Vagalatiya 2:1 - Testamente Leyimpsha Xichangana

¹ Ndzhaku ka malembe ya khume ni mune, nitlhele ni tlhantukela Yerusalema na nili na Barnaba, kutani niteka na Tito.

BIBELE Mahungu Lamanene

¹ Endzhaku ka malembe ya 14, ndzi tlhele ndzi tlhandlukele eYerusalema ndzi ri na Barnaba, kutani ndzi teka na Tito.

Xitsonga (Bibele)

¹ Malembe ya khume na mune, kuteloko ma herile, ndzi tlhela ndzi tlhandlukela eYerusalema, na Barnaba, ndzi teka na Tito.

Vagalatiya 2:1 Referans Kwoze

Vagalatiya 2:3

Na Tito lweyi anili na yena, hambilesvi anga Mugriki, angasindzisiwanga kuyimba.

Tito 1:4

Nitsalela Tito, n'wananga wa xiviri, kupfumeleni loku hinga nakona svin'we, nili: Timpsalu ni kurhula, asvive na wena, svihuma ka Xikwembu Tatana, ni ka Yesu Kriste Muponisi wa hina!

Vakolosa 4:10

Arixtarko, lweyi anga jele svin'we na mina, wamirungula; svafana na Marka makwavu wa Barnaba, lweyi nimileleteke lesvaku mimuyamukela, loko ata koseno .

Vagalatiya 2:13

Vayuda van'wana lava avali kona, na vona vatluleliwile hi vukanganyisi bza Petrosi, Barnaba akondza akokiwa na yena hi kukanganyisa koloko.

Vagalatiya 1:18

Kutani, ndzhaku ka malembe manharhu, hi kona ni tlhantukeleke Yerusalema kuyavonana na Petrosi, kutani nixwe na yena masiku ya khume na ntlhanu.

2 Vakorinto 8:23

Loko ali Tito, i nakulorhi lweyi nitirhisanaka na yena kumipfuna; loko vali vamakwerhu lavan'wana, i varhumiwa va tikereke, lava Kriste achavisekaka hi mhaka ya vona.

2 Vakorinto 8:16

Akukhensiwe Xikwembu lexiyendlaka lesvaku Tito ahiseka kufana na hina kumipfuna.

1 Vakorinto 9:6

Xana hi hina ntsena, mina na Barnabasi, lava hikalaka mfanelo yotshika kutirha ke?

Timhaka 15:25

hi kokolaho hi twananile hi mbilu yin'we kuhlawula vavanuna, hivarhumela ka n'wina; vata kufana ni varhandziwa va hina Pawulo na Barnaba,

Timhaka 14:12

Kutani Barnaba avamuhlaya Zewu; Pawulo yena, avaku i Herme, hikuva aali yena xivulavuli lexikulu.

Timhaka 13:50

Kambe Vayuda vahlohlotela vavasati lavakuchaviseka va vukhongeli, ni vakulukumba va doropa; vasungula kuxanisa Pawulo na Barnaba, kutani vavahlongola tikweni ra vona.

Timhaka 13:2

Loko vali karhi na vatitsona svakuja vagandzela Hosi, Moya Wokwetsima wuku: “Nihlawuleleni Barnaba na Sawulo, vaya ntirhweni lowu ni vavitaneleke wona.”

Timhaka 12:25

Kutani loko Barnaba na Sawulo vahetile ntirho wa vona, vasuka Yerusalema, vavuya na vali na Yohani, lweyi avaku i Marka.

Timhaka 11:30

Kunene vayendlisa svosvo, kutani varhumela tinyiko takona ka vakulukumba, tifamba na Barnaba na Sawulo.

Timhaka 11:25

Hi loko Barnaba aya Tarso kuyalava Sawulo.

2 Vakorinto 2:13

Kambe aningatshunxekanga moyeni, hikuva Tito makwerhu animukumanga; hi kolaho, nivasalisile, kutani ni ya Makedoniya.

Vagalatiya 2:9

Hikolaho, Yakobe, na Petrosi, na Yohani, lavalangutiwaka vali vona vafambisi va kereke, vawuvonile nkateko lowu Xikwembu xininyikeke wona, kutani vahikhome hi xiyandla, mina na Barnaba, kufunga kutirhisana ka vona na hina: Hina hitaya ka vamatiko, vona vaya ka lavayimbeke.