Vagalatiya 2:9 - Testamente Leyimpsha Xichangana

⁹ Hikolaho, Yakobe, na Petrosi, na Yohani, lavalangutiwaka vali vona vafambisi va kereke, vawuvonile nkateko lowu Xikwembu xininyikeke wona, kutani vahikhome hi xiyandla, mina na Barnaba, kufunga kutirhisana ka vona na hina: Hina hitaya ka vamatiko, vona vaya ka lavayimbeke.

BIBELE Mahungu Lamanene

⁹ Hikokwalaho, Yakobo, na Petro, na Yohane, lava langutiwaka va ri vona vafambisi va kereke, va wu vonile nkateko lowu Xikwembu xi ndzi nyikeke wona, kutani va hi khome hi xandla, mina na Barnaba, ku fungha ku tirhisana ka vona na hina: Hina hi ta ya eka vamatiko, vona va ya eka lava yimbeke.

Xitsonga (Bibele)

⁹ ndzi ri: Loko va vonisisile nyiko leyi ndzi yi nyikiweke, Yakobo na Kefasi na Yohane, lava ringanisiwaka leswaku i misinya, va nyike mina na Barnaba mavoko ya vunakulobye, leswaku hina hi ya eka vamatiko, kutani vona va ya eka lava yimbeke,

Vagalatiya 2:9 Referans Kwoze

Varhoma 12:3

Hikuva, hikolaho ka timpsalu leti ninganyikiwa tona, nibzela mani na mani wa n'wina, niku: Mingatshukeni mitikulisa hi vutlhari bza n'wina; kambe mifanele kutitsongahata, miya hi mpimo wa kupfumela loku Xikwembu xiyaveleke mun'wana ni mun'wana wa n'wina.

Nhlavutelo 3:12

Lweyi angatahlula, nitamuyendla nsika leyikulu Tempeleni ya Xikwembu xa mina, kutani angakala angahumesiwi ka yona. Nitatsala henhla ka yena vito ra Xikwembu xa mina, ni Vito ra doropa ra Xikwembu xa mina, anga Yerusalema lwemumpsha leri rixikaka hi le tilweni rihuma ka Xikwembu xa mina; nitatsala ni vito lerimpsha ra mina henhla ka yena.

Vagalatiya 2:2

Nitlhantukele kona hi kuhlavuteliwa hi Xikwembu. Nivonanile ni vafambisi vakona hi tlhelo, kutani nivahlayela Evhangeli leyi niyitwaliseke ndzeni ka vamatiko. Aningalavi lesvaku lesvi nisvitirheke, ni lesvi nisvitirhaka svosvi, svihundzuka ntirho wa mahala.

Varhoma 1:5

Ha yena, hinyikiwile nkateko wa kuva vapostola vitweni ra yena, lesvaku vanhu va matiko hinkwawu vapfumela, vatlhela vayingisa;

1 Yohane 1:3

Lesvi hisvivoneke ni lesvi hisvitweke, himitivisa svona na n'wina, lesvaku miva ni vuhlengeli svin'we na hina; avuhlengeli bzi kona xikarhi ka hina na Tatana, na yena N'wana wa yena Yesu Kriste.

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

1 Timotiya 3:15

lesvaku loko nitshuka nihlwela, utasvikota kutiva hilaha munhu angahanyaka hakona loko ali njangwini wa Xikwembu, yinga kereke ya Xikwembu lexihanyaka, mhandze leyikulu ni xiseketelo xa lesvinga ntiyiso.

Vakolosa 1:29

Hi svona lesvi nitikarhatelaka svona, na nili karhi nilwa hi ntamu wa yena, lowu awupfuxaka hi matimba ndzeni ka mina.

Vaefesa 2:20

Na n'wina miyakiwa henhla ka masungulu lamavekiweke hi vapostola ni vaprofeta, ribze lerikulu ra masungulu na ali yena Yesu Kriste hi xiviri.

2 Vakorinto 8:4

vakombelile hi matimba lesvaku hivakatekisa hi kuvapfumelela kuveka xiyandla xa vona ntirhweni lowu wa kupfuna vahlawuliwa va Xikwembu.

1 Vakorinto 15:10

Kambe ni lesvi ningaxisvona hi timpsalu ta Xikwembu, kutani timpsalu takona, leti Xikwembu xinikombeke tona, atiwelanga hansi. Ntiyiso wakona hi lesvaku nitirhile ngopfu kuvatlula hinkwavu; hambi svilitano, akutirhanga mina, kambe kutirhile timpsalu ta Xikwembu leti tinga ka mina.

Varhoma 15:15

Hambi svilitano, nitinyikile matimba kumitsalela hi timhaka tin'wana, kutamitsundzuxa ha tona; niyendlile svosvo hikolaho ka timpsalu leti Xikwembu xininyikeke tona,

Timhaka 15:13

Kuteloko vahetile kuhlamusela, Yakobe avulavula, aku: “N'wina valekwerhu, ni yingiseni;

Timhaka 15:7

Kuteloko vayivulavulile nkama wa kuleha, Petrosi ayima, aku ka vona: “Vavanuna valekwerhu, masvitiva lesvaku Xikwembu xinihlawulile xikarhi ka n'wina loko kereke yahakusungula, lesvaku vamatiko vatatwa rito ra Evhangeli hi nomo wa mina, vakondza vapfumela.

Timhaka 4:36

Hi mukhuva lowu Yosefa, Mulevhi lweyi apsaliweke Kipra, lweyi vapostola avaku i Barnaba (hi lesvaku “Lweyi atiyisaka van'wana”),

Matewu 16:18

Kolaho-ke nili ka wena: U ‘Petrosi’, kutani henhla ka ribze leri, nitayaka kereke ya mina; kutani hambi wuli ntamu wa rifu wungakala wungayihluli.

Luka 22:8

Yesu arhuma Petrosi na Yohani, aku ka vona: “Yanani, miyahilungisela nkhuvu wa Paska, hitakota kuyaja.”

Yohane 1:42

Kutani amuyisa ka Yesu. Loko Yesu amulangunta aku: “Wena u Simoni n'wana Jonasi; wena utavitaniwa Kefasi” ( lesvivulaku Petrosi, ribze ).

Timhaka 12:17

Yena avakwehleta hi voko lesvaku vamiyela; avabzela hilaha Hosi yimuhumeseke jele hakona, kutani aku: “Tivisani Yakobe ni vamakwerhu Hosini timhaka toleto.” Kutani ahuma, afamba aya kun'wana.

2 Vakorinto 11:5

Niringanisa lesvaku ani lweyi ntsongo ka lava vangavona “vapostola lavakulu”.

2 Vakorinto 12:11

Nitidzunisile, nive xiphukuphuku! Hi n'wina minisindziseke, kasi amitava mifanele kunidzunisa, hikuva hambi loko ningali nchumu, avanitlulanga ha nchumu, volavo vange i “vapostola lavakulu”.

Vagalatiya 1:16

xisvitsakelile kuhlavutela N'wana wa xona ka mina, lesvaku nitamutwalisa ndzeni ka vamatiko. Nkameni wolowo, anivutisanga munhu,

Vagalatiya 1:18

Kutani, ndzhaku ka malembe manharhu, hi kona ni tlhantukeleke Yerusalema kuyavonana na Petrosi, kutani nixwe na yena masiku ya khume na ntlhanu.

Vagalatiya 2:1

Ndzhaku ka malembe ya khume ni mune, nitlhele ni tlhantukela Yerusalema na nili na Barnaba, kutani niteka na Tito.

Vagalatiya 6:3

Hikuva loko mun'wana ayanakanya lesvaku yena xanchumu, kasi ahi nchumu, watikanganyisa.