela tiko ra rikwavo leri tlurisaka hi ku saseka, eka rikwavo ka le tilweni; hikwalaho Xikwembu xi nga riki na tingana hikwalaho ka vona, ni ku tivula Xikwembu xa vona, hikuva xi va lunghiserile muti.

Vaheveru 11:16 Referans Kwoze

Vaheveru 13:14

Hikuva laha misaveni, ahi na doropa leritiyeke, kambe hilava doropa leri rahataka.

Vaheveru 11:10

Mhaka hi lesvaku aalangutela doropa leringa ni masungulu lamanene, leri muyaki ni muyendli wa rona xinga Xikwembu.

Vafilipiya 3:20

Kambe ra hina kaya ri le matilweni, kutani hi langutela hi mbilu hinkwayu Muponisi wa hina lweyi angatata na ahuma kona, anga Hosi Yesu Kriste.

Yohane 14:2

Tindhawu titele ndlwini ya Tatana wa mina; loko asvingaritano, anitava nimibzelile; kutani niyamilungisela kona.

Vaheveru 2:11

Hambi ali Yesu lweyi abasisaka vanhu svijohweni, hambi vali lavabasisiwaka, hinkwavu vahuma ka Tatana mun'we. Hi yona mhaka leyi yendlaka lesvaku Yesu anga khomiwi hi tingana nikuvavula vamakwavu,

Matewu 25:34

Hilaha Hosi yingatabzela lavanga vokweni ra yona ra xinene yiku: “‘Tanani n'wina lavakatekisiweke hi Tatana wa mina, yamukelani Mfumu lowungalungiseliwa n'wina hi mpfhuka misava yitumbuluka;

Vaheveru 12:22

Kambe n'wina, mitshinelele ntshava ya Siyoni ni doropa ra Xikwembu lexihanyaka, Yerusalema wa le tilweni, ni le ka tintsumi letingakontekiki hi kutala. Mitile nkhubzini wa kutsaka,

Vaheveru 11:14

Vanhu lava vavulavulisaka lesvi, vakombisa svinene lesvaku valava tiko leringa ra vona.

2 Timotiya 4:18

Hosi yitaniwutla ni le kubiheni hinkwaku, yiniponisa lesvaku nitakuma Mfumu wa yona wa le matilweni, ka yona akuve kudzuneka hilaha kungaheliki. Amen.

Marka 8:38

Lweyi anga ni tingana hikolaho ka mina ni marito ya mina rixakeni leri ra vawosvi ni vajohi, N'wana-wa-Munhu na yena atakhomiwa hi tingana hikolaho ka munhu lweyi siku leri angatavuya akukwetsimeni ka Tatana na ali ni tintsumi letokwetsima.”

Timhaka 7:32

Hi mina Xikwembu xa vatatana va wena, Xikwembu xa Abrahamu ni xa Izaki ni xa Yakobe. Kutani Moxe arhurhumela, achava ni kulangutisisa.

Luka 12:32

“Ungachavi wena ntlhambinyana, hikuva Tatana wa n'wina atsakele kuminyika Mfumu.

Marka 12:26

Loko vali vafi ni kupfuka ka vona, xana amihlayanga ta vona bukwini ra Moxe ke? Loko Xikwembu xivulavule na yena xihlahleni, xite: ‘Hi mina Xikwembu xa Abrahamu, ni Xikwembu xa Izaki, ni Xikwembu xa Yakobe!’

Luka 20:37

Loko kuli kupfuka ka vafi, Moxe na yena atiyisile mhaka loko ali kusuhi ni xihlahla, kutani avula lesvaku Hosi i Xikwembu xa Abrahamu, ni Xikwembu xa Izaki, ni Xikwembu xa Yakobe.

Vaheveru 10:34

Mikombile timpsalu ka lava vapfaleliweke jele; nasvona misvitekile hi moya wa kutsaka loko svilo sva n'wina sviphangiwa, hikuva amitiva lesvaku mi ni rifuwo leritlulaka svosvo, leringatava kona hilaha kungaheliki.

Vaheveru 11:40

Hikuva Xikwembu axili ni makungu man'wana lamanene hi tlhelo ra hina, lesvaku vangayendliwi lavahetisekeke loko hina hingali kona.

Nhlavutelo 21:2

Kutani nivona doropa Lerokwetsima ra Yerusalema Lwemumpsha, na rixika hi le tilweni rihuma ka Xikwembu, na ritilulamiselile tani hi mutekiwa loko atisasekiselela nuna wa yena.