Vagalatiya 3:2 - Testamente Leyimpsha Xichangana

² Nibzeleni mhaka yili yin'we ntsena: Xana minyikiwile Moya hi lesvi mihlayiseke Nawu ke, kumbe xana hi lesvi mipfumeleke Evhangeli, siku leri mingayitwa ke?

BIBELE Mahungu Lamanene

² Ndzi byeleni mhaka leyi yin'we ntsena: Xana mi nyikiwile Moya hileswi mi hlayiseke Nawu xana, kumbe xana hileswi mi pfumeleke Evhangeli, siku mi nga yi twa ke?

Xitsonga (Bibele)

² Ndzi rhandza ku twa eka n'wina mhaka leyi ntsena: Xana mi nyikiwe Moya hi mitirho ya nawu, kumbe hi ku yingisa ta ku pfumela?

Vagalatiya 3:2 Referans Kwoze

Vagalatiya 3:14

Hi svolesvi Kriste asviyendleke, lesvaku nkateko lowu Xikwembu xiwunyikeke Abrahamu wufika ka vamatiko ha Yesu Kriste, ni lesvaku, hi kupfumela, hiyamukela nyiko ya Moya leyi hitshembisiweke yona.

Timhaka 15:8

Kutani Xikwembu lexitivaka timbilu ta vanhu, xikombile lesvaku vayamukeleka ka xona hi kuvanyika Moya Wokwetsima kukotisa hina;

Vagalatiya 3:5

Xana lweyi amiyavelaka Moya, atlhela ayendla svihlamaliso xikarhi ka n'wina, asviyendla hi mhaka ya lesvi mihlayisaka Nawu, kumbe hi lesvi mipfumeleke Evhangeli, siku leri mingayitwa, ke?

Vaheveru 2:4

Xikwembu na xona axilikarhi xitiyisa vumboni bzakona hi kuyendla svikombiso ni svihlamaliso ni mahlori ya tinxakaxaka, ni kuyavela tinyiko ta Moya Lowokwetsima hi kurhandza ka xona.

Timhaka 8:15

loko vona vafikile, vakhongelela vapfumeli lesvaku vanyikiwa Moya Wokwetsima,

Timhaka 2:38

Petrosi aku ka vona: “Hundzukani, kutani mun'wana ni mun'wana wa n'wina akhuvuliwa hi vito ra Yesu Kriste, lesvaku mirivaleliwa svijoho sva n'wina; kutani mitayamukela nyiko, wunga Moya Wokwetsima,

Vaheveru 6:4

Asvinge koteki ka lava vatshamaka vavoningiwa hi Xikwembu, lavanampseke nyiko ya le tilweni, lavayaveliweke Moya Lowokwetsima,

Varhoma 1:17

Ka yona kuhlavuteliwa hilaha vanhu vayendliwaka lavalulameke hi Xikwembu hakona; lesvi svikumiwa ntsena hi kupfumela, nkama hinkwawu, hilaha Matsalwa mahlayaka hakona maku: “Lweyi ayendliwaka lweyi alulameke hi kupfumela, atahanya.”

1 Petro 1:12

Vakombisiwile hi kuhlavuteliwa lesvaku avangatitirheli, kambe avatirhela n'wana, ka svilo lesvi mitivisiweke svona svosvi. Mitivisiwile svilo svakona hi lava vapaluxeke Evhangeli ka n'wina, hi Moya Lowokwetsima lowurhumeliweke hi le tilweni. Svilo svakona, tintsumi na tona tanavela kusvihlometela.

2 Vakorinto 11:4

Hikuva loko kufika mun'wana, amijondzisa ta Yesu mun'wana, angali yena lweyi himijondziseke ta yena, kumbe loko miyamukela moya wun'wana, wungali wona lowu miwuyamukeleke, kumbe evhangeli yin'wana, yingali yona leyi miyiyamukeleke ka hina, mitwanana na svona hi ndlela yohlamalisa.

1 Vakorinto 9:21

Ka lava vanga handle ka Nawu, nitiyendlile lweyi anga handle ka wona, lesvaku nitakota kukoka lava vanga handle ka Nawu (hambilesvi ningaliki handle ka Nawu wa Xikwembu, kambe ninga nawini wa Kriste).

Vagalatiya 3:3

Xana mingava sviphukuphuku hi ndlela leyi ke? Lesvi misunguleke hi sva Moya, milava kuyahetelela hi sva misava ke?

Vaheveru 4:2

Hikuva Evhangeli yitile ka hina kufana svinene ni lesvi yingata ka vona; kambe Evhangeli leyi vayitweke ayivapfunanga nchumu, hikuva ayikumananga ni kupfumela ka vona lava vayitweke.