Vagalatiya 3:13 - Testamente Leyimpsha Xichangana

¹³ Kriste ahiponisile khombzeni ra xirhuko xa Nawu, hi kutiyendla lweyi arhukiweke hikolaho ka hina, hikuva Matsalwa mali: “Akurhukiwe mun'wana ni mun'wana lweyi ahayekiweke mhandzeni.”

BIBELE Mahungu Lamanene

¹³ Kriste ú hi kutsurile ekhombyeni ra ku rhukana ka Nawu, hi ku tiendla la rhukaniweke hikwalaho ka hina, hikuva Matsalwa ma ri: “A ku rhukaniwe un'wana ni un'wana la hayekiweke emhandzeni.”

Xitsonga (Bibele)

¹³ Kriste u hi kutsurile eku rhukaniweni ka nawu hi ku hlayiwa la rhukaniweke ematshan'weni ya hina hikuva ku tsariwile va ku: “Ku rhukaniwe mani na mani la hayekiweke emhandzeni,”

Vagalatiya 3:13 Referans Kwoze

1 Petro 2:24

Yena hi yexe, arhwele svijoho sva hina mirini wa yena le xihambanwini, lesvaku na hina hifa hi tlhelo ra kujoha, hihanyela kululama. Miholisiwile hi svilondza sva yena.

Vaheveru 9:12

Anghenile kan'we ntsena ndhawini yokwetsimisisa svinene ngopfu, kutani angatekanga ngati ya timbuti ni ya marhole kuyagandzela ha yona, kambe agandzelile hi ngati ya yena, akuva ha yona kuva ni kukutsula hilaha kungaheliki.

Vaheveru 9:15

Hikolaho, hi yena muyimeli wa papela lerimpsha ra ndzhaka, lesvaku lavavitaniweke, vatakota kuyamukela ndzhaka leyingaheliki leyi vatshembisiweke yona; hikuva kuhumelele rifu leri rivakutsulaka minandzweni leyi avali na yona, hansi ka ntwananu loworhanga.

Nhlavutelo 5:9

Vayimbelela risimu lerimpsha vaku: “Afanekeliwa hi kuteka buku ni kupfula mimfungu ya yona, hikuva aadlayiwile, kutani hi ngati ya yena, axavile vanhu avaxavela Xikwembu, vahuma tinxakeni hinkwatu, na vali va tindzimi hinkwatu ni svib'ongo hinkwasvu ni va matiko hinkwawu.”

Matewu 26:28

hikuva leyi i ngati ya mina, ngati ya ntwananu leyihalateliwaka lava votala lesvaku varivaleliwa svijoho.

Vagalatiya 4:5

lesvaku atakutsula lava avali hansi ka Nawu, ni lesvaku hitayamukela xiyimu xa vana va Xikwembu.

Nhlavutelo 1:5

ni le ka Yesu Kriste, mboni leyotshembeka, mativula ya lavafeke ni mufumi wa tihosi ta misava. Ka lweyi ahirhandzaka, lweyi ahitshunxeke svijohweni sva hina hi ngati ya yena,

1 Yohane 4:10

Leri hi rona rirhandzu ra ntiyiso, hikuva ahi hina hingarhandza Xikwembu, kambe hi xona xihirhandzeke, kutani xirhumela N'wana wa xona lesvaku ava mukutsuli wa svijoho sva hina.

1 Petro 3:18

Kriste na yena afele svijoho kan'we, afela n'wina; yena munhu lowolulama afele lavangalulamangiki, lesvaku atamifikisa ka Xikwembu; adlayiwile hi tlhelo ra miri, kambe ayendliwile lweyi ahanyaka hi tlhelo ra moya.

Vaheveru 9:28

svafana na Kriste: Anyiketiwile kan'we kurhwala svijoho sva lavotala; hi kolaho, atahumelela ka vumbirhi, kungali kutasusa svijoho, kambe kutaponisa lava vamulanguteleke hi kuhiteka.

Vaheveru 9:26

Hikuva loko svilitano, Kriste aatava afanela kutwisiwa kuvaviseka hi kuphindhaphindha, kusukela loko misava yitumbulukile. Kasi, hilaha svingahakona, ahumelele kan'we ntsena svihela kolaho, svosvi kungafika minkarhi ya makumu, ayendlela kususa xijoho hi kutinyiketa ka yena ava mhamba.

Tito 2:14

Hi yena lweyi atinyiketeke hikolaho ka hina, lesvaku ahikutsula kuhombolokeni hinkwaku, ahiyendla vanhu lavatengeke, lava vanga va yena ntsena, ni lava vachivirikelaka kuyendla lesvinene.

Vagalatiya 3:10

Hinkwavu lavatitshembaka hi lesvi vahlayisaka Nawu, va le kurhukiweni, hikuva Matsalwa mali: “Mun'wana ni mun'wana lweyi atsandzekaka kuhlayisa ni kuyendla hinkwasvu lesvitsaliweke bukwini ya Nawu, a le kurhukiweni.”

2 Vakorinto 5:21

“Vuyelelanani ni Xikwembu!” Kriste lweyi angativangiki xijoho, Xikwembu ximuyendlile lesvaku ava xijoho hikolaho ka hina, lesvaku hikolaho ka yena, hiyendliwa lavalulameke mahlweni ka Xikwembu.

Timhaka 5:30

Xikwembu xa vatatana va hina xipfuxile Yesu kufeni, ndzhaku ka loko mimudlayile hi kumuhayeka mhandzeni.

Varhoma 4:25

Hi yena Yesu lweyi anganyiketiwa lesvaku adlayiwa hikolaho ka milandzu ya hina, atlhela apfuxiwa kufeni lesvaku hi ta tshunxiwa ka yona.

Vaefesa 5:2

Hanyani hi moya wa rirhandzu, tani hi Kriste lweyi ahirhandzeke ni kutinyiketa hikolaho ka hina ahumesela Xikwembu nyiko ni mhamba ya risima, leyi yixitsakisaka.

Varhoma 9:3

Hikuva anitanavela, mina hi xiviri xa mina, kuva lweyi acukumetiwaka, nihambanisiwa na Kriste hikolaho ka vona lava vanga va rixaka ra ka hina hi kuvelekiwa.

Nhlavutelo 13:8

Kutani vayaki hinkwavu va laha misaveni vataxigandzela; vanga lava mavito ya vona mangatsaliwangiki ka Buku ya Xinyempfana lexi xingadlawa kusukela kutumbulukeni ka matilo ni misava.

Matewu 27:5

Kutani Yudasi ayacukumeta male yakona Tempeleni, kutani asuka, ayatisunga.