Vaheveru 10:29 - Testamente Leyimpsha Xichangana

²⁹ Kutani-ke, miyehleketa yini hi munhu lweyi akandziyeleke milengeni ya N'wana wa Xikwembu, lweyi anyamiseke ngati ya ntwananu leyi angakwetsimisiwa ha yona, atlhela arhuketela Moya wa timpsalu, xana? Xana munhu lweyi atabiwa hi nhonga leyovavisa kufika kwihi ke?

BIBELE Mahungu Lamanene

²⁹ Kutani, xana mi ehleketa yini hi munhu loyi a soleke N'wana wa Xikwembu, a nga vuli nchumu hi ngati ya ntwanano leyi a nga hlawulekisiwa ha yona, a tlhela a rhuketela Moya wa tintswalo, xana? Xana yena ú ta biwa hi nkhavi lowo vavisa ku yini?

Xitsonga (Bibele)

²⁹ xana loko mi ehleketa, a hi ku biwa loku tlurisaka loku a nga ta ringanisiwa hakona, loyi a kandziyeleke N'wana wa Xikwembu, a ringaniseke leswaku ngati ya ntwanano leyi a hlantswiweke ha yona a hi nchumu, a engeta a sandza Moya wa tintswalo xana?

Vaheveru 10:29 Referans Kwoze

Vaheveru 6:6

loko kutani vatlhelela ndzhaku, asviyendleki kuvavuyisela kambe kuhundzukeni; vatlhela vavamba N'wana wa Xikwembu, vamuhundzula xihlekiso.

Vaefesa 4:30

Mingakhomisini tingana Moya Lowokwetsima wa Xikwembu, hikuva i mfungu wa Xikwembu wukomba lesvaku mi vanhu va xona, ni lesvaku siku rata, leri xingatamiponisa ha rona.

1 Vakorinto 11:27

Hikolaho, mun'wana ni mun'wana lweyi ajaka xinkwa lexi, kumbe lweyi anwelaka ndzhekweni wa Hosi hi ndlela leyingalulamangiki, atava ni nandzu wojohela miri ni ngati ya Hosi.

Luka 12:10

“Mani na mani lweyi angatajohela N'wana-wa-Munhu hi kuvulavula rito rokarhi ntsena, atarivaleliwa, kambe lweyi asandzaka Moya Lowokwetsima angakala angarivaleliwi.

Vaheveru 2:3

xana hina hingapona hi ndlela yihi, loko hinyenya kuponisiwa lokukulu kotanu ke? Hosi yivulile ta kuponisiwa loku, na kahali kusunguleni, kutani kutlhela kutiyisiwa ka hina hi lava vatweke timhaka takona.

Timhaka 7:51

“N'wina vatinhamu letononon'hwa, n'wina va timbilu letingapfumeliki ni tindleve letingatwiki! Masiku hinkwawu miyalela Moya Wokwetsima; mifana svinene ni vatatana va n'wina.

Vaheveru 12:25

Tivoneleni lesvaku mingayaleli lweyi avulavulaka. Lava vayaleke kuyingisa mutsundzuxi wa vona laha misaveni, avaponanga. Hikolaho, xana hina hingaponisa kuyini, loko hiyala kuyingisa lweyi ahitsundzuxaka na ali matilweni xana?

Vaheveru 9:13

Hikuva, lesvi vanhu lavokala vangatenganga vakwetsimisiwaka hi kukuma kubasisiwa mirini wa vona, loko van'watsekiwa hi ngati ya sviphongo, ni ya maduna, kumbe hi nkuma wa thokazi lerihisiweke,

1 Vakorinto 11:29

hikuva loko munhu aja ni kunwa na ali karhi angativisisanga svinene ta miri wa Hosi, aja ni kunwa kuyavanyisiwa ka yena.

Vaheveru 6:4

Asvinge koteki ka lava vatshamaka vavoningiwa hi Xikwembu, lavanampseke nyiko ya le tilweni, lavayaveliweke Moya Lowokwetsima,

Vaheveru 2:11

Hambi ali Yesu lweyi abasisaka vanhu svijohweni, hambi vali lavabasisiwaka, hinkwavu vahuma ka Tatana mun'we. Hi yona mhaka leyi yendlaka lesvaku Yesu anga khomiwi hi tingana nikuvavula vamakwavu,

Yohane 17:19

Kutani nitikwetsimisa hikolaho ka vona, lesvaku na vona vakwetsimisiwa antiyisweni.

Matewu 7:6

Minganyikeni timbzana svilo lesvihlawulekeke, hikuva tingamihundzukela, timikakatlula; nasvona mingahoxi maperola ya n'wina mahlweni ka makhumba, hikuva matamakandziyela.

Vaheveru 13:20

Svosvi-ke, Xikwembu xa kurhula lexipfuxeke Hosi ya hina Yesu xikarhi ka vafi, yena lweyi anga Murisi Lwenkulu wa tinyempfu, lweyi angafunga ntwananu lowungaheliki hi ngati ya yena,

Yohane 10:36

Kutani-ke, hikolaho ka yini miku: “Asandza Xikwembu hi mhaka ya lesvi ningate: Ni N'wana-wa-Xikwembu xana? Kasi hi mina lweyi Tatana angamukwetsimisa ni kumurhuma misaveni.

Vaheveru 9:20

aku: “Leyi i ngati ya ntwananu lowu Xikwembu ximileriseke wona kuwuhlayisa.”

1 Vakorinto 15:25

Hikuva Kriste afanele kufuma, kukondza Xikwembu xiveka valala hinkwavu hansi ka minkondzo ya yena.

Varhoma 16:20

Xikwembu lexinyikaka kurhula, xitahantla xipfotlosela Sathana hansi ka milenge ya n'wina. Timpsalu ta Hosi ya hina Yesu, ative na n'wina!

Matewu 26:28

hikuva leyi i ngati ya mina, ngati ya ntwananu leyihalateliwaka lava votala lesvaku varivaleliwa svijoho.

1 Vakorinto 15:27

tani hi kuvula ka Matsalwa: “Xikwembu xivekile hinkwasvu hansi ka minkondzo ya yena.” Kutani loko Matsalwa mahlaya lesvaku: “Hinkwasvu svivekiwile hansi ka yena”, svatwala lesvaku akukatsiwi Xikwembu, hikuva hi xona xivekeke svilo hinkwasvu hansi ka Kriste.

Marka 7:2

loko vavona vajondzisiwa van'wana va yena, vaja svakuja hi mavoko lawa machakeke, hi lesvaku lawa mangahlambiwangiki.

1 Vakorinto 6:11

Hi lesvi van'wana va n'wina amili svona; kambe svosvi mibasisiwile, nasvona miyendliwile lavahlawulekeke ni lavalulameke, hi vito ra Hosi Yesu Kriste ni Moya wa Xikwembu xa hina.

Vaefesa 5:26

Ayendlile lesvi lesvaku atayihlawulekisa hi rito ra yena, ayiyendla leyitengeke hi kuyikhuvula hi mati.

Vaheveru 4:14

Loko svilitano, lesvi hinga ni Muprista lwenkulu svinene lweyi atsemakanyeke matilo, anga yena Yesu N'wana wa Xikwembu, ahikhomeni svitiya ka vumboni bza kupfumela ka hina.

Vaheveru 10:10

Kutani, lesvi ayendleke kurhandza loku ka Xikwembu, hina hiyendliwile lavahlawulekeke hi miri wa Yesu Kriste, lowu awunyiketeke kuva mhamba kan'we ntsena sviva svihela kolaho.

Nhlavutelo 1:5

ni le ka Yesu Kriste, mboni leyotshembeka, mativula ya lavafeke ni mufumi wa tihosi ta misava. Ka lweyi ahirhandzaka, lweyi ahitshunxeke svijohweni sva hina hi ngati ya yena,