Vagalatiya 2:16 - Testamente Leyimpsha Xichangana

¹⁶ Hambi svilitano, hitiva lesvaku munhu angayendliwi lweyi alulameke mahlweni ka Xikwembu hi kuhlayisa Nawu, kambe kuli ntsena hi kupfumela ka Yesu Kriste; kutani hina hipfumelile ka Yesu Kriste, lesvaku hiyendliwa lavalulameke hi kupfumela ka yena, kungali hi kuhlayisa Nawu; hikuva kutsaliwile lesvi: “Aku na munhu ni mun'we lweyi angatayendliwa lweyi alulameke hi kuhlayisa Nawu.”

BIBELE Mahungu Lamanene

¹⁶ Hambiswiritano, hi tiva leswaku munhu a nga endliwi la lulameke emahlweni ka Xikwembu hi ku hlayisa Nawu, kambe ku ri ntsena hi ku pfumela eka Yesu Kriste; kutani hina hi pfumerile eka Kriste Yesu, leswaku hi endliwa lava lulameke hi ku pfumela eka yena, ku nga ri hi ku hlayisa Nawu; hikuva ku tsariwile va ku: “A ku na munhu na un'we la nga ta endliwa la lulameke hi ku hlayisa Nawu.”

Xitsonga (Bibele)

¹⁶ hambiswiritano, hi ku tiva leswaku munhu a nga hlayiwi la lulameke hi mitirho ya nawu, kambe hi ku pfumela eka Yesu Kriste, na hina hi pfumele ka Yesu Kriste, hi ta hlayiwa lava lulameke hi ku pfumela eka Kriste, ku nga ri hi mitirho ya nawu; hikuva a ku na munhu la nga ta hlayiwa la lulameke hi mitirho ya nawu.

Vagalatiya 2:16 Referans Kwoze

Vafilipiya 3:9

ni kukumiwa na nili xilo xin'we na yena, ningahali na kululama lokunga ka mina, loku nikukumaka hi kuhlayisa Nawu, kambe nili ni kululama loku kunyikiwaka hi kupfumela ka Kriste, kululama loku kuhumaka ka Xikwembu, loku kuyimaka henhla ka kupfumela.

Varhoma 9:30

Hitakuyini ke? Hitaku: Vamatiko lava avangalandzi nawu wa kululama, vakume kululama koloko, hi mhaka ya kupfumela;

1 Petro 3:18

Kriste na yena afele svijoho kan'we, afela n'wina; yena munhu lowolulama afele lavangalulamangiki, lesvaku atamifikisa ka Xikwembu; adlayiwile hi tlhelo ra miri, kambe ayendliwile lweyi ahanyaka hi tlhelo ra moya.

Varhoma 4:2

Loko Abrahamu ahlayiwile lweyi alulameke hikolaho ka mintirho ya yena, a ni sva kutidzunisa ha svona; kambe kungali mahlweni ka Xikwembu.

1 Petro 2:24

Yena hi yexe, arhwele svijoho sva hina mirini wa yena le xihambanwini, lesvaku na hina hifa hi tlhelo ra kujoha, hihanyela kululama. Miholisiwile hi svilondza sva yena.

Varhoma 8:3

Lesvi Nawu wuhlulekeke kusviyendla, hi mhaka ya gome mirini wa laha misaveni, Xikwembu xisvikotile: Xiyavanyisile kujoha mirini hi kurhumela N'wana wa xona hi yexe, na ali ni miri lowufanaka ni miri wa hina wofumiwa hi kujoha, lesvaku atakota kuyavanyisa xijoho mirini.

Varhoma 3:30

lesvi kunene Xikwembu xinga xin'we; xitayendla va kuyimba vava lavalulameke hi mhaka ya kupfumela, na vona lavokala vangayimbanga hi mhaka leyi ya kupfumela.

Varhoma 1:17

Ka yona kuhlavuteliwa hilaha vanhu vayendliwaka lavalulameke hi Xikwembu hakona; lesvi svikumiwa ntsena hi kupfumela, nkama hinkwawu, hilaha Matsalwa mahlayaka hakona maku: “Lweyi ayendliwaka lweyi alulameke hi kupfumela, atahanya.”

1 Yohane 1:7

Loko hifamba kuvonakaleni, kufana na xona xinga kuvonakaleni, hi ni vuhlengeli, kutani angati ya Yesu Kriste N'wana wa xona yahibasisa ka svijoho hinkwasvu.

2 Petro 1:1

Mina Simoni Petrosi, nandza ni mupostola wa Yesu Kriste, nitsalela lavanyikiweke kupfumela loku hi risima leriringanaka ni kupfumela ka hina, hi kululama ka lweyi anga Xikwembu ni muponisi wa hina Yesu Kriste, nili:

Nhlavutelo 7:9

Ndzhaku ka svosvo, nilanguta, kutani nivona xitshungu lexikulu xa vanhu. Akungali na munhu lweyi akotaka kuvakonta. Avahuma matikweni hinkwawu, ni le tinxakeni hinkwatu, na vali va svib'ongo hinkwasvu ni va tindzimi hinkwatu. Avayimile mahlweni ka xiluvelo ni le mahlweni ka Xinyempfana na vayambale sviyambalu svoleha lesvobasa, na vatamele mincindzu mavokweni ya vona.

Vagalatiya 5:4

Mitihambanisile na Kriste, n'wina hinkwenu lavarhandzaka kuyendliwa lavalulameke mahlweni ka Xikwembu hi mhaka ya kuhlayisa Nawu; miwele kule ni timpsalu ta Xikwembu.

1 Vakorinto 6:11

Hi lesvi van'wana va n'wina amili svona; kambe svosvi mibasisiwile, nasvona miyendliwile lavahlawulekeke ni lavalulameke, hi vito ra Hosi Yesu Kriste ni Moya wa Xikwembu xa hina.

Yohane 20:31

Kambe timhaka leti titsaleliwile n'wina, lesvaku mitakota kupfumela lesvaku Yesu i Kriste, N'wana wa Xikwembu, ni lesvaku, hi mhaka ya kupfumela, miva ni vutomi vitweni ra yena.

Vagalatiya 4:5

lesvaku atakutsula lava avali hansi ka Nawu, ni lesvaku hitayamukela xiyimu xa vana va Xikwembu.

Nhlavutelo 7:14

Niku ka yena: “Svotiviwa hi wena, Hosi yanga.” Hi loko aku ka mina: “Lava, hi lava vataka hi le kuxanisekeni lokukulu; vahlampseke sviyambalu sva vona, vasvibasisa sviva ni muhlovo wa ku svibasa hi ngati ya Xinyempfana.”

1 Petro 1:2

vanga lavahlawuliweke khale hi vutivi bza Xikwembu Tatana, vahlawulekisiwa hi Moya lesvaku vayingisa Yesu Kriste ni kuxuviwa hi ngati ya yena, nili: Timpsalu ni kurhula asvive na n'wina hi ntalu.

Varhoma 4:24

kambe makongoma na hina; hitahlayiwa svosvo na hina, hi mhaka ya lesvi hipfumelaka ka yena Lweyi apfuxeke Yesu Hosi ya hina xikarhi ka vafi.

Timhaka 4:12

“Kutani kuponisiwa aku kumeki ka munhu mun'wana, hikuva vanhu avanyikiwanga vito rin'wana laha misaveni, handle ka vito ra Yesu, leri hifanelaka kuponisiwa ha rona.”