Vagalatiya 3:1 - Testamente Leyimpsha Xichangana

¹ Yo! Vagalatiya, sviphukuphuku ndzin'wina! Mixengiwile hi mani xana, n'wina lava mihlamuseliweke svinene ta kuvambiwa ka Yesu Kriste xihambanwini, onge hi loko svihumelelile na misvivona hi mahlo?

BIBELE Mahungu Lamanene

¹ Yo! Vagalatiya, maphuphula ndzin'wina! Mi yengiwile hi mani xana, n'wina lava mi hlamuseriweke swinene ta ku vambiwa ka Yesu Kriste exihambanweni, onge hi loko swi humelerile mi ri karhi mi swi vona hi mahlo?

Xitsonga (Bibele)

¹ Yo! Vagalatiya, swihunguki! Mi yenge hi mani, n'wina lava Yesu Kriste a kombisiweke emahlweni ka n'wina hi ku tlula ngopfu, ingi u vambiwile exikarhi ka n'wina.

Vagalatiya 3:1 Referans Kwoze

2 Vakorinto 11:3

Kambe, kufana ni lesvi nyoka yikanganyiseke Evha hi maqhinga ya yona, nachava lesvaku hi tindlela tin'wana miyanakanyu ya n'wina yingawonhiwa, kutani mingahasvikoti kulandzela Kriste hi kutinyiketa ni kutenga.

Nhlavutelo 2:20

Kambe ku ni lexi univilelisaka hi xona: Hi lesvaku utshika Jezabele, wansati lweyi ativulaka muprofeta, aya mahlweni ni mintirho ya yena, kasi ajondzisa ni kukanganyisa malandza ya mina kuyendla vuwosvi ni kuja svakuja lesvihumeseliweke svikwembu sva hava.

Vagalatiya 1:6

Manihlamalisa: Hi nkamanyana wutsongo, mifularhele lweyi amivitaneke hi timpsalu ta Kriste, kutani mitsutsumela ka evhangeli yin'wana.

1 Petro 4:17

Hikuva nkama wufikile wa kuyavanyisiwa lokungatasungula hi va yindlo ya Xikwembu. Kutani, loko kusungula hi hina, xana makumu ya lavangayingisiki Evhangeli ya Xikwembu matava lawa yoyini ke?

2 Petro 2:18

Vatlakusa rito ni kutidzunisa ngopfu hi svilo sva hava; hi kunavela lokobiha ka sva manyala sva laha misaveni, vaphasa vanhu lava vaha kuponaka mavokweni ya valahleki.

Vaheveru 11:8

Hi kupfumela, Abrahamu, siku leri avitaniweke ha rona kurhurha aya tikweni leri Xikwembu aximutshembisile rona, ayingisile, arhurha hambilesvi aangakutivi lomu ayakakona.

Vaefesa 4:14

Kutani ahingahavi vatsongwana lavatsekatsekisiwaka, nasvona ahingehepengwisiwi hi jondzo yokala yingali yona, hi kuxengiwa hi vanhu lavakanganyisaka van'wana ni kuvahambukisa hi maqhinga ya vona.

Vagalatiya 4:9

Kambe lesvi namuntlha mitivaka Xikwembu (kumbe ningaku, lesvi namuntlha Xikwembu ximitivaka), xana sviyendlisa kuyini lesvaku mitlhelela ka mimoya leyi ya khale, leyitsaneke ya misava leyi ke? Hikolaho ka yini milava kutlhela mihundzuka svikarawa sva yona ke?

Vagalatiya 3:3

Xana mingava sviphukuphuku hi ndlela leyi ke? Lesvi misunguleke hi sva Moya, milava kuyahetelela hi sva misava ke?

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

Vaheveru 5:9

Kutani loko ayendliwile lweyi ahetisekeke, ahundzukile xihlovo xa kuponisiwa lokungaheliki ka hinkwavu lava vamuyingisaka,

Vaefesa 5:15

Loko svilitano, kambisisani svinene mahanyela ya n'wina; mingahanyeni tani hi vanhu lavangatwisisiki nchumu, kambe hanyani kufana ni lavatlhariheke.

1 Timotiya 6:4

munhu yelweyo wa kutikulisa ni kutikukumuxa, angativi nchumu. Afa hi kunavela kuphikizana ni madzolonga henhla ka marito ntsena, svinga lesvivangaka mavondzo, ni madzolonga, ni kurhuketelana, ni kulumbetana;

Vagalatiya 2:14

Kambe loko nivonile lesvaku lesvi avasviyendla asvingafambelani ni ntiyiso wa Evhangeli, nibzelile Petrosi mahlweni ka vona hinkwavu, niku: “U Muyuda wena hi kuvelekiwa, kambe uhanya hi mukhuva wa vamatiko, kungali wa Vayuda; hikolaho ka yini usindzisa vamatiko kuhanya hi mukhuva wa Vayuda ke?”

1 Vakorinto 11:26

Hikuva minkama hinkwayu loko mija xinkwa lexi, ni loko minwela ndzhekweni lowu, mitwalisa rifu ra Hosi, yikondza yivuya.

1 Vakorinto 2:2

kambe nitilulamisile lesvaku, loko nili xikarhi ka n'wina, ningalavi kutiva svin'wana loko angali Yesu Kriste, yena Kriste lweyi avambiweke.

Varhoma 6:17

Kambe akukhensiwe Xikwembu, hikuva n'wina lava va khale amili svikarawa sva kujoha, svosvi miyingisile hi mbilu hinkwayu ntiyiso wa jondzo leyi miyikumeke.

Varhoma 2:8

kambe lavanga ni moya wa kutirhandza, vayalaka ntiyiso, vafambaka hi kuhomboloka, xitavahlundzukela ni kuvakarihela.

Timhaka 6:7

Rito ra Xikwembu riya mahlweni; na yona nhlayo ya vajondzisiwa yiya yitala ngopfu Yerusalema, nasvona vaprista lavotala vatinyiketa kupfumeleni.

Nhlavutelo 18:3

Vanhu va matiko hinkwawu vanwile vhinyu robava ra vuwosvi bza yena; tihosi ta misava tiwosvane na yena, ni van'wamabindzu va misava leyi vafuwisiwile hi vuhunguki bza yena lebzochavisa.”

2 Vatesalonika 1:8

malangavini ya ndzilo. Xitaba lava vangaxitiviki, vanga lava vangayingisiki Evhangeli ya Hosi ya hina Yesu.

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

2 Vakorinto 10:5

hihelisa ni svihingakanyo hinkwasvu lesvi svitlakukeke, lesvi svisivelaka vanhu kutiva Xikwembu. Hikoka miyanakanyu hinkwayu kuyingiseni ka Kriste.

Varhoma 10:16

Kambe ahi hinkwavu lavayamukeleke Evhangeli, hikuva Ezaya ate: “Hosi, xana i mani lweyi akholweke lesvi hibzeliweke svona ke?”

Luka 24:25

Kutani aku ka vona: “Yo! Vanhu lavangatwisisiki, va timbilu letihlwelaka kukholwa hinkwasvu lesvivuliweke hi vaprofeta!

Matewu 24:24

Hikuva kutahumelela va kriste va mavunhwa, ni vaprofeta va mavunhwa, vatayendla mahlori lamakulu ni svihlamaliso, kukanganyisa hambi valivona vahlawuliwa va Xikwembu, loko svikoteka.

Matewu 7:26

“Mani na mani lweyi ayingisaka marito ya mina lawa, kutani angafambi ha wona, atafana ni wanuna wa xiphukuphuku, lweyi ayakeke yindlo ya yena axipfunyeni.

Timhaka 16:6

Vapostola vatsemakanya matiko ya Frixjiya ni ya Galatiya, kutani Moya Wokwetsima wuvasivela kuyavula Rito tikweni ra Aziya.

Vagalatiya 1:2

nitsala na nili ni vamakwerhu hinkwavu lavanga na mina halenu, hitsalela tikereke ta Galatiya, hili:

Vagalatiya 5:11

Kambe loko mina nahajondzisa hi ta kuyimba, vamakwerhu, xana nahaxanisiwa hikolaho ka yini? Hikuva, loko svilitano, kujondzisa ka mina hi ta xihambanu akungatakwatisa munhu.