Vaheveru 10:22 - Testamente Leyimpsha Xichangana

²² ahitshineleleni Xikwembu hi mbilu leyinamarhelaka ntiyiso ni kupfumela lokuhetisekeke; timbilu ta hina leti n'watsekiweke, atibase tihambana ni ripfalu lerobiha, ni miri wa hina wuva lowuhlampsiweke hi mati lawa yotenga.

BIBELE Mahungu Lamanene

²² a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.

Xitsonga (Bibele)

²² a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

Vaheveru 10:22 Referans Kwoze

Yohane 3:5

Yesu amuhlamula aku: Kunene, nili ka wena: Loko munhu angapsaliwi hi mati ni Moya angakala angangheni kufumeni ka Xikwembu.

1 Petro 3:21

Ntsakamiso wuyelana ni mhaka leyi; svosvi wa miponisa, kungali hi kususa nsila mirini, kambe hi kuyendla lesvaku mikombela ripfalu leribaseke ka Xikwembu. Ntsakamiso wa miponisa hi mhaka ya kupfuka ka Yesu Kriste kufeni,

Vaefesa 5:26

Ayendlile lesvi lesvaku atayihlawulekisa hi rito ra yena, ayiyendla leyitengeke hi kuyikhuvula hi mati.

1 Vakorinto 6:11

Hi lesvi van'wana va n'wina amili svona; kambe svosvi mibasisiwile, nasvona miyendliwile lavahlawulekeke ni lavalulameke, hi vito ra Hosi Yesu Kriste ni Moya wa Xikwembu xa hina.

Vaheveru 7:19

(hikuva Nawu awuyendlanga xilo ni xin'we xiva lexihetisekeke); hi tlhelo rin'wana kutisiwile kulangutela lokumpsha, loku hakona hitshinelelaka Xikwembu.

2 Vakorinto 7:1

Varhandziwa, svitshembiso lesvi svinyikiwile hina. Hikolaho, hifanele kutibasisa, hisusa chaka hinkwaru ra miri ni ra moya, hihetiseka vutowini lebzohlawuleka, na hili karhi hichava Xikwembu.

Vaheveru 4:16

Hikolaho, ahitshineleni kusuhi ni xiluvelo xa timpsalu, na hili ni kutshemba ka lesvaku hitatsetseleliwa ni kukuma timpsalu letingata hi pfuna minkarhini ya kupfumala.

Vaheveru 12:24

mitile ka Yesu, muyimeli wa ntwananu lowumpsha, ni le ngatini leyin'watsekiweke, leyivulavulaka lesvikulu kutlula ngati ya Abele.

Tito 3:5

xihiponisile. Kungali hi mhaka ya mintirho leyolulama leyi hina hi hoxe hiyiyendleke, kambe xihiponisile hi timpsalu ta xona, hi kuhlampsiwa loku kuyendlaka lesvaku Moya Lowokwetsima wuhinyika kupsaliwa ra vumbirhi, ni vutomi lebzimpsha.

1 Petro 1:2

vanga lavahlawuliweke khale hi vutivi bza Xikwembu Tatana, vahlawulekisiwa hi Moya lesvaku vayingisa Yesu Kriste ni kuxuviwa hi ngati ya yena, nili: Timpsalu ni kurhula asvive na n'wina hi ntalu.

Vaefesa 3:12

Hi kuhlangana na yena, ni kupfumela ka yena, hi tshunxekile kuta mahlweni ka Xikwembu na hingali na kukanakana.

Yakobo 4:8

Tshinelani kusuhi ni Xikwembu kutani xitatshinela kusuhi na n'wina. Hlambani mandla ya n'wina, n'wina vajohi, mibasisa timbilu ta n'wina, n'wina vanhu va miyehleketo yimbirhi.

Vaheveru 9:19

Hikuva loko xileriso xin'wana ni xin'wana xa Nawu xitivisiwile hi Moxe ka vanhu hinkwavu, atekile ngati ya marhole ni mati, ateka ni voya ropshuka ni xiphundla xa hisopa, an'watsekela buku ya Nawu hasvona ni vanhu hinkwavu,

Matewu 3:11

Loko nili mina, nimikhuvula hi mati hi kuya hi kuhundzuka ka n'wina, kambe lweyi ataka hi le ndzhaku ka mina, wanitlula hi matimba; asvinifaneli kutamela amasandhazi ya yena, hi yena lweyi angatamikhuvula hi Moya Lowokwetsima ni ndzilo.

Yakobo 1:6

Ntsena, aakombele hi kupfumela, na angakanakani, hikuva lweyi akanakanaka, afana ni gandlati ra lwandle leribiwaka riyisiwa hala ni hala hi mheho.

Vaheveru 11:28

Hi kupfumela, alungisile Paska, an'watsekela asvipfalu hi ngati lesvaku Mudlayi wa mativula angakhumbi mativula ya Vaisrayele.

Vaheveru 10:19

Kutani-ke, vamakwerhu, lesvi hinga ni kutshemba lokutiyeke kunghena xivandleni xohlawuleka hikolaho ka ngati ya Yesu,

Vaheveru 9:10

kambe svotirha ka svakuja, ni sva kunwa, ni mikhuva leyotala ya kutibasisa, ni milawu ya sva miri leyivekiweke, kukondza kufika nkarhi wa kupfuxeta hinkwasvu.

1 Timotiya 4:2

ni hikolaho ka kukanganyisiwa hi vahembi lava vafeke mapfalu.

Nhlavutelo 1:5

ni le ka Yesu Kriste, mboni leyotshembeka, mativula ya lavafeke ni mufumi wa tihosi ta misava. Ka lweyi ahirhandzaka, lweyi ahitshunxeke svijohweni sva hina hi ngati ya yena,

Vaefesa 6:5

N'wina svikarawa, yingisani vinyi va n'wina va laha misaveni, hi xichavu ni kurhurhumela, misviyendla hi mbilu leyibaseke, kufana ni loko mitirhela Kriste hi xiviri;

Timhaka 8:21

Ntirho lowu ahi wa wena, awungheni ka wona, hikuva mbilu ya wena ayilulamanga mahlweni ka Xikwembu.

Yohane 8:9

Loko vatwile svosvo, vasuka hi mun'we mun'we, kusungula hi lavakulu kuyafika ka lava vatsongo; kutani Yesu asala ali yexe, lweyi wansati alikolaho xikarhi.

Luka 1:1

Lava votala se varingetile kutsala marungula ya timhaka letihumeleleke xikarhi ka hina;

Timhaka 22:16

Svosvi-ke, uhlwelela yini? Suka uyima, ukhuvuliwa lesvaku ubasisiwa asvijohweni sva wena, hi kukhongela vito ra yena.’

Vaheveru 6:11

Kutani hinavela ngopfu lesvaku mun'wana ni mun'wana wa n'wina akomba kuchivirika koloko kuyafika makumu, kukondza kuhetiseka kulangutela ka n'wina.

Vaheveru 10:1

Lesvi Nawu wunga ndzhuti ntsena wa lesvosaseka lesvingatahumelela, ahi ntiyiso wa xiviri wa svilo svakona, xilesvo svingakala svingasvikoti, kuva timhamba tin'we ni leti tihumesiwaka hi kuphindhaphindha malembe hinkwawu, kuyendla lesvaku lavatshinelelaka Xikwembu vava lavahetisekeke.